ڢَرِلَّاجِ لٜوِعٜنْ 1
1
عُمْرٛوجٜ دٛوْ کِرْسٜتٜىٰطِ عٜ غُلٜتٜىٰطِ
1جَوْمِرَاوٛ عٜوْنِ مُوسَى، وٛلْوَنِمٛ ندٜرْ لَيْمَارُ ڢٛتِّرْدٜ، وِعِمٛ: 2«عُمْرُ إِسْرَاءِيلَعٜنْ عُمْرٛوجٜ دٛوْ کِرْسٜتٜىٰطِ مَࢡّٜ، وِعْ ࢡٜ: تٛ غٛطّٛ يِطِ لِيعَنَاغٛ جَوْمِرَاوٛ دٛکَّلْ، سٜيْ عٛحٛوعَ نغَلْ حَا نَعِ مَاکٛ مَلَّ دَمّٛوجِ مَاکٛ؞ 3تٛ عٛيِطِ لِيعَاغٛ نغُلٜتٜىٰنغَ ندٜرْ نَعِ مَاکٛ، سٜيْ عٛحٛوعَ نغَارِ کَلْحَلْدِ ندِ وَلَا عَيْبٜ؞ سٜيْ عٛلِيعٛ ندِ حَا دَمُّغَلْ لَيْمَارُ ڢٛتِّرْدٜ، نغَمْ حَا جَوْمِرَاوٛ يٜرْدٛ ندِ؞ 4عٛيٛوَ جُوطٜ مَاکٛ دٛوْ حٛورٜ مَارِ، جَوْمِرَاوٛ بٛو جَࢡَنْ ندِ نغَمْ عٛيَاڢٛ حَکّٜىٰجِ غٛطّٛ عٛو؞ 5عٛحِرْسَ نغَارِ مَنْ تٛنْ يٜىٰسٛ جَوْمِرَاوٛ؞ لِمَنْعٜنْ دَࢩْغٛلْ هَـٰرُونَ کٛوعَ ࢨِيࢨَمْ مَارِ، مبِشَّ طَمْ حَا حِرْسِرْدٜ دَرِيندٜ يٜىٰسٛ لَيْمَارُ ڢٛتِّرْدٜ، حَا بَکٜىٰجٜ مَارٜ نَيِ ڢُو؞ 6ندٜنْ عٛࢡٛلَ ندِ، عٛسٜنْدَ ندِ غٜࢡٜ غٜࢡٜ؞ 7لِمَنْعٜنْ دَࢩْغٛلْ هَـٰرُونَ کُࢡَّ يِيتٜ دٛوْ حِرْسِرْدٜ، نجٛوْنْدِنْدِرَ لٜطّٜ دٛوْ مَاغٜ؞ 8ندٜنْ ࢡٜکٛوعَ غٜࢡٜ نغَارِ حَوْتَادٜ بٜى حٛورٜ مَارِ عٜ ࢡٜلّٜرٜ مَارِ، ࢡٜمبَلِّنَ طٜ دٛوْ يِيتٜ حِرْسِرْدٜ؞ 9سٜيْ غٛطّٛ غٛ لٛوتَ تٜتٜکِ مَارِ عٜ کٛلْشٜ مَارِ شَکِتِيطٜ بٜى ندِيَمْ؞ ندٜنْ لِمَنْجٛ وُلَ طُمْ ڢُو دٛوْ حِرْسِرْدٜ؞ کَنْجُمْ وٛنِ نغُلٜتٜىٰنغَ؞ عُورٜىٰنغٛلْ مَاغَ بٜلْنغٛلْ ڢٛتَّنَنْ جَوْمِرَاوٛ#لَاتَانٛوجِ 8:21؛ غُرْتَاکِ 29:18،25،41؞؞
10«تٛ غٛطّٛ يِطِ لِيعَاغٛ نغُلٜتٜىٰنغَ ندٜرْ بَالِ مُمْ مَلَّ بٜعِ مُمْ، سٜيْ عٛحٛوعَ نجَوْدِرِ ندِ وَلَا عَيْبٜ؞ 11عٛحِرْسَ ندِ حَا وَکٜىٰرٜ حِرْسِرْدٜ وٛيْلَارٜ يٜىٰسٛ جَوْمِرَاوٛ؞ لِمَنْعٜنْ دَࢩْغٛلْ هَـٰرُونَ مبِشَّ ࢨِيࢨَمْ مَارِ حَا بَکٜىٰجٜ مَارٜ نَيِ ڢُو؞ 12عٛسٜنْدَ ندِ غٜࢡٜ غٜࢡٜ، لِمَنْجٛ بٛو وَلِّنَ غٜࢡٜ مَارِ ڢُو حَوْتَادٜ بٜى حٛورٜ مَارِ عٜ ࢡٜلّٜرٜ مَارِ دٛوْ يِيتٜ حِرْسِرْدٜ؞ 13سٜيْ غٛطّٛ غٛ لٛوتَ تٜتٜکِ مَارِ عٜ کٛلْشٜ مَارِ شَکِتِيطٜ بٜى ندِيَمْ؞ ندٜنْ لِمَنْجٛ لِيعَنٛ جَوْمِرَاوٛ طُمْ ڢُو، وُلَ طُمْ دٛوْ حِرْسِرْدٜ؞ کَنْجُمْ وٛنِ نغُلٜتٜىٰنغَ؞ عُورٜىٰنغٛلْ مَاغَ بٜلْنغٛلْ ڢٛتَّنَنْ جَوْمِرَاوٛ؞
14«تٛ غٛطّٛ يِطِ لِيعَاغٛ سٛنْدُ وُلٜتٜىٰندُ، سٜيْ عٛحٛوعَ ݠٛولَ مَسَرْ مَلَّ ݠٛولَ ڢٜىٰرٜ؞ 15لِمَنْجٛ وَدَّ نغَ حَا حِرْسِرْدٜ، عِتَّ حٛورٜ مَاغَ، وُلَ ندٜ دٛوْ حِرْسِرْدٜ؞ ندٜنْ عٛࢡِطَّ نغَ حَا وُتُّدُ حِرْسِرْدٜ نغَمْ وُرْتِنْغٛ ࢨِيࢨَمْ مَاغَ؞ 16سٜيْ عٛعِتَّ وَيْوٛودٜ#1:16 وَيْوٛودٜ طُمْ بٛورٛ ࢩَامْدُ حَا دَاندٜ؞ مَاغَ بٜى کٛ وٛنِ ندٜرْ مَارٜ، عٛسَکِّنَ طُمْ حَا نٛکُّورٜ ندٛونْدِ کِرْسَاطِ، حَا ڢُونَانغٜ حِرْسِرْدٜ؞ 17عٛنَنغَ بِلٜىٰجِ ݠٛولَ، عٛڢٛوطَ طِ حَا عٛسٜىٰکَ ࢡَنْدُ مَاغَ، عَمَّا تَا عٛسٜنْدَ ندُ غٜࢡٜ طِطِ؞ ندٜنْ عٛوُلَ نغَ دٛوْ حِرْسِرْدٜ؞ کَنْجُمْ وٛنِ غُلٜتٜىٰطُمْ؞ عُورٜىٰنغٛلْ مَنْ بٜلْنغٛلْ ڢٛتَّنَنْ جَوْمِرَاوٛ؞»
Currently Selected:
ڢَرِلَّاجِ لٜوِعٜنْ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
