حَغَّيْ 1
1
عُمْرٛورٜ ࢩِࢡْتَاغٛ حَيْکَلِيرُ
1ندٜرْ ندُوࢡُ لَامِيطٛ دَرِيُسْ طِطَࢡُ، لٜوْرُ جٛوٜىٰغٛورُ، ࢩَنْدٜ غٛعٛورٜ مَارُ، جَوْمِرَاوٛ وٛلْوَنِ زٛرٛبَابِلَ ࢡِي سَلَتِيٜلْ، نغٛمْنَ دٛوْ يَحُودَ عٜ يٛسُوَ ࢡِي يٛشَدَکْ، حٛورٜىٰجٛ لِمَنْعٜنْ، بٜى حُنْدُکٛ اَلنَّبِي حَغَّيْ؞ عٛوِعِ#عٜسِرَ 4:24–5:2؛ 6:14؞:
2«ندَا نِي جَوْمِرَاوٛ حٛنٛوࢡٜ عَسَمَ وِعِ: عُمَّاتٛورٜ ندٜعٜ طٛنْ وِعَ، وَکَّتِ ࢩِࢡْتَاغٛ حَيْکَلِيرُ جَوْمِرَاوٛ وَطَايْ تَوٛنْ؞» 3ندٜنْ جَوْمِرَاوٛ وِعِ بٜى حُنْدُکٛ اَلنَّبِي حَغَّيْ: 4«طُمْ سَاعِ نغَمْ مٛوطٛنْ حَا نجٛوطٛوطٛنْ ندٜرْ شُوطِ ࢡَسَاطِ لٜطّٜ، عَسٜى بٛو حَيْکَلِيرُ عَمْ طٛنْ وِلِ نَ؟ 5جٛنْتَ ندَا نِي جَوْمِرَاوٛ حٛنٛوࢡٜ عَسَمَ وِعِ: نُمْتٜ کُوطٜ مٛنْ! 6عٛنْ عَاوِ طُوطُّمْ، عَمَّا عٛنْ شٛدِ ݠَمَرُمْ؞ عٛنْ ࢩَامِ، عَمَّا عٛنْ کَارَايْ؞ عٛنْ نجَرِ، عَمَّا طَمْ عِتَّايْ سُونٛ مٛوطٛنْ؞ عٛنْ طٛنْ ࢡٛرْنِ، عَمَّا عٛنْ طٛنْ مَاتَ جَانغٛلْ؞ کُووَنْطٛ نغَمْ نغٜىٰنَارِ طٛنْ جَࢡَ رُڢَ ندِ ندٜرْ بٛورٛ سُمْݠِتَانغٛ؞ 7ندَا نِي جَوْمِرَاوٛ حٛنٛوࢡٜ عَسَمَ وِعِ: نُمْتٜ کُوطٜ مٛنْ! 8مبَعّٜ دٛوْ حٛوسٜىٰرٜ، نغَدّٜ لٜطّٜ، ࢩِࢡْتٜ حَيْکَلِيرُ؞ کَنْجُمْ سٜيْنَتَمِّ، طُمْ تٜدِّنْتَمْ بٛو؞ 9عٛنْ تَمِّ عٛنْ کٜࢡَنْ طُوطُّمْ، عَمَّا ندَا، عٛنْ کٜࢡِ ݠَمَرُمْ؞ ندٜ عٛنْ کٛورِ طُمْ حَا سَارٜ، مِوِڢْتِ طُمْ؞ نغَمْ طُمٜ کُووْمِ طُمْ؟ نغَمْ حَيْکَلِيرُ عَمْ لَاتِيندُ بِلّٜ، سَاعِ عٛنْ طٛنْ شُکْلِ بٜى شُوطِ مٛوطٛنْ؞ 10نغَمْ مَاجُمْ عَسَمَنْجِ نجٛغِتَنِ عٛنْ سَاوَوْرٜ، لٜسْدِ بٛو جٛغِتَنِ عٛنْ ࢨَامْلٜ؞ 11مِعُمْرِ حٛکّٜرٜ وَطَ دٛوْ لٜسْدِ عٜ کٛوسٜىٰجٜ عٜ دٛوْ دٜمٜتِرْلٜ عٜ کٛ لٜسْدِ ڢُطْنَتَ ڢُو؞ نغَمْ دَلِيلَ حٛکّٜرٜ مَنْ، عِنَبٛوجَمْ عٜ نٜبَّمْ ݠَمْطِتِ، يِمْࢡٜ عٜ دَبَّاجِ بٛو نجَرِ بٛنٜ، کُوطٜ طٜ کُووْطٛنْ ڢُو مبٛنِّ؞»
12زٛرٛبَابِلَ ࢡِي سَلَتِيٜلْ عٜ يٛسُوَ ࢡِي يٛشَدَکْ، حٛورٜىٰجٛ لِمَنْعٜنْ عٜ يِمْࢡٜ لُتُّࢡٜ ندٜرْ عُمَّاتٛورٜ ڢُو نَنَنِ جَوْمِرَاوٛ اَللَّه مُوطُمْعٜنْ، وَاتٛ بٛلّٜ طٜ جَوْمِرَاوٛ اَللَّه مَࢡّٜ نٜلِ اَلنَّبِي حَغَّيْ وٛلْوَنْغٛ ࢡٜ؞ عُمَّاتٛورٜ ڢُو طٛوْتَنِ جَوْمِرَاوٛ؞ 13ندٜنْ حَغَّيْ، نٜلَاطٛ جَوْمِرَاوٛ يٜشِّ يِمْࢡٜ عُمَّاتٛورٜ نِعِ: «جَوْمِرَاوٛ وِعِ: مِطٛنْ وٛنْدِ بٜى مٛوطٛنْ؞» 14جَوْمِرَاوٛ سُوسْطِنِ زٛرٛبَابِلَ ࢡِي سَلَتِيٜلْ، نغٛمْنَ دٛوْ يَحُودَ عٜ يٛسُوَ ࢡِي يٛشَدَکْ حٛورٜىٰجٛ لِمَنْعٜنْ عٜ يِمْࢡٜ لُتُّࢡٜ ندٜرْ عُمَّاتٛورٜ ڢُو؞ ࢡٜنغَرِ، ࢡٜکُووِ حَا حَيْکَلِيرُ جَوْمِرَاوٛ حٛنٛوࢡٜ عَسَمَ؞ 15طُمْ وَطِ ندٜرْ ࢩَنْدٜ نٛوغَسْ عٜ نَيَࢡْرٜ حَا لٜوْرُ جٛوٜىٰغٛعٛورُ، ندٜرْ ندُوࢡُ لَامِيطٛ دَرِيُسْ طِطَࢡُ؞
Currently Selected:
حَغَّيْ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
