لِمْلٜ 31
31
کٛنُ بٜى مٜدِيَنْعٜنْ
1جَوْمِرَاوٛ وِعِ مُوسَى: 2«وَاتَ مٜدِيَنْعٜنْ نغَمْ حَلّٜىٰندٜ ندٜ ࢡٜمبَطِ إِسْرَاءِيلَعٜنْ؞ ࢡَاوٛ مَنْ عَحَوْتٛيَنْ بٜى يِمْࢡٜ عُمَّاتٛورٜ مَ؞» 3مُوسَى وِعِ عُمَّاتٛورٜ: «تَاسْکِتِنٜ جَمَعَارٜ کٛنُ حَا ندٜ وَاتٛ مٜدِيَنْعٜنْ، ندٜ وَنغِنَ کِيتَ جَوْمِرَاوٛ دٛوْ مَࢡّٜ؞ 4نٜلٜ وٛرْࢡٜ عُجِنٜىٰرٜ ندٜرْ لٜࢩٛلْ إِسْرَاءِيلَ کٛو نغٛلٜ، تَاسْکَنِيࢡٜ کٛنُ؞»
5ࢡٜشُࢡِ وٛرْࢡٜ عُجِنٜىٰرٜ عُجِنٜىٰرٜ ندٜرْ لٜعِ ڢُو، وَاتٛ عُجِنٜ سَݠّٛ عٜ طِطٛ (12,000)، تَاسْکَنِيࢡٜ کٛنُ؞ 6مُوسَى نٜلِ ࢡٜحَࢡُغٛ، کَمْࢡٜ عٜ ݠِنٜحَسْ ࢡِي عٜلِعَزَارُ، لِمَنْجٛ کَلْڢِتِنَاطٛ کُوجٜ شٜنِيطٜ عٜ لُوٜ مَاتِنِرْطٜ؞ 7ࢡٜکَࢡِ بٜى مٜدِيَنْعٜنْ، بَنَ جَوْمِرَاوٛ عُمْرُنٛ مُوسَى؞ ࢡٜمبَرِ وٛرْࢡٜ ڢُو؞ 8ࢡٜمبَرِ لَامِيࢡٜ مٜدِيَنْ نجٛوٛ بٜى کَاڢَحِ: عٜوِ، رٜکٜمْ، شُورُ، حُورُ عٜ رٜىٰبَ، نٛنْ بٛو بَلَامَ ࢡِي بٜعٛرْ؞
9إِسْرَاءِيلَعٜنْ نَنغِ رٜوْࢡٜ مٜدِيَنْعٜنْ عٜ ࢡِکّٛيْ مَࢡّٜ، کٛوشِ دَبَّاجِ مَࢡّٜ عٜ جَوْدِ مَࢡّٜ ڢُو؞ 10ࢡٜنغُلِ بٜرْنِيجِ عٜ شَنغٜىٰجٜ مٜدِيَنْعٜنْ ڢُو؞ 11ندٜنْ ࢡٜعَدِ کٜࢡَلْ کٛنُ عٜ نَنغَاࢡٜ عٜ دَبَّاجِ، 12ࢡٜنجَحْرِ طُمْ حَا مُوسَى عٜ عٜلِعَزَارُ لِمَنْجٛ عٜ جَمَعَارٜ إِسْرَاءِيلَ، حَا سَنغٜىٰرٜ ندٜرْ لَطّٜ مٛعَبْ بَنغٜ مَايٛ عُرْدُنْ، حَا ڢُونَانغٜ يٜرِکٛ؞
13مُوسَى عٜ عٜلِعَزَارُ عٜ عَرْدِيࢡٜ جَمَعَارٜ ڢُو نغُرْتِ سَنغٜىٰرٜ نغَمْ ݠٛتَّ بٜى مَࢡّٜ؞ 14مُوسَى تِکَّنِ مَوْࢡٜ کٛنُ، وَاتٛ حٛورٜعٜنْ دٛوْ عُجِنٜىٰرٜ عٜ حٛورٜعٜنْ دٛوْ تٜىٰمٜرّٜ، وَرْتُࢡٜ حَࢡْرٜ؞ 15عٛوِعِ ࢡٜ: «کٛنِ عَشُّطٛنْ رٜوْࢡٜ ڢُو بٜى يٛنغْکِ؟ 