مَتَّ 7

تَا لَاتٜ حِيتٛوࢡٜ وٛطْࢡٜ

(لُکَ 6‏:37‏-38‏،41‏-42)

1«تَا لَاتٜ حِيتٛوࢡٜ وٛطْࢡٜ نغَمْ تَا اَللَّه حِيتٛ عٛنْ؞ 2نغَمْ اَللَّه حِيتٛتٛ عٛنْ بَنَ عٛنْ کِيتٛرِ وٛطْࢡٜ، عٛعٜتَنَنْ عٛنْ بٜى عٜتِرْغَلْ نغَلْ عٛنْ عٜتِرَنِ وٛطْࢡٜ#مَرْکُسْ 4‏:24؞؞ 3کٛنِ عَطٛنْ يِعَ کُطٜلْ حَا يِيتٜرٜ دٜىٰرْطَ، عَمَّا عَحَکِّلَنْتَا لٜغَّلْ غٛنْنغَلْ ندٜرْ يِيتٜرٜ مَ؟ 4نٛيْ مبِعْرَتَ دٜىٰرْطَ‏: عَشُّ مِعِتَّنٜ کُطٜلْ حَا يِيتٜرٜ مَ، عَنْ مَا، لٜغَّلْ طٛنْ ندٜرْ يِيتٜرٜ مَاطَ‏! 5عَنْ نَاڢِکِيجٛ، عَارْتُ عِتُّغٛ لٜغَّلْ غٛنْنغَلْ حَا يِيتٜرٜ مَاطَ، ندٜنْ کَمْ عَيِعَنْ لَاࢡْطُمْ، حَا عَعِتَّ کُطٜلْ ندٜرْ يِيتٜرٜ دٜىٰرْطَ؞ 6تَا ندٛکّٜ دَوَاطِ حُوندٜ سٜنِيندٜ، نغَمْ تَا طِ لٛرٛ دٛوْ مٛوطٛنْ، طِ شٜىٰکَ عٛنْ؞ تَا شَکِّنَنٜ غَدُوجِ لُولُوجٜ مٛنْ، نغَمْ تَا طِ ندَمَّ طٜ بٜى کٛسْطٜ مَاجِ؞»

تٛرٜ، طَࢡِّتٜ، شِلْمِنٜ

(لُکَ 11‏:9‏-13)

7«تٛرٜ، عٛنْ کٜࢡَنْ؞ طَࢡِّتٜ، عٛنْ تَوَنْ؞ شِلْمِنٜ، ࢡٜمَࢡِّتَنَنْ عٛنْ؞ 8نغَمْ کٛو مٛيْ تٛرِ، حٜࢡَنْ؞ کٛو مٛيْ طَࢡِّتِ، تَوَنْ؞ کٛو مٛيْ سِلْمِنِ بٛو، ࢡٜمَࢡِّتَنَنْ مٛ؞ 9مٛيْجٛ شَکَ مٛوطٛنْ، تٛ ࢡِنغٜلْ مُوطُمْ ࢨَمِ طُمْ ࢩِيرِ، عٛحٛکَّنْ نغٜلْ حَيْرٜ؟ 10مَلَّ تٛ نغٜلْ ࢨَمِ طُمْ لِينغُ، عٛحٛکَّنْ نغٜلْ مبٛودِ؟ 11عٛنٛنْ حَلُّࢡٜ مَا، عٛنْ عَنْدِ حٛکُّغٛ ࢡِࢡّٜ مٛوطٛنْ کُوجٜ بٛوطّٜ؞ سَکّٛمَا بَابِرَاوٛ مٛوطٛنْ مٛ عَسَمَ، عٛࢡُرَتَا حٛکُّغٛ کُوجٜ بٛوطّٜ حَا تٛرٛتٛوࢡٜ مٛ نَ؟

12«نغَمْ مَاجُمْ مبَطَنٜ يِمْࢡٜ کٛ نغِطّٛنْ ࢡٜمبَطَنَ عٛنْ ڢُو؞ کَنْجُمْ تَوْرٜىٰتَ مُوسَى عٜ دٜڢْتٜ اَلنَّبِعٜنْ شَاوِ#لُکَ 6‏:31؞؞»

دَمُّغَلْ ݠَاطْنغَلْ

(لُکَ 13‏:24)

13«نَسْتِرٜ دَمُّغَلْ ݠَاطْنغَلْ؞ نغَمْ دَمُّغَلْ جَاسْنغَلْ عٜ لَاوٛلْ جَاسْنغٛلْ طٛنْ نجَحْرَ حَا حَلْکٜرٜ، طُوطْࢡٜ طٛنْ تٛکّٛ تٛنْ؞ 14عَمَّا دَمُّغَلْ ݠَاطْنغَلْ عٜ لَاوٛلْ ݠَاطْنغٛلْ طٛنْ نجَحْرَ حَا نغٜىٰندَمْ، تَوْࢡٜ نغٛلْ طُوطَايْ؞»

دٜىٰنْتِنْکِ عٜ ڢٜوٛوࢡٜ وِعَنْࢡٜ ࢡٜعَنَّبِعٜنْ

(لُکَ 6‏:43‏-44)

