يُونُسَ 4
4
مٜتّٜىٰنغَ يُونُسَ عٜ حِنُّيٜ اَللَّه
1عَمَّا يُونُسَ سٜيَاکِ، عٛتِکِّ مَسِنْ؞ 2عٛتٛرِ جَوْمِرَاوٛ: «عَيّٜ، يَا جَوْمِرَاوٛ! نَ کَنْجُمْ مبِعْمِ، وَکَّتِ مِ طٛنّٛ حَا لٜسْدِ عَمْ تَوٛنْ؟ نغَمْ مَاجُمْ عَارْتُمِ، ندٛغُّمِ يَحُغٛ تَرْسِسْ؞ مِعَنْدِ عَ اَللَّه مَرْطٛ عٜنْطَمْ عٜ حِنُّيٜ، مٛ تِکَّتَا لَوْ، مٛ مبٛوطٜىٰنغَ مُمْ طُوطِ، مٛ ڢَاسِتِتَّ حُووُغٛ سَرُّ#غُرْتَاکِ 34:6؞؞ 3کَدِ عِتُّ يٛنغْکِ عَمْ، يَا جَوْمِرَاوٛ! ندِکَّنَمِّ مَايُغٛ دٛوْ مِيٜىٰطَ!» 4جَوْمِرَاوٛ جَابِمٛ: «تِکّٜرٜ مَ ڢٛتِّ نَ؟»
5ندٜنْ يُونُسَ وُرْتِ بٜرْنِوٛلْ، يٜحِ حَا ڢُونَانغٜ مَاغٛلْ؞ تٛنْ عٛوَطِ بُکَّارُ حَا عٛجٛوطٛ لٜسْ طٛوْدِ مَارُ، عٛيِعَ کٛ لَاتَنْتٛ بٜرْنِوٛلْ؞ 6جَوْمِرَاوٛ اَللَّه ڢُطْنِ لٜکِّ کٛلَکٛلَاحِ، کِ مَوْنِ، کِ وَطِ طٛوْدِ دٛوْ حٛورٜ يُونُسَ، کِ عِتِّ مٜتّٜىٰنغَ مَاکٛ؞ يُونُسَ سٜيٛرِ لٜکِّ مَاجُمْ مَسِنْ؞ 7عَمَّا جَنغٛ مَنْ ندٜ وٜىٰتِ، جَوْمِرَاوٛ عُمْرِ نغِلْنغُ: نغُ مبَرِ لٜکِّ مَنْ، کِ يٛورِ؞ 8ندٜ نَانغٜ طٛنْ ڢُطَ، جَوْمِرَاوٛ عُمْرِ حٜنْدُ ڢُونَانغٜ وُلْندُ؞ نَانغٜ بٛو وُلِ دٛوْ حٛورٜ يُونُسَ، حَا عٛڢَطَّامَ، سٜطَّ عٛيَنَ؞ عٛطَࢡِّ مَايُغٛ، عٛوِعِ: «ندِکَّنَمِّ مَايُغٛ دٛوْ يٜىٰطُغٛ!»
9اَللَّه ࢨَمِ يُونُسَ: «تِکّٜرٜ مَ دٛوْ لٜکِّ کِ ڢٛتِّ نَ؟» يُونُسَ جَابِ: «طُمْ ڢٛتِّ مِتِکَّ حَا يٛتّٛ مَايْدٜ!» 10جَوْمِرَاوٛ وِعِ: «عَنْ، عَيُرْمِنِ لٜکِّ کِ عَتٛرَّاکِ نغَمْ مَاکِ، عَمَوْنِنَايْ کِ بٛو؞ کِ وَنغِ ندٜرْ جٜمَّارٜ وٛورٜ، کِ حَلْکِ ندٜرْ جٜمَّارٜ وٛورٜ بٛو؞ 11کَدِ، مِنْ مِيُرْمِنْتَا نِنِوٜ، بٜرْنِوٛلْ مَنغٛلْ نَ؟ يِمْࢡٜ عُجِنٜ تٜىٰمٜرّٜ عٜ نٛوغَسْ (120,000) طٛنْ ندٜرْ مَاغٛلْ، ࢡٜعَنْدَا سٜنْدِندِرْغٛ جُنغٛ ࢩَامٛ بٜى جُنغٛ نَنٛ#4:11 ࢡٜعَنْدَا سٜنْدِندِرْغٛ جُنغٛ ࢩَامٛ بٜى جُنغٛ نَنٛ يِطِ وِعْغٛ ࢡٜعَنْدَا سٜنْدِندِرْغٛ بٛوطُّمْ بٜى کَلُّطُمْ؞ ، نٛنْ بٛو دَبَّاجِ طُوطِّ!»
Currently Selected:
يُونُسَ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