16کَمْࢡٜ ࢡٜنْ تٛکِّ سَوَرِ بَلَامَ، عٜسْتِ إِسْرَاءِيلَعٜنْ حَا ࢡٜزَمْبِ جَوْمِرَاوٛ بٜى حَالَ ݠٜعٛرْ؞ کَنْجُمْ ڢٛوطَنِ جَمَعَارٜ جَوْمِرَاوٛ مَسِيبٛ؞ 17نغَمْ مَاجُمْ مبَرٜ ࢡِکّٛيْ نغٛرْکٛيْ عٜ رٜوْࢡٜ مٜىٰطْࢡٜ غٛرْکٛ ڢُو؞ 18سٜيْ ࢡِکّٛيْ ندٜحٛيْ کٛيْ مٜىٰطَايْ غٛرْکٛ تَوٛنْ، کَنغْکٛيْ تَنْ عَشّٛتٛنْ بٜى يٛنغْکِ حَا مَرٛنْ کٛيْ؞ 19عَمَّا کٛو مٛيْ مٛوطٛنْ مبَرِ غٛطّٛ مَلَّ مٜىٰمِ مَايْطٛ، سٜيْ رٜىٰنَ يَاسِ سَنغٜىٰرٜ ࢩَلْطٜ جٛوٜىٰطِطِ؞ ࢩَنْدٜ تَتَࢡْرٜ عٜ ࢩَنْدٜ جٛوٜىٰطِطَࢡْرٜ، لَࢡِّنٜ کٛعٜ مٛنْ، عٛنٛنْ عٜ نَنغَاࢡٜ مٛنْ؞ 20لَࢡِّنٜ بٛو لِمْشٜ مٛنْ عٜ کُوجٜ کُووْرَاطٜ بٜى لَرَلْ عٜ غَاسَ بٜعِ عٜ لٜغَّلْ ڢُو؞»
21عٜلِعَزَارُ لِمَنْجٛ وِعِ حٛنٛوࢡٜ وَرْتُࢡٜ حَࢡْرٜ: «ندَا ڢَرِلَّ کَ جَوْمِرَاوٛ حٛکِّ مُوسَى: 22-23کٛ يِيتٜ ࢩَامَتَا ڢُو، بَنَ کَنغّٜىٰرِ عٜ شَرْدِ عٜ نجَمْندِ مبٛطٜىٰرِ عٜ ࢡَلٜىٰرِ عٜ جَمْطٜ غٛطّٜ ڢُو، نَسْتِنٜ طُمْ ندٜرْ يِيتٜ، عَمَّا طُمْ ندِيَمْ عِتِّرْطَمْ شٛࢡْکِ تَنْ لَࢡِّنْتَ طُمْ؞ کٛ يِيتٜ ࢩَامَتَ طُمْ ڢُو بٛو، لَࢡِّنٜ طُمْ بٜى ندِيَمْ؞ 24ࢩَنْدٜ جٛوٜىٰطِطَࢡْرٜ لٛوتٜ لِمْشٜ مٛنْ، نغَمْ حَا عٛنْ لَاࢡَ، ࢡَاوٛطٛنْ نَسْتٜ سَنغٜىٰرٜ؞»
شٜنْدُکِ کٜࢡَلْ کٛنُ
25جَوْمِرَاوٛ وِعِ مُوسَى: 26«عَنْ عٜ عٜلِعَزَارُ لِمَنْجٛ عٜ بَابَ-شِعٜعٜنْ ندٜرْ جَمَعَارٜ، سٜيْ عٛنْ لِمَ کٜࢡَلْ کٛنُ، يِمْࢡٜ عٜ دَبَّاجِ ڢُو؞ 27شٜنْدٜ طُمْ غٜࢡٜ طِطِ، يٜࢡْرٜ وٛورٜ نغَمْ وَطْࢡٜ کٛنُ، يٜࢡْرٜ وٛورٜ بٛو نغَمْ يٜࢡْرٜ جَمَعَارٜ لُتُّندٜ؞ 28حَا يٜࢡْرٜ وَطْࢡٜ کٛنُ، عِتَّنٜىٰطَمْ غٜطَلْ عَمْ وَاتٛ مَرْطُمْ يٛنغْکِ غٛوتٜلْ ندٜرْ تٜىٰمٜطّٜ جٛوِ، حَا يِمْࢡٜ عٜ نَعِ عٜ بَمْطٜ عٜ بَالِ عٜ بٜعِ؞ 29حٛوعُ طُمْ ندٜرْ کٜࢡَلْ مَࢡّٜ، حٛکُّ طُمْ عٜلِعَزَارُ لِمَنْجٛ، طُمْ دٛکَّلْ عِتَّانغَلْ نغَمْ عَمْ؞ 30حَا کٜࢡَلْ إِسْرَاءِيلَعٜنْ لُتُّࢡٜ بٛو، وُرْتِنْ مَرْطُمْ يٛنغْکِ غٛوتٜلْ ندٜرْ شَݠَّنْطٜ جٛوِ، حَا يِمْࢡٜ عٜ نَعِ عٜ بَمْطٜ عٜ بَالِ عٜ بٜعِ؞ حٛکُّ طُمْ لٜوِعٜنْ حُووٛوࢡٜ حَا جٛوطٛرْدٜ عَمْ؞» 31مُوسَى عٜ عٜلِعَزَارُ لِمَنْجٛ مبَطِ کٛ جَوْمِرَاوٛ عُمْرِ مُوسَى؞
32ندَا کٛ لُتِّ ندٜرْ کٛ حٛنٛوࢡٜ کٛوعُنٛ: بَالِ عٜ بٜعِ عُجِنٜ تٜىٰمٜطّٜ جٛوٜىٰغٛ عٜ شَݠَّنْطٜ جٛوٜىٰطِطِ عٜ جٛوِ (675,000)، 33نَعِ عُجِنٜ شَݠَّنْطٜ جٛوٜىٰطِطِ عٜ طِطِ (72,000)، 34بَمْطٜ عُجِنٜ شَݠَّنْطٜ جٛوٜىٰغٛ عٜ غٛعٛ (61,000) 35عٜ ڢَاࢩْࢡٜ رٜوْࢡٜ عُجِنٜ شَݠَّنْطٜ تَتٛ عٜ طِطٛ (32,000) ࢡٜمٜىٰطَايْ غٛرْکٛ تَوٛنْ؞ 36وَطْࢡٜ کٛنُ کٜࢡِ رٜىٰتَ مَاجُمْ، وَاتٛ بَالِ عٜ بٜعِ عُجِنٜ تٜىٰمٜطّٜ تَتِ عٜ شَݠَّنْطٜ تَتِ عٜ جٛوٜىٰطِطِ عٜ تٜىٰمٜطّٜ جٛوِ (337,500)، 37تٜىٰمٜطّٜ جٛوٜىٰغٛ عٜ شَݠَّنْطٜ جٛوٜىٰطِطِ عٜ جٛوِ (675) ندٜرْ مَاجِ عِتَّنَامَ جَوْمِرَاوٛ، 38نَعِ عُجِنٜ شَݠَّنْطٜ تَتِ عٜ جٛوٜىٰغٛ (36,000)، شَݠَّنْطٜ جٛوٜىٰطِطِ عٜ طِطِ (72) ندٜرْ مَاجِ عِتَّنَامَ جَوْمِرَاوٛ، 39بَمْطٜ عُجِنٜ شَݠَّنْطٜ تَتِ عٜ تٜىٰمٜطّٜ جٛوِ (30,500)، شَݠَّنْطٜ جٛوٜىٰغٛ عٜ غٛعٛ (61) ندٜرْ مَاجِ عِتَّنَامَ جَوْمِرَاوٛ 40عٜ ڢَاࢩْࢡٜ رٜوْࢡٜ عُجِنٜ سَݠّٛ عٜ نجٛوٜىٰغٛ (16,000)، شَݠَّنْطٜ تَتٛ عٜ طِطٛ (32) ندٜرْ مَࢡّٜ کٛوشَامَ نغَمْ جَوْمِرَاوٛ؞ 41مُوسَى حٛکِّ طُمْ عٜلِعَزَارُ، طُمْ دٛکَّلْ عِتَّانغَلْ نغَمْ جَوْمِرَاوٛ، بَنَ جَوْمِرَاوٛ عُمْرُنٛ مٛ؞
