مَتَّ 5

وَازُ عِيسَى دٛوْ حٛوسٜىٰرٜ

(5‏–7)

حَيْرُ ندٜرْ عِيسَى

(لُکَ 6‏:20‏-23)

1ندٜ عِيسَى يِعِ مٛوࢡْرٜ طُوطْندٜ ندٜعٜ، عٛوَعِّ حٛوسٜىٰرٜ، عٛجٛوطِ؞ ݠُکَرَعٜنْ#5‏:1 ݠُکَرَعٜنْ مَلَّ عَحِيࢡٜ؞ مَاکٛ نغَرِ حَا مَاکٛ؞ 2عٛڢُطِّ عٜکِّتِنْغٛ ࢡٜ، عٛوِعِ‏:

3«بَرْکَ لَاتَنْتٛ عَنْدُࢡٜ کٛعٜ مُوطُمْعٜنْ ࢡٜ تَلَکَعٜنْ ڢٛدّٜ رُوحُ، نغَمْ کَمْࢡٜ نجٜيِ لَامُ عَسَمَنْجِ؞

4«بَرْکَ لَاتَنْتٛ وٛيَنْࢡٜ، نغَمْ اَللَّه دٜعِّتِنَنْ ࢡٜ#عٜسَايَ 61‏:2؞؞

5«بَرْکَ لَاتَنْتٛ يَنغْکِنِيࢡٜ، نغَمْ ࢡٜندٛنَنْ لٜسْدِ#جَبُورَ 37‏:11؞؞

6«بَرْکَ لَاتَنْتٛ طَࢡَّنْࢡٜ وَطُغٛ مُويٛ اَللَّه بٜى ࢡٜرْندٜ ڢُو، نغَمْ اَللَّه حٛکَّنْ ࢡٜ کٛ ࢡٜطَࢡِّ#عٜسَايَ 55‏:1‏-2؞؞

7«بَرْکَ لَاتَنْتٛ عٜنْطٛوࢡٜ، نغَمْ اَللَّه عٜنْطَنْ ࢡٜ؞

8«بَرْکَ لَاتَنْتٛ لَاࢡَ-ࢡٜرْطٜعٜنْ، نغَمْ ࢡٜنغِعَنْ اَللَّه#جَبُورَ 24‏:3‏-4؞؞

9«بَرْکَ لَاتَنْتٛ سُلْحِندِرَنْࢡٜ يِمْࢡٜ، نغَمْ ࢡٜ وِعٜتٜىٰࢡٜ ࢡِࢡّٜ اَللَّه؞

10«بَرْکَ لَاتَنْتٛ تٛوࢩَاࢡٜ نغَمْ ࢡٜطٛنْ نغَطَ کٛ اَللَّه يِطِ، نغَمْ کَمْࢡٜ نجٜيِ لَامُ عَسَمَنْجِ#1 ݠِيٜرْ 3‏:14؞؞

11«بَرْکَ لَاتَنْتٛ عٛنْ، تٛ يِمْࢡٜ کُطِ عٛنْ مَلَّ تٛوࢩِ عٛنْ مَلَّ مبَطِ تُڢْلٜ ڢٜىٰرٜ ڢٜىٰرٜ دٛوْ مٛوطٛنْ دَلِيلَ عَمْ#1 ݠِيٜرْ 4‏:14؞؞

12«شٜيٜ، مبٜلْمبٜلْتٜ مَسِنْ نغَمْ اَللَّه وَرْجٛتٛ عٛنْ مبَرْجَارِ طُوطْندِ حَا عَسَمَنْجِ؞ بَنَ نٛنْ ࢡٜتٛوࢩِنٛ اَلنَّبِعٜنْ عَارْتُࢡٜ عٛنْ؞»

مَنْدَ عٜ أَلنّٛورَ

(مَرْکُسْ 9‏:50؛ لُکَ 14‏:34‏-35)

