حَبَکُکْ 3
3
دٛعَارٜ حَبَکُکْ
1ندَا دٛعَارٜ اَلنَّبِي حَبَکُکْ بٜى دَاندٜ غِمِ بٛيْکِ: 2يَا جَوْمِرَاوٛ، مِنَنِ حَبَرُ مَاطَ؞
کُوغَلْ مَ حُلْنِ يَمْ، يَا جَوْمِرَاوٛ؞
حُووْ کُوغَلْ مَنْ ڢَحِنْ ندٜرْ زَمَنُ عَمِنْ،
وَنغِنْ نغَلْ ندٜرْ ࢩَلْطٜ ࢡَدِيطٜ؞
کٛو ندٜرْ تِکّٜرٜ مَ بٛو تَا عَشُّ حِنُّيٜ مَ؞
3اَللَّه طٛنْ وَرَ دِغَ تٜمَنْ،
شٜنِيطٛ طٛنْ وَرَ دِغَ حٛوسٜىٰرٜ ݠَرَنْ؞
مَنغُ مَاکٛ طٛنْ سُدَّ عَسَمَ،
مَنغْتٛورٜ مَاکٛ طٛنْ حٜبِّنَ لٜسْدِ؞
4بَنَ طٜلْکٛ أَلنّٛورَ، لَاسِ نَانغٜ طٛنْ نغُرْتٛ جُنغٛ مَاکٛ،
تٛنْ بَاوْطٜ مَاکٛ طٛنْ شُوطِ؞
5ࢩَوُ کَلُّنغُ ندَاࢡٛووُ طٛنْ عَرْدٛ مٛ،
يٛنْتٜرٜ طٛنْ تٛکّٛ ݠَلَنْطٜ کٛسْطٜ مَاکٛ؞
6عٛدَرِ، عٛدِمْبِنِ لٜسْدِ؞
عٛلَارِ عُمَّاتٛوجٜ، طٜ ندِوْنِ، کٛوسٜىٰجٜ ࢡٛويْمَاجٜ شَمْݠِتِ،
تٛوْندِيجٜ ࢡٛويْمَاجٜ نغِبِّ،
کَنْجٜ نغٛنِ لَابِ مَاکٛ دِغَ ࢡٛويْمَ؞
7مِيِعِ سَرُّ عُکَّنِ لَيْمَاجِ کُسَنْ،
لَيْمَاجِ مٜدِيَنْ طٛنْ ندِوْنَ؞
8يَا جَوْمِرَاوٛ، تِکّٜرٜ مَ طٛنْ سَاتَ دٛوْ مَاجٜ ندِيَمْ
عٜ ࢡٜرْنُکِ مَ دٛوْ مبٜىٰلَ نَ؟
نغَمْ عَوَعِّ ݠُشِّ مَاطَ،
عَوَعِّ مٛوتَ ݠُشِّ نغَ جَالٛرْغَلْ مَ؞
9عَتَاسْکِتِنِ لَغَاوَلْ مَ،
کُرِ نغٛنِ کُنَيٜىٰجٜ طٜ مبٛلْوُطَ؞
عَسٜىٰکِ لٜسْدِ بٜى مَاجٜ ندِيَمْ؞
10کٛوسٜىٰجٜ نغِعِ مَ، طٜ ندِوْنِ؞
عِلَمْجِ مَوْطِ طٛنْ عِلَ؞
لُغّٜىٰنغَ مبٜىٰلَ طٛنْ حٛولَ،
طٛنْ عُمِّنَ ࢨُوغٜ تٛوْطٜ؞
11نَانغٜ عٜ لٜوْرُ ندَرِ حَا نٛکُّوجٜ مُوطُمْعٜنْ،
دَلِيلَ أَلنّٛورَ کُرِ مَ ݠِطَاطِ
عٜ جَيْنغٛلْ لَبّٛ مَ طٜلْکَنْنغٛ؞
12بٜى تِکّٜرٜ شَالٛرْتٛوطَ لٜسْدِ،
بٜى ࢡٜرْنُکِ ندِرْࢡِرْتَ عُمَّاتٛوجٜ؞
13عَوُرْتِ نغَمْ حِسْنُغٛ عُمَّاتٛورٜ مَ عٜ
نغَمْ حِسْنُغٛ مٛيْتَاطٛ مَ؞
عَيِبِّنِ سُودُ کَلُّطٛ دِغَ تِيتٛلْ حَا لٜسْ،
عَوِرْغِ شَࢡَّاجٜ مَارُ ڢُو؞
14بٜى کُرِ مَࢡّٜ عَسُمْݠِتِ کٛعٜ عَرْدِيࢡٜ حٛنٛوࢡٜ مَاکٛ،
وَرْࢡٜ بٜى غٛوکَالِ سٜيٛ نغَمْ ࢡٜشَنغْکِتَ مِنْ،
ࢡٜتَمّٛ ࢡٜࢩَامَنْ تٛوࢩَاطٛ بٜى سِرِّ؞
15بٜى ݠُشِّ مَ نجَاࢡُطَ مبٜىٰلَ،
حَا عِلَمْجِ مَوْطِ مبَطِ نغُوڢٛ؞
16مِنَنِ طُمْ؞ ࢡَنْدُ عَمْ ڢُو طٛنْ دِوْنَ،
حٛولٛ مَاجُمْ دِمْبِنِ حُنْدُکٛ عَمْ،
عِعٜ عَمْ تَمْݠِ،
کٛسْطٜ عَمْ طٛنْ ندِوْنَ لٜسْ عَمْ؞
مِطٛنْ رٜىٰنَ ࢩَلَادٜ ࢡِلَّارٜ بٜى دٜعّٜرٜ،
حَا ندٜ وَرَ دٛوْ عُمَّاتٛورٜ حِݠّٛتٛوندٜ مِنْ؞
17کٛو تٛ عِبِّ ڢِنَّتَا،
عِنَبٛوجٜ ندِمَتَا،
جَيْتُنْحِ رِمَتَا ࢡِࢡّٜ،
غٜسٜ مبَطَتَا ࢩَامْلٜ،
دَمّٛوجِ شَنغْکِتِتّٛ دِغَ وَالْدٜ،
نَعِ نجِنِّ دِغَ وَالْدٜ،
18عَمَّا مِنْ مِسٜيٛرْتٛ جَوْمِرَاوٛ،
مِوٜلْوٜلْتَنْ نغَمْ دَلِيلَ اَللَّه کِسْنٛووٛ يَمْ؞
19جَوْمِرَاوٛ بَاوْطٛ وٛنِ سٜمْبٜ عَمْ،
عٛلَاتِنِ کٛسْطٜ عَمْ بَنَ طٜ لٜلْجِ،
عٛطٛنْ وَانْشِنَمِّ دٛوْ نٛکُّوجٜ تٛوْطٜ؞
نغَمْ کَلِيڢَاجٛ غِمِ، بٜى مٛولٛوجِ#2 سَمُيِلَ 22:34؛ جَبُورَ 18:34؞؞
Currently Selected:
حَبَکُکْ 3: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
