يٛوعٜلْ 1

عَسَرْ غَرْکِ بَࢡَّتِّ

1جَوْمِرَاوٛ وٛلْوَنِ يٛعٜلْ ࢡِي ݠٜتُوٜلْ، وِعِ‏:

2عٛنٛنْ ندٛتِّعٜنْ، نَنٜ کٛ مبِعَنْمِ‏! عٛنٛنْ جٛوطِيࢡٜ لٜسْدِ يَحُودَ ڢُو، کٜطِتٜ‏! عِرِنْ طُعُمْ مٜىٰطِ لَاتَاغٛ ندٜرْ ࢩَلْطٜ مٛوطٛنْ کٛو ندٜرْ ࢩَلْطٜ کَاکِرَاࢡٜ مٛوطٛنْ نَ؟ 3نغٜشّٜ طُمْ ࢡِࢡّٜ مٛوطٛنْ، ࢡِࢡّٜ مٛوطٛنْ بٛو نغٜشَّ طُمْ ࢡِࢡّٜ مُوطُمْعٜنْ؞ کَمْࢡٜ ڢَحِنْ نغٜشَّ طُمْ يِدٜرٜ وَرَنْدٜ ࢡَاوٛطٛنْ؞ 4کٛ ࢩَامٛووُ عَشِّ، مبَࢡَّتُّ ࢩَامِ طُمْ؞ کٛ مبَࢡَّتُّ عَشِّ، نغِلْنغُ مَاغُ ࢩَامِ طُمْ؞ کٛ نغِلْنغُ عَشِّ، ندٛعُ ࢩَامِ طُمْ؞

5عٛنٛنْ وُيْکٛوࢡٜ، ݠِنٜ، مبٛيٜ‏! عٛنٛنْ يَرٛوࢡٜ عِنَبٛوجَمْ، مبٛيٜ، نغَمْ عِنَبٛوجَمْ کٜسَمْ عِتَّامَ عٜ کُنْدُطٜ مٛوطٛنْ‏! 6عُمَّاتٛورٜ سٜمْبِطْندٜ، ندٜ وَلَا لِمْغَلْ، عُکَّنِ لٜسْدِ عَمْ؞ ࢩِيعٜ مَارٜ نَنْدِ بٜى ࢩِيعٜ بَرٛوطٜ، ࢨَکِّرْطٜ مَارٜ بَنَ طٜ مبَرٛوغَ ندٜوَ#وَحَيُ يُحَنَّ 9‏:8؞؞ 7ندٜ وِلِ عِنَبٛحِ عَمْ، ندٜ يٜوِ عِبِّ عَمْ، ندٜ ࢡٛلْتِ کِ ڢُو، لِشٜ مَاکِ ڢُو ݠُرْطِ؞

