رٛمَعٜنْ 3

1تٛ نٛنْ کَمْ، وٛودِ کٛ يَحُودُعٜنْ ࢡُرْدَتَ عُمَّاتٛوجٜ غٛطّٜ نَ؟ جُولْنٛلْ مَࢡّٜ وٛودِ سَمَنْ نَ؟ 2ڢَکَتْ، طُمْ وٛودِ سَمَنْ، نَا سٜطَّ؞ عَرَنْ، اَللَّه حَلْڢِنِ ࢡٜ بٛلّٜ مُمْ؞ 3تٛ وٛطْࢡٜ مَࢡّٜ لَاتَاکِ غٛونغَعٜنْ، طُمْ وِلَنْ غٛونغَاکُ اَللَّه نَ؟ 4وِلَتَا سَمْ‏! اَللَّه عٛ غٛونغَاجٛ ڢٛرٛيْ عَمَّا يِمْࢡٜ ڢُو ࢡٜ ڢٜوٛوࢡٜ؞ بَنَ کٛ وِنْدَ‏:

«سٜيْ کٛو مٛيْ ڢُو يِعَ عَ غٛونغَاجٛ ندٜرْ بٛلّٜ مَاطَ ڢُو

عٜ عَلَاتٛ جَالِيطٛ تٛ غٛطّٛ وُلَّکٜ مَ#جَبُورَ 51‏:6؞؞»

5تٛ نِي سٛويْندٜ عَدِلَاکُ مٜىٰطٜنْ طٛنْ وَنغِنَ عَدِلَاکُ اَللَّه بٜى لَاࢡْطُمْ، کٛ مبِعٜتٜنْ؟ کَدِ اَللَّه وٛنَايْ عَدِلِيجٛ تٛ عٛعُکَّنِ عٜنْ تِکّٜرٜ مَاکٛ نَ؟ مِطٛنْ ࢨَمَ بَنَ يِمْࢡٜ ࢨَمْرَتَ؞ 6وٛودَا سَمْ‏! نغَمْ تٛ اَللَّه وٛنَايْ عَدِلِيجٛ، نٛيْ عٛحِيتٛرْتٛ دُنِيَارُ؟

7عَمَّا تٛ سٛويْندٜ عَدِلَاکُ عَمْ طُطِّنِ تٜدُّنغَلْ اَللَّه، وَنغِنِ غٛونغَ مَاکٛ لَاࢡْطُمْ، نغَمْ طُمٜ عٛحِيتٛتٛ يَمْ نغَمْ مِحَکّٜىٰجٛ؟ 8نٛيْ تٛ عٜنْ مبِعِ‏: «کُووٜنْ حَلّٜىٰندٜ نغَمْ حَا مبٛوطٜىٰنغَ وَنغَ؞» وٛطْࢡٜ طٛنْ کَلِّنَمِّ، طٛنْ مبِعَ مِنْ وِعِ طُمْ؞ کَيْتٛ، ࢡٜکٜࢡَنْ کِيتَ دٜيْدٜيْ عَيْبٜ مَࢡّٜ؞

وَلَا عَدِلِيجٛ کٛو غٛوتٛ

9ندٜنْ کَمْ عٜنٜنْ يَحُودُعٜنْ عٜنْ ࢡُرِ يِمْࢡٜ وٛطْࢡٜ کَدِ نَ؟ وَلَا سَمْ‏! نغَمْ مِعَارْتِ مِوِعِ حَکّٜ طٛنْ لَامَنٛ يَحُودُعٜنْ عٜ يُنَنِنغْکٜعٜنْ کَلْ-کَلْ؞ 10بَنَ کٛ وِنْدَ ندٜرْ دٜڢْتٜرٜ سٜنِيندٜ‏:

«وَلَا کُووَنْطٛ کٛ ڢٛتِّ، وَلَا کٛو غٛوتٛ؞

11وَلَا مَرْطٛ حَکِّيلٛ، ࢡَدِتَنْطٛ اَللَّه؞

12ࢡٜ ڢُو ࢡٜشٜلِ لَاوٛلْ غٛونغَ، ࢡٜمبٛنَّکٜ؞

وَلَا بَطَنْطٛ کٛ وٛوطِ، وَلَا کٛو غٛوتٛ#جَبُورَ 14‏:1‏-3؛ 53‏:2‏-4؞؞

13کٛنْدٛنْدِ مَࢡّٜ نَنْدِ بٜى غٜنَالٜ مَࢡِّتِيطٜ،

طٜمْطٜ مَࢡّٜ طٛنْ مبٛلْوَ بٛلّٜ رِکِشِيجٜ،

بٛلّٜ مبَرٛوجٜ بَنَ تٛوکٜ ݠٛوسٛکْجٜ طٛنْ نغُرْتٛ کُنْدُطٜ مَࢡّٜ#جَبُورَ 5‏:10؛ 140‏:4؞؞

14کُنْدُطٜ مَࢡّٜ کٜىٰوِ نَالٛوجٜ عٜ بٛلّٜ کَاطّٜ#جَبُورَ 10‏:7؞؞

15کٛسْطٜ مَࢡّٜ طٛنْ نجَاوَ يَحُغٛ مبَرَ يِمْࢡٜ،

16بٛنّٛنْدَ عٜ حَلْکٜرٜ وَطَنْ کٛو تٛيْ ࢡٜنجٜحِ ڢُو؞

17ࢡٜعَنْدَا لَاوٛلْ جَمْ#عٜسَايَ 59‏:7‏-8؞،

18ࢡٜنغَلَا کُلٛلْ اَللَّه سَمْ#جَبُورَ 36‏:2؞؞»

