يُونُسَ 2
2
تٛرْندٜ يُونُسَ ندٜرْ رٜىٰدُ لِينغُ
1جَوْمِرَاوٛ عُمْرِ لِينغُ مَنغُ، نغُ مٛطِ يُونُسَ؞ يُونُسَ وَطِ ندٜرْ رٜىٰدُ لِينغُ نغُعُ ࢩَلَوْمَاجٜ تَتِ عٜ جٜمَّاجٜ تَتِ#مَتَّ 12:40؞؞ 2ندٜرْ رٜىٰدُ لِينغُ، عٛتٛرِ اَللَّه جَوْمِرَاوٛ، 3عٛوِعِ:
«ندٜرْ ࢡِلَّارٜ عَمْ مِتٛرِ مَ، يَا جَوْمِرَاوٛ،
عَنْ بٛو عَجَابِ يَمْ؞
ندٜرْ رٜىٰدُ جٛوندٜ مَايْࢡٜ عٜوْنِيمِ،
عَنْ عَنَنِ تٛرْندٜ عَمْ؞
4عَسَکِّنِ يَمْ ندٜرْ رٜىٰدُ مبٜىٰلَ،
حَا نٛکُّورٜ ࢡُرْندٜ لُغُّغٛ، ندِيَمْ تَارِ يَمْ؞
ࢨُوغٜ مَ عٜ عِلَمْجِ مَ ڢُو
شَالِ دٛوْ عَمْ؞
5مِنُمِ عَوُدِنِ يَمْ،
عَرِيوِ يَمْ يٜىٰسٛ مَاطَ؞
عَمَّا مِتٛکّٛتٛ لَارُغٛ
غَلْ حَيْکَلِيرُ مَ سٜنِيندُ؞
6ندِيَمْجِ نجٛتِّ دَاندٜ عَمْ؞
سٜطَّ مبٜىٰلَ مٛطَ يَمْ، ࢩِࢡْرٜ لُغّٜىٰنغَ مبٜىٰلَ سُدِّ يَمْ،
حُطٛ مبٜىٰلَ تَارِ حٛورٜ عَمْ؞
7حَا شَࢡَّاجٜ کٛوسٜىٰجٜ ندٛعِّيمِ،
جَمْطٜ ݠَلْدُطٜ لٜسْدِ مَࢡِّ دٛوْ عَمْ حَا ڢٛرٛيْ؞
عَمَّا عَوُرْتِنِ يٛنغْکِ عَمْ دِغَ حَلْکٜرٜ،
يَا اَللَّه جَوْمِرَاوٛ عَمْ؞
8ندٜ يٛنغْکِ عَمْ تَمْݠِ ندٜرْ عَمْ،
مِسِڢْتٛرِ مَ؞
تٛرْندٜ عَمْ يٛتِّ مَ
ندٜرْ حَيْکَلِيرُ مَ سٜنِيندُ؞
9حَکِّلَنٛوࢡٜ لَبِّ مٜىٰرٜىٰجِ
عَشِّ غٛونغَاکُ مَࢡّٜ حٜىٰدِ مَ؞
10عَمَّا مِنْ مِلِيعَنْتٜ کِرْسٜتٜىٰطِ،
بٜى غِمٜ غٜتّٛوجٜ؞
مِحٛکَّنْ کٛ تٛغِيمِ؞
کِسْندَمْ طٛنْ حَا جَوْمِرَاوٛ!»
11ندٜنْ جَوْمِرَاوٛ عُمْرِ لِينغُ غٛ، نغُ تُوتِ يُونُسَ حَا لٜسْدِ؞
Currently Selected:
يُونُسَ 2: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