8عٛنٛنْ يِمْࢡٜ، سٜيْ عٛنْ مبٛيَ بَنَ دٜرْکٜىٰجٛ دٜبّٛ ࢡٛرْنِيطٛ لِمْشٜ بُحُوجٜ#1‏:8 ࢡٛرْنَاغٛ لِمْشٜ بُحُوجٜ طُمْ عَلَامَ مٜتَّمْࢡٜرَمْ؞ بٛيَنْطٛ غٛرُمْ کٛوْطٛ طُمْ؞ 9دٛکّٜ ࢩَامْدُ عٜ دٛکّٜ دُڢٜتٜىٰطٜ نغٛودَا حَا سُودُ جَوْمِرَاوٛ؞ لِمَنْعٜنْ جَغَّنٛوࢡٜ جَوْمِرَاوٛ طٛنْ شُنٛ؞ 10غٜسٜ مبٛنِّ، لٜسْدِ طٛنْ سُنٛ، عَلْکَمَارِ نَتِّ، عِنَبٛوجَمْ کٜسَمْ عٜ نٜبَّمْ کٜسَمْ بٛو جِنِّ؞ 11عٛنٛنْ رٜمٛوࢡٜ، شٜمْتٜ‏! عٛنٛنْ رٜمٛوࢡٜ عِنَبٛوجٜ، مبٛيٜ‏! سَعِيرُورِ عٜ عَلْکَمَارِ عٜ ࢨَامْلٜ غٜسٜ ڢُو مبٛنِّ؞ 12عِنَبٛحِ يٛورِ، عِبِّ طَيْلِ، رُمَّانٛوحِ عٜ دِبِنٛوحِ عٜ لٜکِّ دِمَنْکِ ࢡِࢡّٜ بٜلْطٜ عٜ لٜطّٜ حَا نغٜسَ ڢُو نجٛورِ؞ نٛنّٛنْ، کٛ سٜيْنَتَ ࢡِࢡّٜ عَادَمَ، طَيْلِ؞ 13کَدّٜ لِمْشٜ بُحُوجٜ، مبٛيٜ، عٛنٛنْ لِمَنْعٜنْ‏! عُومٜ، عٛنٛنْ جَغِّيࢡٜ حَا حِرْسِرْدٜ جَوْمِرَاوٛ‏! نغَرٜ، مبَالٜ ندٜرْ مٜتَّمْࢡٜرَمْ، عٛنٛنْ جَغَّنٛوࢡٜ اَللَّه عَمْ‏! نغَمْ دٛکّٜ ࢩَامْدُ عٜ دٛکّٜ دُڢٜتٜىٰطٜ نغٛودَا حَا سُودُ اَللَّه مٛوطٛنْ؞ 14تَاسْکَنٜ سُومَيٜ، عٜوْنٜ يِمْࢡٜ نغَمْ ࢡٜمٛوࢡٛ، مٛوࢡْتٜ ندٛتِّعٜنْ عٜ جٛوطِيࢡٜ ندٜرْ لٜسْدِ ڢُو حَا سُودُ اَللَّه جَوْمِرَاوٛ مٛوطٛنْ، نغٛوکَنٜ مٛ‏!

15ࢩَلَادٜ جَوْمِرَاوٛ ࢡَدِتَکٜ‏! ندٜ وَرَنْ دِغَ اَللَّه بَاوْطٛ بَنَ حَلْکٜرٜ؞ کَيْتٛ ࢩَلَادٜ ندٜعٜ#عٜسَايَ 13‏:6؞‏! 16ࢩَامْدُ حَلْکِ يٜىٰسٛ مٜىٰطٜنْ، سٜيٛ عٜ غِمِ نجِنِّ ندٜرْ سُودُ اَللَّه مٜىٰطٜنْ؞ 17عَاوْرٜ يٛورِ حَا نغٜسَ، شِغٛرْطِ ݠٜرْوِ، بٜىٰمبٜ نغِبِّنَامَ، نغَمْ عَلْکَمَارِ طَيْلِ؞ 18دَبَّاجِ طٛنْ مبٛوکَ؞ تٛکّٜ نَعِ طٛنْ نغِيلٛ، طِ نغَلَا دُرْدُطٜ؞ کٛو تٛکّٜ دَمّٛوجِ بٛو طٛنْ نجَرَ بٛنٜ؞ 19يَا جَوْمِرَاوٛ، مِطٛنْ تٛرٛ مَ، نغَمْ يِيتٜ ࢩَامِ دُرْدُطٜ ندٜرْ لَدّٜ، طٜمْنغَلْ يِيتٜ وُلِ لٜطّٜ لَدّٜ ڢُو؞ 20کٛو دَبَّاجِ لَدّٜ بٛو طٛنْ لَاحَ حٜىٰدِ مَاطَ، نغَمْ مَاحٛيْ ࢡٜىٰࢡِ، يِيتٜ ࢩَامِ دُرْدُطٜ ندٜرْ لَدّٜ؞

Currently Selected:

يٛوعٜلْ 1: داَ

Highlight

Copy