13«عٛنٛنْ نغٛنِ مَنْدَ نغَمْ دُنِيَارُ‏: عَمَّا تٛ لَمّٜىٰنغَ مَنْدَ عِتَّکٜ، نٛيْ طَمْ حٜࢡْتِرْتَ لَمّٜىٰنغَ مَاجَمْ ڢَحِنْ؟ مَنْدَ مَنْ نَڢَتَا سَمْ، سٜيْ وُدِنْغٛ طَمْ يَاسِ تَنْ، يِمْࢡٜ نجَاࢡَنْ طَمْ#مَرْکُسْ 9‏:50؛ لُکَ 14‏:34‏-35؞؞

14«عٛنٛنْ نغٛنِ أَلنّٛورَ نغَمْ دُنِيَارُ، بٜرْنِوٛلْ ࢩِࢡَانغٛلْ دٛوْ حٛوسٜىٰرٜ وِيرْنَتَاکٛ سَمْ#يُحَنَّ 8‏:12؛ 9‏:5؞؞ 15ࢡٜنجَمْنَتَا بٛو ݠِتِّرْلَ نغَمْ سُوطُغٛ نغَ لٜسْ بٛکٛتِ؞ عَمَّا ࢡٜنجٛعِّنَ نغَ دٛوْ جٛعِّنِرْطُمْ ݠِتِّرْلَ، حَا نغَ يَيْنَنَ وٛنْࢡٜ ندٜرْ سُودُ مَنْ ڢُو#مَرْکُسْ 4‏:21؛ لُکَ 8‏:16؛ 11‏:33؞؞ 16سٜيْ أَلنّٛورَ مٛوطٛنْ يَيْنَ بَنَ نٛنْ يٜىٰسٛ يِمْࢡٜ، نغَمْ حَا ࢡٜندَارَ کُوطٜ مٛوطٛنْ بٛوطّٜ، ࢡٜتٜدِّنَ بَابِرَاوٛ مٛوطٛنْ مٛ عَسَمَ#1 ݠِيٜرْ 2‏:12؞؞»

عٜکِّتِنٛلْ دٛوْ تَوْرٜىٰتَ

17«تَا نُمٜ مِوَرِ ڢِيسْتُغٛ تَوْرٜىٰتَ مُوسَى مَلَّ بٛلّٜ اَلنَّبِعٜنْ؞ مِوَرَايْ نغَمْ ڢِيسْتُغٛ طُمْ، عَمَّا نغَمْ حِࢡِّنغٛ طُمْ؞ 18غٛونغَ مبِعَنْمِ عٛنْ‏: نٛ عَسَمَ عٜ لٜسْدِ ندُورْدِ ڢُو، وَلَا کٛو حَرْڢٜىٰرٜ ࢡُرْدُندٜ ڢَمْطُغٛ مَلَّ تٛࢡّٜرٜ وٛورٜ حَا تَوْرٜىٰتَ مُوسَى وُدِنْتٜ، حَا تٛ کُوجٜ ڢُو لَاتَکٜ#لُکَ 16‏:17؞؞ 19نغَمْ مَنْ کٛو مٛيْ لُوتِ عُمْرٛورٜ ࢡُرْدُندٜ ڢَمْطُغٛ ندٜرْ تَوْرٜىٰتَ مَلَّ عٜکِّتِنِ وٛطْࢡٜ وَطُغٛ بَنَ نٛنْ، لَاتٛتٛ ࢡُرْدُطٛ لٜىٰسُغٛ ندٜرْ لَامُ عَسَمَنْجِ؞ عَمَّا کٛو مٛيْ جٛغِ طٜ، عٜکِّتِنِ وٛطْࢡٜ بٛو جٛغَاغٛ طٜ، کَنغْکٛ عٛلَاتٛتٛ مَوْطٛ ندٜرْ لَامُ عَسَمَنْجِ؞ 20غٛونغَ مبِعَنْمِ عٛنْ‏: عٛنْ کٜࢡَتَا نَسْتُغٛ لَامُ عَسَمَنْجِ سَمْ، سٛنَا تٛ عَدِلَاکُ مٛوطٛنْ ࢡُرِ نغُ مٛودِࢡّٜ تَوْرٜىٰتَ عٜ ڢَرِسَعٜنْ؞»

