يٛوعٜلْ 2
2
ࢩَلَادٜ جَوْمِرَاوٛ
1ݠُوڢٜ لُوَلْ کٛنُ حَا سِيٛنَ، کٛولٜ دٛوْ حٛوسٜىٰرٜ جَوْمِرَاوٛ سٜنِيندٜ؞ يِمْࢡٜ لٜسْدِ ڢُو ندِوْنَ، نغَمْ ࢩَلَادٜ جَوْمِرَاوٛ ࢡَدِتَکٜ؞ 2طُمْ ࢩَلَادٜ ࢩِࢡْرٜ ࢩِࢡُّندٜ، ندٜ ࢩَلَادٜ دُولٜ نَارْغِنَنْطٜ؞ عُمَّاتٛورٜ مَوْندٜ سٜمْبِطْندٜ طٛنْ سُدَّ کٛوسٜىٰجٜ بَنَ جَيْنغٛلْ ڢَجِرِ؞ عِرِنْ عُمَّاتٛورٜ ندٜعٜ مٜىٰطَايْ لَاتَاغٛ سَمْ، عِرِنْ مَارٜ مٜىٰتَتَا لَاتَاغٛ حَا دُوࢡِ ࢡُرَنْطِ دَايَاغٛ بٛو؞ 3يِيتٜ ࢩَامٛويٜ طٛنْ حَا يٜىٰسٛ مَارٜ، طٜمْنغَلْ يِيتٜ طٛنْ وُلَ حَا ࢡَاوٛ مَارٜ؞ حِدّٜکٛ ندٜ وَرَ، لٜسْدِ نَنْدِ بٜى جَرْنٜ عَدْنِنْ؞ ࢡَاوٛ ندٜ دِلِّ، ندِ لَاتِ لَدّٜ مٜىٰرٜ، وَلَا کٛو طُمٜ دَطَتَ؞ 4ندٜ نَنْدِ بٜى ݠُشِّ، ندٜ دٛغَّنْ بَنَ ݠُشِّ بَعّٜتٜىٰطِ نغَمْ کٛنُ؞ 5بَنَ حٛولٛ مٛوتَاجِ ݠُشِّ، نٛنْ حٛولٛ مَارٜ دٛوْ غٜىٰرٜىٰجٜ کٛوسٜىٰجٜ؞ بَنَ حٛولٛ يِيتٜ ࢩَامَنْنغٜ تِيتِيحٛ، بَنَ عُمَّاتٛورٜ سٜمْبِطْندٜ تَاسْکَنِيندٜ حَࢡْرٜ، نٛنْ ندٜ وَعِ#وَحَيُ يُحَنَّ 9:7-9؞؞ 6عُمَّاتٛوجٜ طٛنْ ندِوْنَ يٜىٰسٛ مَارٜ، غٜىٰسٜ ڢُو طٛنْ ݠُرْطَ؞ 7ندٜ طٛنْ يَاوَ بَنَ حٛنٛوࢡٜ سٜمْبِطْࢡٜ، ندٜ طٛنْ وَعّٛ مَحِ تَارِيطِ بٜرْنِيجِ بَنَ وَاوْࢡٜ کٛنُ؞ غٛوتٛ غٛوتٛ ڢُو طٛنْ تٛکّٛ لَاوٛلْ مُمْ، وَلَا مٛ سٜلَتَ سَمْ؞ 8وَلَا مٛ يٜرْࢡَتَ غٛطّٛ، کٛو مٛيْ طٛنْ تِيتٛ يٜىٰسٛ مُوطُمْ؞ ࢡٜطٛنْ شَالٛ شَکَ کُرِ، وَلَا کٛ دَرْنَتَ ࢡٜ؞ 9ࢡٜطٛنْ عُکَّنٛ بٜرْنِوٛلْ، ࢡٜطٛنْ نجَاوْطَ دٛوْ مَحٛلْ، ࢡٜمبَعّٛ دٛوْ شُوطِ، ࢡٜطٛنْ نَسْتِرَ طِ غَلْ بُرْطٜ مَاجِ بَنَ وُيْࢡٜ؞ 10لٜسْدِ دِمْبِ يٜىٰسٛ مَارٜ، عَسَمَنْجِ ندِوْنِ، نَانغٜ عٜ لٜوْرُ ࢩِࢡِّ، کٛودٜ بٛو عَشِّ يَيْنُغٛ#وَحَيُ يُحَنَّ 