ڢَرِلَّاجِ لٜوِعٜنْ نَسْتُکِ
نَسْتُکِ
دٜڢْتٜرٜ ندٜعٜ، طُمْ دٜڢْتٜرٜ ڢَرِلَّاجِ عٜ عُمْرٛوجٜ؞ جَوْمِرَاوٛ بٜى حٛورٜ مُوطُمْ عَنْدِنِ طُمْ إِسْرَاءِيلَعٜنْ بٜى حُنْدُکٛ مُوسَى؞ جَوْمِرَاوٛ اَللَّه يِطِ عُمَّاتٛورٜ مُوطُمْ سُجِدَنٛ مٛ، جَغَّنٛ مٛ؞ عٛسُࢡِ لٜوِعٜنْ، عٛسٜنِ ࢡٜ نغَمْ کُوغَلْ مَاکٛ شَکَ إِسْرَاءِيلَعٜنْ؞ ࢡٜکَلْڢِتِنَامَ کُوغَلْ لِيعَنَاغٛ اَللَّه دٛکّٜ عٜ کِرْسٜتٜىٰطِ عٜ غُلٜتٜىٰطِ؞ ڢَرِلَّاجِ طِعِ عٜ عُمْرٛوجٜ طٜعٜ عَنْدِنِ بٜى لَاࢡْطُمْ کِرْسٜتٜىٰطِ عٜ غُلٜتٜىٰطِ عٜ دٛکّٜ ݠٛتَّنَنْطُمْ اَللَّه؞
دٜڢْتٜرٜ ندٜعٜ طُمْ دٜڢْتٜرٜ سٜنَارٜ بٛو؞ اَللَّه عٛ شٜنِيطٛ، سٜيْ عُمَّاتٛورٜ مَاکٛ بٛو لَاتٛ سٜنِيندٜ (19:2)؞ اَللَّه يِطِ إِسْرَاءِيلَعٜنْ شٜنْدِندِرَ شٜنِيطُمْ بٜى کٛ سٜنَاکِ، ࢡٜشٜنْدِندِرَ بٛو شٛࢡْطُمْ بٜى لَاࢡْطُمْ (10:10)؞
ندٜرْ دٜڢْتٜرٜ ندٜعٜ اَللَّه عُمْرِ إِسْرَاءِيلَعٜنْ، ࢡٜنغِطَ حٜىٰدِّطِّرَاࢡٜ مَࢡّٜ بَنَ کٛعٜ مَࢡّٜ (19:18)؞ ࢡٜنغِطَ حٛطْࢡٜ عٜ جَنَنْࢡٜ وٛنْࢡٜ شَکَ مَࢡّٜ بَنَ ࢡٜنغِطِرْتَ بَنْدِرَاࢡٜ مَࢡّٜ إِسْرَاءِيلَعٜنْ (19:33-34)، ࢡٜتٛکّٛ بٛو عُمْرٛوجٜ دٛوْ تٛغَيٜىٰجٜ؞ طٛوْتَنِيطٛ جَوْمِرَاوٛ يٜىٰطَنْ (18:5)؞ شَلِيطٛ طٛوْتَنَاغٛ مٛ بٛو، سَرُّ عُکَّنْتٛ مٛ؞
عِيسَى اَلْمَسِيحُ حٜبِّتِنِ کِرْسٜتٜىٰطِ طِعِ بٜى مَايْدٜ مُوطُمْ (عِبْرَنِنغْکٜعٜنْ 10:10-12)؞ عٛتَبِتِنِ بٛو حَالَ يِيدٜ بَنَ دٜڢْتٜرٜ ندٜعٜ تِنْدِنِ (مَتَّ 22:39)؞
تٛکِّنْدِرْکِ حَالَاجِ:
عُمْرٛوجٜ دٛوْ دٛکّٜ عٜ کِرْسٜتٜىٰطِ 1–7
کَلْڢِنٜىٰکِ هَـٰرُونَ عٜ ࢡِيُمْعٜنْ کُوغَلْ لِمَنْکُ 8–10
عُمْرٛوجٜ دٛوْ شٜنِيطُمْ عٜ کَرَمْطُمْ 11–15
ࢩَلَادٜ عِتُّکِ حَکّٜىٰجِ 16
عُمْرٛوجٜ دٛوْ يَحْدُ سٜنَاندُ عٜ دٜوَلْ شٜنَانغَلْ 17–25
بَرْکَاجِ عٜ کِيتَاجِ 26
سَمَنْ شٛوتَّارِ کُوجٜ لِيعَاطٜ عٜ يِمْࢡٜ لِيعَاࢡٜ 27
Currently Selected:
ڢَرِلَّاجِ لٜوِعٜنْ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.