عٜکِّتِنٛلْ دٛوْ تِکّٜرٜ

21«عٛنْ نَنِ کٛ وِعَ حَا کَاکِرَاࢡٜ مٜىٰطٜنْ‏: تَا مبَرْ-حٛورٜ؞ کٛو مٛيْ مبَرِ غٛطّٛ، حٜعِ حِيتٜىٰغٛ#غُرْتَاکِ 20‏:13؛ تٛوکْتَاکِ تَوْرٜىٰتَ 5‏:17؞؞ 22عَمَّا مِنْ مِطٛنْ وِعَ عٛنْ‏: کٛو مٛيْ تِکَّنِ دٜىٰرْطُمْ، حٜعِ يَحْرٜىٰغٛ يٜىٰسٛ عَلْکَالِ؞ کٛو مٛيْ وِعِ دٜىٰرْطُمْ‏: عَ مٜىٰرٜىٰجٛ، حٜعِ يَحْرٜىٰغٛ يٜىٰسٛ حِيتٛوࢡٜ ندٜرْ دَوْرِيندٜ؞ کٛو مٛيْ وِعِ دٜىٰرْطُمْ‏: عَ غِنَّاطٛ، طُمْ حٜعِ نَسْتِنْغٛ مٛ ندٜرْ يِيتٜ جَحَنَّمَ؞ 23نغَمْ مَاجُمْ تٛ عَوَرِ حَا حِرْسِرْدٜ بٜى دٛکَّلْ مَ، تٛنْ عَسِڢْتٛرِ وٛودِ دٜىٰرْطِرَاوٛ مَ طٛنْ تِکَّنِ مَ، 24ندٜنْ کَمْ عَشُّ دٛکَّلْ مَاطَ حَا حِرْسِرْدٜ تٛنْ، يَحْ لَوْ، سُلْحٛتِرْ بٜى دٜىٰرْطَ تَوٛنْ؞ ندٜنْ عَلٛرٛ، عَلِيعَنٛ اَللَّه دٛکَّلْ مَاطَ؞

25«تٛ غٛطّٛ وُلَّکٜ مَ، ندٜنْ عٛنْ طٛنْ نجَحْدَ حَا عَلْکَالِ، يَاوْ نَرُّغٛ بٜى مَاکٛ لَوْ دِغَ عٛنْ طٛنْ دٛوْ لَاوٛلْ تَوٛنْ، نغَمْ تَا عٛيَحْرٜ حَا جُنغٛ عَلْکَالِ، عَلْکَالِ بٛو حٛکّٜ حَا جُوطٜ سٛوجٜعٜنْ، ࢡٜنَسْتِنٜ ڢُرْسِنَ#5‏:25 ڢُرْسِنَ مَلَّ سُودُ دَنغَيْ؞؞ 26غٛونغَ مبِعَنْمَامِ‏: عَوُرْتَتَاکٛ تٛنْ سَمْ، سٛنَا تٛ عَيٛࢡِ کٛ عٛتٛکِّ مَ ڢُو؞»

عٜکِّتِنٛلْ دٛوْ نجٜىٰنُ

27«عٛنْ نَنِ طُمْ وِعَامَ‏: تَا وَطْ نجٜىٰنُ#غُرْتَاکِ 20‏:14؛ تٛوکْتَاکِ تَوْرٜىٰتَ 5‏:18؞؞ 28عَمَّا مِنْ مِطٛنْ وِعَ عٛنْ‏: کٛو مٛيْ تٛ لَارِ دٜبّٛ بٜى سُونٛ، وَطِ نجٜىٰنُ بٜى مُوطُمْ ندٜرْ ࢡٜرْندٜ مُوطُمْ؞ 29تٛ يِيتٜرٜ مَ ࢩَامْرٜ لَاتَنَکٜ مَ ڢٜرْغٜرٜ، طٛوڢْ ندٜ، وُدِنْ ندٜ دَايِيطُمْ؞ نغَمْ ندِکَّ عَمَجِّنَ تٜرْغَلْ ࢡَنْدُ مَ غٛوتَلْ دٛوْ ࢡَنْدُ مَ ڢُو وُبٜ ندٜرْ يِيتٜ جَحَنَّمَ#مَتَّ 18‏:9؛ مَرْکُسْ 9‏:47؞؞ 30تٛ جُنغٛ مَ ࢩَامٛ لَاتَنَکٜ مَ ڢٜرْغٜرٜ، تَعُ نغٛ، وُدِنْ نغٛ دَايِيطُمْ؞ نغَمْ ندِکَّ عَمَجِّنَ تٜرْغَلْ ࢡَنْدُ مَ غٛوتَلْ دٛوْ ࢡَنْدُ مَ ڢُو نَسْتَ يِيتٜ جَحَنَّمَ#مَتَّ 18‏:8؛ مَرْکُسْ 9‏:43؞؞»