8:12؞؞ 11نغَمْ جَوْمِرَاوٛ حٛولِ يٜىٰسٛ جَمَعَارٜ کٛنُ مُوطُمْ؞ جَمَعَارٜ مَاکٛ طُوطْندٜ مَسِنْ، حِࢡِّنٛوࢡٜ مُويٛ مَاکٛ مَرِ بَاوْطٜ؞ نغَمْ ࢩَلَادٜ جَوْمِرَاوٛ لَاتٛتٛ مَوْندٜ، حُلْنِيندٜ مَسِنْ؞ مٛيْ وَاوَتَ ࢡُسُغٛ ندٜ#وَحَيُ يُحَنَّ 6:17؞؟
عٜوْنَاندُ نغَمْ تُوبُ
12جَوْمِرَاوٛ وِعِ: «کٛو جٛنْتَ بٛو، لٛرْتٜ حَا عَمْ بٜى ࢡٜرْندٜ وٛورٜ، بٜى سُومَيٜ عٜ بٛجِّ عٜ غٛنْطِ! 13سٜىٰکُغٛ لِمْشٜ حٜعَتَا، ندِکَّ نغَيْلِتٜ ࢡٜرْطٜ مٛوطٛنْ؞» لٛرْتٜ حَا اَللَّه جَوْمِرَاوٛ مٛوطٛنْ، نغَمْ عٛ مَرْطٛ عٜنْطَمْ عٜ حِنُّيٜ، مٛ تِکَّتَا لَوْ، مٛ مبٛوطٜىٰنغَ عٜ غٛونغَاکُ مُمْ طُوطِ، عٛڢَاسِتَنْ وَطُغٛ سَرُّ؞ 14مٛيْ عَنْدِ؟ تٜىٰمَ عٛوَيْلِتِتّٛ، عٛڢَاسِتَنْ، ندٜنْ عٛعَشَّنَ عٛنْ بَرْکَ، حَا عٛنْ کٜࢡَ کٛ عٛنْ لِيعَنْتٛ جَوْمِرَاوٛ، اَللَّه مٛوطٛنْ بَنَ دٛکّٜ ࢩَامْدُ عٜ دٛکّٜ دُڢٜتٜىٰطٜ؞
15ݠُوڢٜ لُوَلْ کٛنُ حَا سِيٛنَ، تَاسْکَنٜ سُومَيٜ، عُمْرٜ مٛوࢡْتٛرْدٜ؞ 16مٛوࢡْتٜ يِمْࢡٜ، شٜنٜ مٛوࢡْتٛرْدٜ، مٛوࢡْتٜ ندٛتِّعٜنْ، کَوْتٜ ࢡِکّٛيْ عٜ مُسِنَنْکٛيْ؞ ࢡَنغْطٛ وُرْتٛ سُودُ مُوطُمْ، ࢡَنغَاطٛ بٛو وُرْتٛ وَالٛرْدُ مُوطُمْ! 17لِمَنْعٜنْ جَغَّنٛوࢡٜ جَوْمِرَاوٛ مبٛيَ حَکُّندٜ زَوْلٜىٰرُ حَيْکَلِيرُ عٜ حِرْسِرْدٜ مَارُ؞ سٜيْ ࢡٜمبِعَ: «يَا جَوْمِرَاوٛ، عٜنْطُ يِمْࢡٜ عُمَّاتٛورٜ مَ، تَا عَشُّ ࢡٜکُطَ يِمْࢡٜ لَاتِيࢡٜ مَرَلْ مَ، نغَمْ تَا جَنَنْࢡٜ نجَنْشَ ࢡٜ، نغَمْ تَا عُمَّاتٛوجٜ غٛطّٜ مبِعَ: تٛيْ اَللَّه مَࢡّٜ؟»
مٛعّٜرٜ اَللَّه