19عٜنْ عَنْدِ کٛ تَوْرٜىٰتَ وِعَتَ ڢُو، طٛنْ وٛلْوَنَ حٛکَّاࢡٜ تَوْرٜىٰتَ، نغَمْ تَا غٛطّٛ حٜࢡَ غٜلْدٛلْ، نغَمْ حَا يِمْࢡٜ دُنِيَارُ ڢُو عَنْدِتَ ࢡٜ عَيْبُࢡٜ يٜىٰسٛ اَللَّه؞ 20وَلَا مٛ لَاتٛتٛ عَدِلِيجٛ يٜىٰسٛ اَللَّه بٜى طٛوْتَنَاغٛ تَوْرٜىٰتَ؞ نٜطّٛ وٛودِ حَکّٜ، کَنْجُمْ تَنْ تَوْرٜىٰتَ عَنْدِنْتَ عٜنْ#جَبُورَ 143‏:2؛ غَلَاتِيَعٜنْ 2‏:16؞؞

نٛ يِمْࢡٜ لَاتٛرْتٛ عَدِلِعٜنْ يٜىٰسٛ اَللَّه

21عَمَّا کٛ تَوْرٜىٰتَ عٜ اَلنَّبِعٜنْ شٜىٰدَنِ عٜنْ دِغَ ࢡٛويْمَ، طُمْ وَطِ جٛنْتَ‏: اَللَّه بٜى حٛورٜ مُمْ وَنغِنِ نٛ يِمْࢡٜ لَاتٛرْتٛ عَدِلِعٜنْ يٜىٰسٛ مَاکٛ بِلَا تَوْرٜىٰتَ؞ 22اَللَّه عَدِلِنَنْ کٛو مٛيْ نُطِّنِ عِيسَى اَلْمَسِيحُ؞ عٛطٛنْ عَدِلِنَ نُطِّنْࢡٜ ڢُو نغَمْ حَا مَاکٛ يِمْࢡٜ ڢُو ݠٛتَنْ کَلْ#غَلَاتِيَعٜنْ 2‏:16؞‏: 23ࢡٜ ڢُو ࢡٜمبَطِ عَيْبٜ، ࢡٜشٛويِ تٜدُّنغَلْ اَللَّه؞ 24عَمَّا اَللَّه بٜى مٛعّٜرٜ مُوطُمْ، وَطَنِ ࢡٜ شَاحُ بٜى عَدِلِنغٛ ࢡٜ؞ عٛسٛوتِّ ࢡٜ بٜى عِيسَى اَلْمَسِيحُ؞ 25‏-26اَللَّه دَرْنِ عِيسَى اَلْمَسِيحُ حَا نُطِّنْࢡٜ مٛ ڢُو کٜࢡَ يَاڢُيٜ بٜى ࢨِيࢨَمْ مَاکٛ؞ عٛحِيتَاکِ حَکّٜىٰجِ مَࢡّٜ ࢡٛويْمَاجِ، عٛمُࢩَنِ ࢡٜ، عٛيَاڢِ ࢡٜ؞ بَنَ نِي عٛوَنغِنِرِ عَدِلَاکُ مَاکٛ جٛنْتَ وَاتٛ عٛ عَدِلِيجٛ عٜ عٛ عَدِلِنَنْطٛ نُطِّنَنْࢡٜ عِيسَى ڢُو؞

27کَدِ، دَلِيلَ مَوْنِتَاغٛ طٛنْ لُتَّنِ عٜنْ نَ؟ وَلَا سَمْ‏! نغَمْ طُمٜ؟ نغَمْ اَللَّه لِمَتَا کُوطٜ، سٜيْ نُطِّنْکِ؞ 28عٜنْ عَنْدِ ڢَکَتْ، اَللَّه طٛنْ عَدِلِنَ غٛطّٛ نغَمْ دَلِيلَ نُطِّنْکِ، نَا نغَمْ دَلِيلَ طٛوْتَارٜ حٜىٰدِ تَوْرٜىٰتَ؞ 29کَدِ اَللَّه عٛ اَللَّه يَحُودُعٜنْ تَنْ نَ؟ نَا عٛ اَللَّه عُمَّاتٛوجٜ غٛطّٜ بٛو نَ؟ نٛنّٛنْ، عٛ اَللَّه عُمَّاتٛوجٜ ڢُو؞ 30اَللَّه عٛ غٛوتٛ، عٛطٛنْ عَدِلِنَ جُولْنٛتٛوࢡٜ عٜ ࢡٜنجُولْنَتَاکٛ ڢُو، تٛ ࢡٜنُطِّنِ عِيسَى اَلْمَسِيحُ#تٛوکْتَاکِ تَوْرٜىٰتَ 6‏:4؛ غَلَاتِيَعٜنْ 3‏:20؞؞ 31تٛ مِوِعِ بَنَ نِي، مِطٛنْ وِلَ تَوْرٜىٰتَ نَ؟ نَا نٛنْ سَمْ‏! مِطٛنْ تَبِتِنَ تَوْرٜىٰتَ؞

Currently Selected:

رٛمَعٜنْ 3: داَ

Highlight

Copy