عٜکِّتِنٛلْ دٛوْ شٜىٰرْغَلْ

(مَتَّ 19‏:9؛ مَرْکُسْ 10‏:11‏-12؛ لُکَ 16‏:18)

31«طُمْ وِعَامَ بٛو‏: مٛ يِطِ سٜىٰرُغٛ دٜبّٛ مُمْ، سٜيْ حٛکَّ مٛ طٜرٜىٰوٛلْ شٜىٰرْغَلْ#تٛوکْتَاکِ تَوْرٜىٰتَ 24‏:1‏-4؛ مَتَّ 19‏:7؛ مَرْکُسْ 10‏:4؞؞ 32عَمَّا مِنْ مِطٛنْ وِعَ عٛنْ‏: کٛو مٛيْ سٜىٰرِ دٜبّٛ مُوطُمْ، نَا نغَمْ دٜبّٛ عٛو نجٜىٰنِ، ندٜنْ کَمْ عٛلَاتِنِمٛ جٜىٰنٛووٛ؞ کٛو مٛيْ تٜعِ دٜبّٛ شٜىٰرَاطٛ بٛو، وَطِ نجٜىٰنُ#مَتَّ 19‏:9؛ مَرْکُسْ 10‏:11‏-12؛ لُکَ 16‏:18؛ 1 کٛرِنْتُعٜنْ 7‏:10‏-11؞؞»

عٜکِّتِنٛلْ دٛوْ کُنَيٜىٰجٜ

33«عٛنْ نَنِ بٛو کٛ وِعَ کَاکِرَاࢡٜ مٜىٰطٜنْ‏: تَا حُنَ دٛوْ ڢٜوْرٜ، عَمَّا حٜبِّنْ حُنَيٜىٰرٜ مَ يٜىٰسٛ جَوْمِرَاوٛ#ڢَرِلَّاجِ لٜوِعٜنْ 19‏:12؛ لِمْلٜ 30‏:2؛ تٛوکْتَاکِ تَوْرٜىٰتَ 23‏:22؞؞ 34عَمَّا مِنْ مِطٛنْ وِعَ عٛنْ‏: تَا کُنٛرٜ سَمْ، کٛو بٜى عَسَمَ، نغَمْ طُمْ لٜىٰسٛ لَامُ اَللَّه#عٜسَايَ 66‏:1؛ مَتَّ 23‏:22؛ يَاکُبَ 5‏:12؞، 35کٛو بٜى لٜسْدِ، نغَمْ طُمْ جَاࢡْرُطُمْ کٛسْطٜ اَللَّه، کٛو بٜى عُرُسَلِيمَ بٛو، نغَمْ طُمْ بٜرْنِوٛلْ لَامِيطٛ مَوْطٛ#جَبُورَ 48‏:3؛ عٜسَايَ 66‏:1؞؞ 36تَا کُنٛرٜ کٛو بٜى کٛعٜ مٛنْ بٛو، نغَمْ عٛنْ مبَاوَتَا وَرْتِرْغٛ غَاسَ مٛوطٛنْ ندَنٜىٰحَ مَلَّ ࢡَلٜىٰحَ؞ 37سٜيْ عٛوحٛ مٛوطٛنْ لَاتٛ عٛوحٛ، عَاعَ مٛوطٛنْ بٛو لَاتٛ عَاعَ تَنْ، نغَمْ وٛلْوُغٛ کٛ ࢡُرِ نٛنْ، عِوِ حَا کَلُّطٛ؞»

