حَغَّيْ 2
2
تٜدُّنغَلْ حَيْکَلِيرُ غَرَنْنغَلْ
1ندٜرْ لٜوْرُ جٛوٜىٰطِطَࢡْرُ، ࢩَنْدٜ نٛوغَسْ عٜ غٛعٛورٜ مَارُ، جَوْمِرَاوٛ وٛلْوَنِ اَلنَّبِي حَغَّيْ: 2«وٛلْوَنْ زٛرٛبَابِلَ ࢡِي سَلَتِيٜلْ، نغٛمْنَ دٛوْ يَحُودَ عٜ يٛسُوَ ࢡِي يٛشَدَکْ، حٛورٜىٰجٛ لِمَنْعٜنْ عٜ يِمْࢡٜ لُتُّࢡٜ ندٜرْ عُمَّاتٛورٜ ڢُو، يٜشُّ ࢡٜ: 3مٛيْ شَکَ مٛوطٛنْ عٛنٛنْ لُتُّࢡٜ يِعْنٛوࢡٜ تٜدُّنغَلْ حَيْکَلِيرُ نَانٜ؟ عٜ نٛيْ ندَارْطٛنْ ندُ جٛنْتَ؟ نَا ندُ لَاتِ بَنَ حُوندٜ مٜىٰرٜ حَا غِتٜ مٛوطٛنْ نَ#عٜسِرَ 3:12؞؟ 4جَوْمِرَاوٛ وِعِ: عَنْ زٛرٛبَابِلَ، سٜيْ عَسٜمْبِطَ جٛنْتَ؞ عَنْ بٛو، يٛسُوَ ࢡِي يٛشَدَکْ حٛورٜىٰجٛ لِمَنْعٜنْ، سٜيْ عَسٜمْبِطَ؞ عٛنٛنْ يِمْࢡٜ لٜسْدِ ڢُو، سٜيْ عٛنْ شٜمْبِطَ؞ جَوْمِرَاوٛ حٛنٛوࢡٜ عَسَمَ وِعِ: کُووٜ، نغَمْ مِطٛنْ وٛنْدِ بٜى مٛوطٛنْ، 5ڢٛدّٜ عَلْکَوَلْ نغَلْ کَࢡُّمِ بٜى کَاکِرَاࢡٜ مٛوطٛنْ، سَاعِ ࢡٜنغُرْتِ مِصْرَ؞ جٛنْتَ بٛو، رُوحُ عَمْ طٛنْ شَکَ مٛوطٛنْ، تَا کُلٜ#غُرْتَاکِ 29:45-46؞! 6نغَمْ ندَا نِي جَوْمِرَاوٛ حٛنٛوࢡٜ عَسَمَ وِعِ: نِي سٜطَّ مِدِمْبَنْ عَسَمَنْجِ عٜ لٜسْدِ، مبٜىٰلَ عٜ لٜسْدِ نجٛورْندِ#عِبْرَنِنغْکٜعٜنْ 12:26؞؞ 7مِدِمْبَنْ عُمَّاتٛوجٜ ڢُو، ندٜنْ کُوجٜ مَاجٜ مَرْطٜ سَمَنْ نغَرَنْ حَا طٛ؞ جَوْمِرَاوٛ حٛنٛوࢡٜ عَسَمَ وِعِ: مِحٜبِّنَنْ حَيْکَلِيرُ ندُعُ بٜى تٜدُّنغَلْ؞ 8شَرْدِ عٜ کَنغّٜىٰرِ، مِنْ جٜيِ؞ نٛنْ جَوْمِرَاوٛ حٛنٛوࢡٜ عَسَمَ وِعِ؞ 9تٜدُّنغَلْ حَيْکَلِيرُ طِطَوْرُ ندُعُ ࢡُرَنْ نغَلْ عَرَنْدُ؞ مِجٛعِّنَنْ سَلَامَنْ عٜ حَيْرُ حَا نٛکُّورٜ ندٜعٜ»، نٛنْ جَوْمِرَاوٛ حٛنٛوࢡٜ عَسَمَ وِعِ؞
10ندٜرْ ندُوࢡُ دَرِيُسْ طِطَࢡُ، لٜوْرُ جٛوٜىٰنَيَࢡْرُ، ࢩَنْدٜ نٛوغَسْ عٜ نَيَࢡْرٜ، جَوْمِرَاوٛ وٛلْوَنِ اَلنَّبِي حَغَّيْ؞ 11ندَا نِي جَوْمِرَاوٛ حٛنٛوࢡٜ عَسَمَ وِعِ: «ࢨَمْ لِمَنْعٜنْ کٛ ࢡٜعَنْدِ دٛوْ حَالَ کَعَ: 12تٛ غٛطّٛ سَاوِ کُسٜلْ شٜنَانغٜلْ ندٜرْ غَوَرْغَلْ لِمْشٜ مُوطُمْ، ندٜنْ لِمْشٜ مَنْ مٜىٰمِ تَمْسٜىٰرٜ، کٛو ࢩَامْدُ دٜڢَاندُ، کٛو عِنَبٛوجَمْ، کٛو نٜبَّمْ، کٛو ࢩَامْدُ وٛوندُ، طُمْ سٜنٛتٛ نَ؟» لِمَنْعٜنْ نجَابِ: «عَاعَ!» 