42-46جَمَعَارٜ بٛو حٜࢡِ يٜࢡْرٜ رٜىٰتَ لُتُّندٜ، وَاتٛ بَالِ عٜ بٜعِ عُجِنٜ تٜىٰمٜطّٜ تَتِ عٜ شَݠَّنْطٜ تَتِ عٜ جٛوٜىٰطِطِ عٜ تٜىٰمٜطّٜ جٛوِ (337,500)، نَعِ عُجِنٜ شَݠَّنْطٜ تَتِ عٜ جٛوٜىٰغٛ (36,000)، بَمْطٜ عُجِنٜ شَݠَّنْطٜ تَتِ عٜ تٜىٰمٜطّٜ جٛوِ (30,500)، ڢَاࢩْࢡٜ رٜوْࢡٜ عُجِنٜ سَݠّٛ عٜ نجٛوٜىٰغٛ (16,000)؞ 47مُوسَى وُرْتِنِ بٛو غٛوتٜلْ ندٜرْ شَݠَّنْطٜ جٛوِ حَا يِمْࢡٜ عٜ دَبَّاجِ، حٛکِّ طُمْ لٜوِعٜنْ حُووٛوࢡٜ حَا جٛوطٛرْدٜ جَوْمِرَاوٛ، بَنَ جَوْمِرَاوٛ عُمْرُنٛ مٛ؞
48ندٜنْ مَوْࢡٜ کٛنُ، وَاتٛ حٛورٜعٜنْ دٛوْ عُجِنٜىٰرٜ عٜ حٛورٜعٜنْ دٛوْ تٜىٰمٜرّٜ، نغَرِ حَا مُوسَى، 49مبِعِمٛ: «مِنْ لِمِ حٛنٛوࢡٜ وٛنْࢡٜ لٜسْ عَرْدَانغَلْ عَمِنْ؞ وَلَا کٛو غٛوتٛ مَࢡّٜ مَجِّ؞ 50نغَمْ مَاجُمْ مِنْ نغَدِّ کُوجٜ کَنغّٜىٰرِ: ݠَلَمْجٜ عٜ جَوٜ عٜ کَلَغَاجٜ عٜ يٜرِحٛنْ عٜ کٛطٛيْ طٜ کٛو مٛيْ عَمِنْ حٜࢡِ ندٜرْ کٛنُ؞ مِنْ طٛنْ لِيعَنٛ طُمْ جَوْمِرَاوٛ نغَمْ حٜࢡَنْغٛ يٛنغْکِيجِ عَمِنْ يَاڢُيٜ يٜىٰسٛ مَاکٛ؞» 51مُوسَى عٜ عٜلِعَزَارُ نجَࢡِ کُوجٜ کَنغّٜىٰرِ طٜعٜ ڢُو؞ 52ࢡٜعَوْنِ کَنغّٜىٰرِ ندِ مَوْࢡٜ کٛنُ، وَاتٛ حٛورٜعٜنْ دٛوْ عُجِنٜىٰرٜ عٜ حٛورٜعٜنْ دٛوْ تٜىٰمٜرّٜ نغَدِّ طُمْ، طُمْ وَطِ بَاکِنْ کِلٛ تٜىٰمٜرّٜ عٜ شَݠَّنْطٜ جٛوٜىٰطِطِ (170)؞ 53عَمَّا کٛو مٛيْ شَکَ حٛنٛوࢡٜ نجٛغِتِ کٜࢡَلْ مُمْ؞ 54مُوسَى عٜ عٜلِعَزَارُ نجَࢡِ کَنغّٜىٰرِ حَا مَوْࢡٜ کٛنُ، وَاتٛ حٛورٜعٜنْ دٛوْ عُجِنٜىٰرٜ عٜ حٛورٜعٜنْ دٛوْ تٜىٰمٜرّٜ، نجَحْرِ ندِ ندٜرْ لَيْمَارُ ڢٛتِّرْدٜ، نغَمْ طُمْ لَاتَنٛ إِسْرَاءِيلَعٜنْ شِڢْتِنٛرْطُمْ يٜىٰسٛ جَوْمِرَاوٛ؞
Currently Selected:
لِمْلٜ 31: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