18جَوْمِرَاوٛ يِطِ لٜسْدِ مُوطُمْ بٜى يِيدٜ حَاجُندٜ، عٛعٜنْطِ يِمْࢡٜ عُمَّاتٛورٜ مَاکٛ؞ 19عٛجَابِ ࢡٜنِعِ: «ندَا مِنٜلْدِ عٛنْ عَلْکَمَارِ عٜ عِنَبٛوجَمْ عٜ نٜبَّمْ حَا عٛنْ کَارَ؞ مِمٜىٰتَتَا عَشُّغٛ عُمَّاتٛوجٜ نجَنْشَ عٛنْ؞ 20کٛنّٜعٜنْ عِوْࢡٜ وٛيْلَ، مِدَايْنَنْ ࢡٜ عٜ مٛوطٛنْ، مِرِيوَنْ ࢡٜ حَا لٜسْدِ نجٛورْندِ ݠٜرٜوْندِ؞ مٛوࢡْرٜ مَࢡّٜ عَارْتُندٜ ندِيوَنْمِ حَا مبٜىٰلَ ڢُونَانغٜ، مٛوࢡْرٜ مَࢡّٜ سَکِّتِيندٜ بٛو حَا مبٜىٰلَ حِيرْنَانغٜ؞ کَشّٜىٰنغَ ࢩٛلْکِ مَࢡّٜ عٜىٰنغَنْ دٛوْ، نغَمْ مِنْ جَوْمِرَاوٛ مِحُووِ کُوطٜ مَوْطٜ؞
21«عَنْ لٜسْدِ، تَا حُلْ! عَمَّا وٜلْوٜلْتُ، سٜيَ، نغَمْ مِنْ جَوْمِرَاوٛ مِحُووِ کُوطٜ مَوْطٜ! 22عٛنٛنْ دَبَّاجِ لَدّٜ، تَا کُلٜ! نغَمْ دُرْدُطٜ ندٜرْ لَدّٜ ݠُطِتِ، لٜطّٜ طٛنْ ندِمَ، عِبِّ عٜ عِنَبٛحِ طٛنْ ندِمَ ࢡِࢡّٜ؞ 23عٛنٛنْ بٛو، يِمْࢡٜ سِيٛنَ، مبٜلْمبٜلْتٜ، شٜيٛرٜ جَوْمِرَاوٛ، اَللَّه مٛوطٛنْ، نغَمْ مِمٛعَّنِ عٛنْ عِيٜىٰندٜ عَرَنْدٜ، مِتٛࢡْنَنِ عٛنْ عِيٜىٰلٜ، عِيٜىٰندٜ عَرَنْدٜ عٜ رَغَرٜىٰرٜ ڢُو بَنَ نَانٜ؞ 24لَارّٜ#2:24 لَارّٜ مَلَّ لَلَيْرٜ؞ حٜىٰوَنْ عَلْکَمَارِ، ࢡِطِّرْطٜ کٜىٰوَنْ عِنَبٛوجَمْ عٜ نٜبَّمْ حَا رُڢَ؞ 25مِحٛکِّتَنْ عٛنْ کٛ عٛنْ مَجِّنِ ندٜرْ دُوࢡِ طِ ࢩَامٛووُ عٜ مبَࢡَّتُّ عٜ نغِلْنغُ عٜ ندٛعُ ࢩَامِ ࢨَامْلٜ غٜسٜ مٛوطٛنْ، جَمَعَارٜ کٛنُ عَمْ مَوْندٜ ندٜ نٜلْدُنٛومِ شَکَ مٛوطٛنْ؞ 26ندٜنْ عٛنْ ࢩَامَنْ، عٛنْ کَارَنْ؞ عٛنْ مَنغْتَنْ عِنْدٜ جَوْمِرَاوٛ، اَللَّه مٛوطٛنْ مٛ وَطَنِ عٛنْ کَايٜىٰڢِيجُمْ؞ عُمَّاتٛورٜ عَمْ مٜىٰتَتَا سٜمْتِنٜىٰغٛ! 27ندٜنْ کَمْ عٛنْ عَنْدَنْ مِنْ مِطٛنْ شَکَ إِسْرَاءِيلَ، مِنْ مِ جَوْمِرَاوٛ، اَللَّه مٛوطٛنْ، وَلَا غٛطّٛ ڢٜىٰرٜ؞ عُمَّاتٛورٜ عَمْ مٜىٰتَتَا سٜمْتِنٜىٰغٛ!»
Currently Selected:
يٛوعٜلْ 2: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