15«ندٜىٰنْتٜ عٜ ڢٜوٛوࢡٜ وِعَنْࢡٜ ࢡٜعَنَّبِعٜنْ، وَرَنْࢡٜ حَا مٛوطٛنْ ندٜرْ لَرَلْ بَالِ، عَمَّا ندٜرْ مَࢡّٜ ࢡٜ شَاڢَالِ کَانغَاطِ؞ 16عٛنْ عَنْدِتَنْ ࢡٜ ندٜرْ کُوطٜ مَࢡّٜ؞ غِعٜ ندِمَتَا عِنَبٛوجٜ، غِنغِلّٜ بٛو ندِمَتَا عِبّٜ؞ 17نٛنْ بٛو، لٜکِّ بٛوطْکِ طٛنْ رِمَ ࢡِࢡّٜ بٛوطّٜ، لٜکِّ کَلُّکِ بٛو طٛنْ رِمَ ࢡِࢡّٜ کَلُّطٜ؞ 18لٜکِّ بٛوطْکِ رِمَتَا ࢡِࢡّٜ کَلُّطٜ، لٜکِّ کَلُّکِ بٛو رِمَتَا ࢡِࢡّٜ بٛوطّٜ؞ 19لٜکِّ کِ رِمَتَا ࢡِࢡّٜ بٛوطّٜ ڢُو، ࢡٜݠٜعَّنْ کِ، ࢡٜنغُدِنَ کِ ندٜرْ يِيتٜ#مَتَّ 3‏:10؛ لُکَ 3‏:9؞؞ 20بَنَ نٛنْ بٛو عٛنْ عَنْدِتِرَنْ ڢٜوٛوࢡٜ وِعَنْࢡٜ ࢡٜعَنَّبِعٜنْ بٜى کُوطٜ مَࢡّٜ#مَتَّ 12‏:33؞؞»

مِعَنْدَا عٛنْ

(لُکَ 13‏:25‏-27)

21«عَنْدٜ، نَا وِعَنْࢡٜ يَمْ‏: جَوْمِرَاوٛ، جَوْمِرَاوٛ ڢُو نَسْتَتَ لَامُ عَسَمَنْجِ، سٜيْ وَطَنْࢡٜ مُويٛ بَابِرَاوٛ عَمْ مٛ عَسَمَ؞ 22ࢩَلَادٜ مَنْ، طُوطْࢡٜ مبِعَتَمْ‏: جَوْمِرَاوٛ، جَوْمِرَاوٛ‏! نَا بٜى عِنْدٜ مَ مِنْ مبَطِ عَنَّبَاکُ، مِنْ ندِيوِ غِنَّاجِ عٜ مِنْ مبَطِ کَايٜىٰڢِيجِ طُوطِّ‏! 23ندٜنْ مِوِعَنْ ࢡٜ بٜى بَنغُطُمْ‏: مِمٜىٰطَايْ عَنْدُغٛ عٛنْ سَمْ، عٛنٛنْ وَطٛوࢡٜ حَلّٜىٰندٜ، ندِلّٜ#جَبُورَ 6‏:9؞‏!»

شُوطِ طِطِ

(لُکَ 6‏:47‏-49)

24«نغَمْ مَاجُمْ کٛو مٛيْ نَنِ بٛلّٜ طٜعٜ، طٛوْتَنِ طٜ، نَنْدِ بٜى غٛطّٛ مَرْطٛ حَکِّيلٛ، مَحْطٛ سُودُ مُمْ دٛوْ تَݠَارٜ؞ 25عِيٜىٰندٜ تٛࢡِ، مَاجٜ نغَدِّ ندِيَمْ، کٜنِ عُمِّ دٛوْ سُودُ مَنْ، عَمَّا ندُ يِبَّايْ، نغَمْ ندُ مَحَاندُ دٛوْ تَݠَارٜ؞ 26عَمَّا کٛو مٛيْ نَنِ بٛلّٜ طٜعٜ، طٛوْتَنَاکِ طٜ، نَنْدِ بٜى غٛطّٛ مٛ وَلَا حَکِّيلٛ، مَحْطٛ سُودُ مُوطُمْ دٛوْ نجَارٜىٰندِ؞ 27عِيٜىٰندٜ تٛࢡِ، مَاجٜ نغَدِّ ندِيَمْ، کٜنِ مبَطِ دٛوْ سُودُ مَنْ، ندُ يِبِّ يِبّٜرٜ حَلُّندٜ؞»

بَاوْطٜ عِيسَى

28ندٜ عِيسَى تِمِّنِ وٛلْوُغٛ بٛلّٜ طٜعٜ، عٜکِّتِنٛلْ مَاکٛ حَيْطِنِ مٛوࢡٜ ڢُو، 29نغَمْ عٛعٜکِّتِنَايْ ࢡٜ بَنَ مٛودِࢡّٜ تَوْرٜىٰتَ عٜکِّتِنِرْتَ، عَمَّا بَنَ مَرْطٛ بَاوْطٜ#مَرْکُسْ 1‏:22؛ لُکَ 4‏:32؞؞

Currently Selected:

مَتَّ 7: داَ

Highlight

Copy