13حَغَّيْ تٛکِّ ࢨَمُغٛ: «تٛ غٛطّٛ سٛࢡِ بٜى مٜىٰمُغٛ مَايْطٛ، ندٜنْ مٜىٰمِ وٛورٜ ندٜرْ کُوجٜ طٜعٜ، ندٜ سٛࢡَنْ نَ؟» لِمَنْعٜنْ نجَابِ: «ندٜ سٛࢡَنْ#لِمْلٜ 19:11-22؞؞» 14ندٜنْ حَغَّيْ وِعِ: «جَوْمِرَاوٛ وِعِ: بَنَ نٛنْ يِمْࢡٜ عُمَّاتٛورٜ ندٜعٜ لَاتٛرِ يٜىٰسٛ عَمْ، بَنَ نٛنْ کُوغَلْ جُوطٜ مَࢡّٜ ڢُو وَعِ؞ کٛ ࢡٜلِيعَنْتٛ يَمْ تٛنْ ڢُو، سٛࢡِ؞ 15عَمَّا جٛنْتَ، کَکِّلَنٜ کٛ وَطٜتٜ دِغَ حَنْدٜ يَحُغٛ يٜىٰسٛ؞ حِدّٜکٛ عٛنْ مبَلِّنَ حَيْرٜ دٛوْ حَيْرٜ حَا حَيْکَلِيرُ جَوْمِرَاوٛ، 16ندٜ غٛطّٛ وَرِ حَا وَاغَارٜ ندٜ عٛتَمّٛتٛ مُودٛوجٜ نٛوغَسْ، سَݠّٛ تَنْ عٛتَوِ؞ ندٜ غٛطّٛ وَرِ حَا ࢡِطِّرْدٜ عِنَبٛوجَمْ نغَمْ ࢩٜطُغٛ بُلْکِ شَݠَّنْطٜ جٛوِ، نٛوغَسْ تَنْ عٛتَوِ؞ 17مِنَتِّنِ نَڢُودَ کُوطٜ جُوطٜ مٛنْ ڢُو، مِيٛورْنِ عَلْکَمَاجٜ مٛنْ، مِوٛنِّ کُوجٜ مٛنْ بٜى ࢩَوُجِ عٜ مَلِّمَلّٛوجٜ، عَمَّا عٛنْ لٛرْتَاکِ حَا عَمْ، نٛنْ جَوْمِرَاوٛ وِعِ: 18کَکِّلَنٜ کٛ وَطٜتٜ دِغَ حَنْدٜ يَحُغٛ يٜىٰسٛ، وَاتٛ دِغَ ࢩَنْدٜ نٛوغَسْ عٜ نَيَࢡْرٜ ندٜرْ لٜوْرُ جٛوٜىٰنَيَࢡْرُ، ندٜ عٛنْ مبَلِّنِ شَࢡَّوَلْ حَيْکَلِيرُ جَوْمِرَاوٛ، کَکِّلَنٜ طُعُمْ: 19عَاوْدِ جِنِّ حَا بٜىٰمبَلْ نَ؟ عِنَبٛحِ عٜ عِبِّ عٜ رُمَّانٛوحِ عٜ جَيْتُنْحِ ندِمَايْ نَ؟ عَمَّا دِغَ حَنْدٜ ݠُطَّنْمِ بَرْکِطِنْغٛ عٛنْ؞»
20ڢَحِنْ جَوْمِرَاوٛ وٛلْوَنِ حَغَّيْ ندٜرْ ࢩَنْدٜ نٛوغَسْ عٜ نَيَࢡْرٜ لٜوْرُ مَنْ، عٛوِعِ: 21«وٛلْوَنْ زٛرٛبَابِلَ، نغٛمْنَ دٛوْ يَحُودَ، يٜشُّ مٛ: مِدِمْبَنْ عَسَمَنْجِ عٜ لٜسْدِ، 22مِيِبِّنَنْ لٜىٰسٜ لَامُوجِ، مِحَلْکَنْ بَاوْطٜ لَامُوجِ عُمَّاتٛوجٜ، مِدٛعَّنْ مٛوتَاجِ ݠُشِّ عٜ وَعِّيࢡٜ طِ؞ وَعِّيࢡٜ ݠُشِّ مبَرْمبَرْتِرَنْ بٜى کَاڢَحِ، ࢡٜندٛعّٛتٛ بٜى ݠُشِّ مَࢡّٜ؞ 23جَوْمِرَاوٛ حٛنٛوࢡٜ عَسَمَ وِعِ: ࢩَلَادٜ مَنْ مِحٛوعٜتٜ، عَنْ زٛرٛبَابِلَ ࢡِي سَلَتِيٜلْ، جَغِّيطٛ عَمْ، مِلَاتِنْتٜ بَنَ حَاتُمّٜىٰرٜ عَمْ، نغَمْ عَنْ وٛنِ شُࢡَاطٛ عَمْ؞» نٛنْ جَوْمِرَاوٛ حٛنٛوࢡٜ عَسَمَ وِعِ؞
Currently Selected:
حَغَّيْ 2: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
