رٛمَعٜنْ 2

کِيتَ اَللَّه عَدِلِيحَ

1نغَمْ مَاجُمْ، عَنْ نٜطّٛ، کٛو عَ مٛيٜ عَوَلَا غٜلْدٛلْ ندٜ عَطٛنْ حِيتٛ غٛطّٛ؞ نغَمْ تٛ عَحِيتَکٜ وٛطْࢡٜ، طُمْ حٛورٜ مَاطَ عَحِيتِ، نغَمْ عَطٛنْ وَطَ کٛ ࢡٜمبَطَتَ#مَتَّ 7‏:1؛ لُکَ 6‏:37؞؞ 2عٜنْ عَنْدِ اَللَّه طٛنْ حِيتٛ وَطَنْࢡٜ کُوطٜ مَنْ کِيتَ نغٛونغْطُکَ؞ 3کَدِ، عَنْ کِيتَنْطٛ وٛطْࢡٜ، عَمَّا عَطٛنْ وَطَ کٛ عَحِيتٛتٛ حَا مَࢡّٜ، عَتَمِّ عَحِسَنْ کِيتَ اَللَّه نَ؟ 4مَلَّ عَطٛنْ يَوٛ جٜيْنِتَاجٜ مبٛوطٜىٰنغَ مَاکٛ طُوطْنغَ عٜ مُࢩَلْ مَاکٛ؟ عَعَنْدَا نٛ مبٛوطٜىٰنغَ اَللَّه طٛنْ طٛوٜ حَا تُوبُ نَ؟ 5عَمَّا حٛورٜ مَ سَاتِ، ࢡٜرْندٜ مَ سَلِ بٛو تُوبُغٛ؞ نغَمْ مَاجُمْ، عَطٛنْ تٛکّٛ ڢٛوطَنْغٛ حٛورٜ مَ تِکّٜرٜ اَللَّه ࢡُرْندٜ سَاتُغٛ ࢩَلَادٜ دَرْنغَلْ، ࢩَلَادٜ مَنْ اَللَّه وَنغِنَنْ تِکّٜرٜ مُمْ عٜ کِيتَ مُمْ نغٛونغْطُکَ؞ 6عٛوَرْجٛتٛ کٛو مٛيْ دٜيْدٜيْ کُوطٜ مُمْ#جَبُورَ 62‏:13؛ بَلْندِ 24‏:12؞؞ 7تِيطْࢡٜ وَطْغٛ کٛ ڢٛتِّ، طَࢡِّتَنْࢡٜ تٜدُّنغَلْ عٜ دَرَجَ عٜ دُومَارٜ، عٛحٛکَّنْ ࢡٜ نغٜىٰندَمْ ندُومِيطَمْ؞ 8عَمَّا تُورْتُࢡٜ دٛوْ مَاکٛ، سَلٛتٛوࢡٜ غٛونغَ، تٛکّٛتٛوࢡٜ حَلّٜىٰندٜ، عٛرُڢَنْ تِکّٜرٜ مَاکٛ سَاتُندٜ ڢُو دٛوْ مَࢡّٜ؞ 9ࢡِلَّارٜ عٜ بٛنٜ عُکَّنْتٛ وَطَنْࢡٜ حَلّٜىٰندٜ، عَرَنْ يَحُودُعٜنْ، ندٜنْ يِمْࢡٜ عُمَّاتٛوجٜ غٛطّٜ بٛو؞ 10عَمَّا کٛو مٛيْ وَطِ کٛ ڢٛتِّ، اَللَّه حٛکَّنْ مٛ تٜدُّنغَلْ عٜ دَرَجَ عٜ جَمْ، عَرَنْ يَحُودُعٜنْ، ندٜنْ يِمْࢡٜ عُمَّاتٛوجٜ غٛطّٜ؞ 11نغَمْ اَللَّه سٜنْدِندِرْتَا يِمْࢡٜ#تٛوکْتَاکِ تَوْرٜىٰتَ 10‏:17؞؞

12تٛ غٛطّٛ مٛ عَنْدَا تَوْرٜىٰتَ وَطِ حَکّٜ، عٛحَلْکَنْ بِلَا تَوْرٜىٰتَ؞ عَمَّا تٛ غٛطّٛ مٛ عَنْدِ تَوْرٜىٰتَ وَطِ حَکّٜ، ندٜنْ کَمْ عٛ کِيتٜتٜىٰطٛ ڢٛدّٜ تَوْرٜىٰتَ؞ 13غٛطّٛ لَاتَتَاکٛ عَدِلِيجٛ يٜىٰسٛ اَللَّه بٜى نَنُغٛ تَوْرٜىٰتَ تَنْ، سٜيْ بٜى طٛوْتَنَاغٛ کَ؞ 14يِمْࢡٜ عُمَّاتٛوجٜ نغَلَا تَوْرٜىٰتَ؞ عَمَّا تٛ ࢡٜمبَطِ بٜى مُويٛ مَࢡّٜ کٛ تَوْرٜىٰتَ عُمْرَتَ، کٛو ندٜ ࢡٜکٜࢡَايْ کَ، ࢡٜمبَطَنِ کٛعٜ مَࢡّٜ تَوْرٜىٰتَ؞ 15عُمْرٛوجٜ تَوْرٜىٰتَ مبِنْدَامَ ندٜرْ ࢡٜرْطٜ مَࢡّٜ، کُوطٜ مَࢡّٜ طٛنْ مبَنغِنَ طُمْ؞ نُمٛوجِ ࢡٜرْطٜ مَࢡّٜ بٛو طٛنْ مبَنغِنَ طُمْ، نغَمْ سَاعِ ڢٜىٰرٜ نُمٛوجِ مَࢡّٜ نغُلّٛتٛ ࢡٜ، سَاعِ ڢٜىٰرٜ بٛو طِ شٜىٰتّٛتٛ ࢡٜ؞ 16ࢩَلَادٜ ندٜ اَللَّه حِيتٛتٛ نُمٛوجِ يِمْࢡٜ شُوطِيطِ بٜى عِيسَى اَلْمَسِيحُ ڢٛدّٜ لِنْجِيلَ کَ نغَازَنْمِ، کٛو طُمٜ ڢُو وَنغَنْ؞