عٜکِّتِنٛلْ دٛوْ وَاتَاغٛ عَيْبٜ

(لُکَ 6‏:29‏-30)

38«عٛنْ نَنِ طُمْ وِعَامَ‏: يِيتٜرٜ بٜى يِيتٜرٜ، ࢩِينْدٜرٜ بٜى ࢩِينْدٜرٜ#غُرْتَاکِ 21‏:24؛ ڢَرِلَّاجِ لٜوِعٜنْ 24‏:20؛ تٛوکْتَاکِ تَوْرٜىٰتَ 19‏:21؞؞ 39عَمَّا مِنْ مِطٛنْ وِعَ عٛنْ‏: تَا مبَاتٜ بَطّٛ عٛنْ حَلّٜىٰندٜ؞ تٛ غٛطّٛ مَارِ مَ حَا غَلَنغَلْ ࢩَامَلْ، وَيْلِتَنْ مٛ نَنَلْ بٛو؞ 40تٛ غٛطّٛ يِطِ وُلَّاغٛ مَ نغَمْ عٛجَࢡْتَ تٛغّٛيٜلْ مَاطَ، عَشُّ مٛ عٛحٛوسَ نغَݠَلٜىٰوٛلْ مَاطَ بٛو؞ 41تٛ غٛطّٛ دٛولِ مَ يَحُغٛ کِلٛمٜىٰتِرْ غٛوتٜلْ، يَحْ کِلٛمٜىٰتِرْ طِطِ؞ 42تٛ غٛطّٛ ࢨَمِ مَ حُوندٜ، حٛکُّ مٛ ندٜ؞ تٛ غٛطّٛ ࢨَمِ مَ ࢩَمَاندٜ، تَا سَلَنَ مٛ؞»

نغِطٜ کٛنّٜعٜنْ مٛوطٛنْ

(لُکَ 6‏:27‏-28‏،32‏-36)

43«عٛنْ نَنِ طُمْ وِعَامَ‏: يِطْ کٜىٰدِّطِّرَاوٛ مَ، عَوَࢩَ کٛنّٜىٰجٛ مَ#ڢَرِلَّاجِ لٜوِعٜنْ 19‏:18؞؞ 44عَمَّا مِنْ مِطٛنْ وِعَ عٛنْ‏: نغِطٜ کٛنّٜعٜنْ مٛوطٛنْ، تٛرٜ اَللَّه نغَمْ تٛوࢩِيࢡٜ عٛنْ، 45نغَمْ حَا عٛنْ لَاتٛ ࢡِࢡّٜ بَابِرَاوٛ مٛوطٛنْ مٛ عَسَمَ؞ عٛطٛنْ ڢُطْنَ نَانغٜ مَاکٛ دٛوْ حَلُّࢡٜ عٜ وٛوطْࢡٜ ڢُو، عٛطٛنْ تٛࢡْنَ عِيٜىٰندٜ دٛوْ عَدِلِعٜنْ عٜ دٛوْ سٛويَ-عَدِلَاکُعٜنْ؞ 46مبَرْجَارِ ندِيٜ اَللَّه تَمِّ حٛکُّغٛ عٛنْ تٛ عٛنْ نغِطِ يِطْࢡٜ عٛنْ تَنْ؟ کٛو جٛمْنٛوࢡٜ بٛو طٛنْ مبَطَ بَنَ نٛنْ‏! 47تٛ عٛنْ طٛنْ کٛوڢْنَ بَنْدِرَاࢡٜ مٛوطٛنْ تَنْ، عٛنْ مبَطِ حُوندٜ کَايٜىٰڢِيرٜ نَ؟ کٛو حٜىٰڢٜىٰرْࢡٜ بٛو طٛنْ مبَطَ بَنَ نٛنْ‏! 48لَاتٜ عٛنْ تِمُّࢡٜ، بَنَ بَابِرَاوٛ مٛوطٛنْ مٛ عَسَمَ عٛ تِمُّطٛ#ڢَرِلَّاجِ لٜوِعٜنْ 19‏:2؛ تٛوکْتَاکِ تَوْرٜىٰتَ 18‏:13؞؞»

Currently Selected:

مَتَّ 5: داَ

Highlight

Copy