مَلَکِيَ 2

1«جٛنْتَ کَمْ، عٛنٛنْ لِمَنْعٜنْ، عُمْرٛورٜ ندٜعٜ طٛنْ نغَمْ مٛوطٛنْ‏: 2تٛ عٛنْ نَنَايْ، تٛ عٛنْ مبَطَايْ عَنِّيَ تٜدِّنْغٛ عِنْدٜ عَمْ، ندٜنْ کَمْ مِعُکَّنْ نَالٛورٜ دٛوْ مٛوطٛنْ، مِلَاتِنَنْ بَرْکَاجِ مٛنْ نَالٛورٜ؞ عٛوحٛ، مِنَالِ طِ، نغَمْ عٛنْ نغَلَا عَنِّيَ حَکِّلَنْغٛ کٛو طُمٜ؞» نٛنْ جَوْمِرَاوٛ حٛنٛوࢡٜ عَسَمَ وِعِ؞ 3«ندَا، مِڢُرْکِتِتّٛ دَࢩْغٛلْ مٛنْ، مِوِشَّنْ شٛووٛووٜ دَبَّاجِ طِ عٛنْ کِرْسَتَ ندٜرْ جُولْطٜ مٛنْ حَا غٜىٰسٜ مٛنْ، ࢡٜندُڢْدَنْ عٛنْ بٜى مَاجٜ ڢُو؞ 4ندٜنْ عٛنْ عَنْدَنْ مِنْ مِعُمْرِ عُمْرٛورٜ ندٜعٜ نغَمْ مٛوطٛنْ، حَا عَلْکَوَلْ عَمْ بٜى لٜࢩٛلْ لٜوِ تَبِتَ؞ نٛنْ جَوْمِرَاوٛ حٛنٛوࢡٜ عَسَمَ وِعِ#لِمْلٜ 3‏:11‏-13؞؞ 5عَلْکَوَلْ عَمْ بٜى مَاکٛ لَاتِنٛ نغٜىٰندَمْ عٜ سَلَامَنْ؞ مِحٛکِّمٛ طُمْ طِطِ ڢُو نغَمْ حَا عٛحُلَمِّ؞ ندٜنْ عٛحُلِ يَمْ، عٛدِوْنِ نغَمْ عِنْدٜ عَمْ#لِمْلٜ 25‏:12؞؞ 6کِيتَ غٛونغَاحَ وٛنّٛ حَا حُنْدُکٛ مَاکٛ؞ زَمْبَ وٛودَا حَا حُنْدُکٛ مَاکٛ؞ عٛتٛکِّ يَمْ بٜى حٛولَارٜ عٜ ࢡٜرْندٜ غٛونغَارٜ؞ عٛلٛرْتِنِ طُوطْࢡٜ دِغَ عَيْبٜىٰجِ مَࢡّٜ؞ 7نغَمْ کُوغَلْ لِمَنْجٛ طُمْ عٜکِّتِنْغٛ عَنْدَلْ اَللَّه؞ يِمْࢡٜ طَࢡِّتَنْ کِيتَ حَا مَاکٛ، نغَمْ عٛ نٜلَاطٛ جَوْمِرَاوٛ حٛنٛوࢡٜ عَسَمَ؞ 8عَمَّا عٛنٛنْ، عٛنْ شٜلِ لَاوٛلْ بٜى کِيتَ مٛنْ، عٛنْ ندٛعِّ طُوطْࢡٜ ندٜرْ حَکّٜ بٜى کِيتَ مٛنْ؞ عٛنْ ݠِيسْتِ عَلْکَوَلْ عَمْ بٜى لٜࢩٛلْ لٜوِ؞ نٛنْ جَوْمِرَاوٛ حٛنٛوࢡٜ عَسَمَ وِعِ؞ 9نغَمْ مَنْ مِيَوْنِ عٛنْ، مِتٛسْکِنِ عٛنْ يٜىٰسٛ عُمَّاتٛورٜ ڢُو، نغَمْ عٛنْ کَکِّلَنَايْ لَابِ عَمْ؞ ندٜ عٛنْ مبَطِ کِيتَ بٛو، عٛنْ کِيتَاکِ يِمْࢡٜ ڢُو کَلْ-کَلْ؞»