يَحُودُعٜنْ عٜ تَوْرٜىٰتَ

17کَدِ نٛيْ عَنْ يَحُودُوجٛ جٛنْتَ؟ عَطٛنْ سٜيٛرٛ عٜوْنٜىٰغٛ يَحُودُوجٛ، عَطٛنْ دَرِ دٛوْ تَوْرٜىٰتَ، عَطٛنْ جُرٛرٛ اَللَّه مَ؞ 18عَعَنْدِ مُويٛ اَللَّه، نغَمْ تَوْرٜىٰتَ عَنْدِنِ مَ سُࢡُغٛ کٛ ڢٛتِّ؞ 19عَنُمِ ڢَکَتْ عَوَاوَنْ طٛوُغٛ وُمْࢡٜ عٜ يَيْنَنْغٛ وٛنْࢡٜ ندٜرْ ࢩِࢡْرٜ 20عٜ عٜلْتُغٛ ڢَاتَاࢡٜ عٜ جَنغِنغٛ دٜرْکٜعٜنْ عٜ عَحٜࢡِ عَنْدَلْ عٜ غٛونغَ ڢُو بٜى تَوْرٜىٰتَ بٛو؞ 21عَطٛنْ جَنغِنَ وٛطْࢡٜ، عَمَّا عَجَنغِنَايْ حٛورٜ مَ؞ عَطٛنْ وِعَ‏: «تَا وُجُّ»، عَمَّا عَنْ بٜى حٛورٜ مَ عَطٛنْ وُجَّ؞ 22عَطٛنْ وِعَ‏: «تَا وَطْ نجٜىٰنُ»، عَمَّا عَنْ بٜى حٛورٜ مَ عَطٛنْ نجٜىٰنَ؞ عَطٛنْ وَࢩَ لَبِّ، عَمَّا عَطٛنْ وُجَّ کُوجٜ ندٜرْ شُوطِ مَاجِ؞ 23عَطٛنْ جُرٛ نغَمْ اَللَّه حٛکِّ مَ تَوْرٜىٰتَ، عَمَّا عَطٛنْ يَوٛ مٛ بٜى لُوتُغٛ کَ؞ 24بَنَ کٛ وِنْدَ‏: «نغَمْ دَلِيلَ مٛوطٛنْ، عٛنٛنْ يَحُودُعٜنْ، عُمَّاتٛوجٜ غٛطّٜ طٛنْ کَلِّنَ عِنْدٜ اَللَّه#عٜسَايَ 52‏:5؞؞»

25تٛ عَطٛوْتَنَکٜ تَوْرٜىٰتَ، ندٜنْ جُولْنٛلْ#2‏:25 جُولْنٛلْ مَلَّ ندٜمْنٛلْ؞ مَ بٛو نَڢٜتٜ؞ عَمَّا تٛ عَلُوتِ تَوْرٜىٰتَ، ندٜنْ کَمْ جُولْنٛلْ مَ لَاتَکٜ مٜىٰرٜ، عَڢٛتَنْ کَلْ-کَلْ بٜى ࢡٜنجُولْنَاکِ؞ 26کَدِ تٛ غٛطّٛ مٛ جُولْنَاکِ طٛوْتَنَکٜ عُمْرٛوجٜ تَوْرٜىٰتَ، اَللَّه لَارَتَا مٛ بَنَ عٛجُولْنِيطٛ نَ؟ 27نغَمْ مَاجُمْ غٛطّٛ مٛ جُولْنَاکِ، عَمَّا طٛوْتَنِ تَوْرٜىٰتَ، حِيتٜتٜ عَنْ جُولْنِيطٛ مٛ طٛوْتَنَاکِ تَوْرٜىٰتَ کَ اَللَّه حٛکِّ مَ؞ 28نَا کٛ غِتٜ نغِعَتَ وَرْتِرْتَ غٛطّٛ يَحُودُوجٛ غٛونغَاجٛ؞ جُولْنٛلْ غٛونغَوٛلْ بٛو نَا طُمْ جُولْنٛلْ ڢٛدّٜ ࢡَنْدُ مَلَّ کٛ غِتٜ نغِعَتَ؞ 29عَمَّا جُولْنٛلْ نغٛلْ يِعَتَاکٜ، نغٛلْ اَللَّه وَطِ ندٜرْ ࢡٜرْندٜ غٛطّٛ کَنغٛلْ لَاتِنْتَ مٛ يَحُودُوجٛ؞ جُولْنٛلْ نغٛعٛلْ وَطٛتٛ بٜى رُوحُ اَللَّه، نَا بٜى عُمْرٛورٜ تَوْرٜىٰتَ؞ يَحُودُوجٛ غٛونغَاجٛ حٜࢡَتَا مَنغْتٛورٜ مُمْ دِغَ يِمْࢡٜ، عَمَّا دِغَ اَللَّه تَنْ#تٛوکْتَاکِ تَوْرٜىٰتَ 30‏:6؞؞

Currently Selected:

رٛمَعٜنْ 2: داَ

Highlight

Copy