ڢٜلٛورٜ دٛوْ تٜىٰغَلْ بٜى جَنَنْࢡٜ عٜ شٜىٰرْغَلْ بٜى رٜوْࢡٜ سُکَاکُ

10نَا عٜنْ ڢُو عٜنْ نغٛودِ بَابِرَاوٛ غٛوتٛ نَ؟ نَا اَللَّه غٛوتٛ تَغِ عٜنْ ڢُو نَ؟ کٛنِ عٜنْ زَمْبٛتِرْتَ؟ کٛنِ عٜنْ نجَوِ عَلْکَوَلْ نغَلْ اَللَّه حَࢡُّنٛ بٜى کَاکِرَاࢡٜ مٜىٰطٜنْ؟ 11يَحُودَ وَطِ زَمْبَ ندٜرْ إِسْرَاءِيلَ عٜ ندٜرْ عُرُسَلِيمَ؞ يَحُودُعٜنْ کُووِ کُوطٜ ࢩِدُّطٜ؞ يَحُودَ سٛࢡْنِ نٛکُّورٜ سٜنِيندٜ ندٜ جَوْمِرَاوٛ يِطِ بٜى تٜعُغٛ ڢَاࢩْࢡٜ تٛکِّيࢡٜ طٛوَنْتٜىٰطٛ جَنَنّٛ؞ 12مٛ حُووَتَ عِرِنْ طُعُمْ، جَوْمِرَاوٛ تَعُمَ دَࢩْغٛلْ مَاکٛ#2‏:12 ڢُطّٛودٜ عَايَارٜ ندٜعٜ وٛودِ ڢَسَّرُويٜىٰجِ ڢٜىٰرٜ ڢٜىٰرٜ؞ دِغَ جٛوطٛرْطٜ يَعْقُوبُ، تَا غٛطّٛ دَࢩْغٛلْ مَاکٛ يَحْرَ دٛکَّلْ يٜىٰسٛ جَوْمِرَاوٛ حٛنٛوࢡٜ عَسَمَ؞ 13وٛودِ بٛو حُوندٜ طِطَوْرٜ ندٜ عٛنْ مبَطَتَ‏: عٛنْ طٛنْ شُدَّ حِرْسِرْدٜ جَوْمِرَاوٛ بٜى غٛنْطِ عٜ بٛجِّ عٜ عُومَالِ، نغَمْ عٛڢَالَتَا دٛکّٜ مٛنْ، عٛجَࢡَتَا طٜ دِغَ جُوطٜ مٛنْ؞ 14عَمَّا عٛنْ طٛنْ ࢨَمَ‏: «نغَمْ طُمٜ؟» نغَمْ جَوْمِرَاوٛ لَاتِ شٜىٰدٛووٛ حَکُّندٜ مَاطَ عٜ دٜبّٛ سُکَاکُ مَ؞ دٜبّٛ عٛو وٛنِ کَوْتِطِّرَاوٛ مَ مٛ کَࢡُّطَ عَلْکَوَلْ بٜى مُوطُمْ، عَمَّا عَزَمْبِمٛ؞ 15نَا جَوْمِرَاوٛ لَاتِنِ عٛنْ غٛطّٛ غٛوتٛ ندٜرْ ࢡَنْدُ عٜ رُوحُ نَ؟ طُمٜ غٛطّٛ عٛو طَࢡَّتَ؟ نَا حٜࢡُغٛ ࢡِکّٛيْ کٛيْ اَللَّه حٛکَّتَ؟ نغَمْ مَاجُمْ کَکِّلَنٜ کٛعٜ مٛوطٛنْ؞ تَا غٛطّٛ زَمْبٛ دٜبّٛ سُکَاکُ مُوطُمْ؞ 16جَوْمِرَاوٛ اَللَّه مٛ إِسْرَاءِيلَ وِعِ‏: «مِطٛنْ وَࢩَ شٜىٰرْغَلْ بَنَ مِوَࢩِرْتَ غٛطّٛ مٛ سٛࢡْنِ لِمْشٜ مُمْ بٜى تٛوࢩَارٜ؞ نغَمْ مَاجُمْ کَکِّلَنٜ کٛعٜ مٛوطٛنْ؞ تَا عٛنْ مبَطَ زَمْبَ؞» نٛنْ جَوْمِرَاوٛ حٛنٛوࢡٜ عَسَمَ وِعِ؞

ڢٜلٛورٜ دٛوْ حَلِّنَنْࢡٜ عَدِلَاکُ اَللَّه

17عٛنْ طٛنْ شٛمْنَ جَوْمِرَاوٛ بٜى بٛلّٜ مٛنْ؞ عَمَّا عٛنْ طٛنْ ࢨَمَ‏: «بٜى طُمٜ مِنْ شٛمْنِمٛ؟» بٜى وِعُغٛ‏: «وَطَنْࢡٜ حَلّٜىٰندٜ ڢُو طٛنْ ݠٛتَّنَ اَللَّه، عٛطٛنْ سٜيٛرٛ ࢡٜ؞» مَلَّ بٛو‏: «تٛيْ اَللَّه کِيتٛووٛ غٛونغَاجٛ وٛنِ؟»

Currently Selected:

مَلَکِيَ 2: داَ

Highlight

Copy