حَبَکُکْ 2

جَاوَابُ جَوْمِرَاوٛ طِطَࢡُ

1سٜيْ مِوَعّٛ حَا نٛکُّورٜ عَيْنِرْدٜ عَمْ، مِدَرٛ دٛوْ مَحٛلْ نغَمْ عَيْنُغٛ بٜرْنِوٛلْ عٜ عَنْدُغٛ کٛ جَوْمِرَاوٛ وِعَتَمِّ عٜ نٛ عٛجَابٛرْتٛ سِنغْکُيٜ عَمْ؞ 2جَوْمِرَاوٛ جَابِ يَمْ، وِعِ‏: «وِنْدُ وَحَيُ مٛ نغِعْطَ؞ وِنْدُ طُمْ دٛوْ عَلُّحَاجٜ، حَا طُمْ جَنغٜ بٜى کٛيْطُمْ؞ 3وَحَيُ مَنْ حِࢡَّنْ تٛ سَاعِ مَنْ يٛتَّکٜ، عَمَّا طُمْ طٛنْ يَاوَنَ تِمّٛودٜ، طُمْ وَلَا ڢٜوْرٜ؞ تٛ طُمْ نٜىٰࢡِ، عَمُࢩَنَ طُمْ؞ نغَمْ طُمْ لَاتٛتٛ ڢَکَتْ، طُمْ نٜىٰࢡَتَا سَمْ#عِبْرَنِنغْکٜعٜنْ 10‏:37؞؞ 4ࢡٜرْندٜ شٛويْطٛ عَدِلَاکُ طٛنْ مَوْنِتٛ، عَمَّا عَدِلِيجٛ يٜىٰطِرَنْ بٜى نُطِّنْکِ مُوطُمْ#رٛمَعٜنْ 1‏:17؛ غَلَاتِيَعٜنْ 3‏:11؛ عِبْرَنِنغْکٜعٜنْ 10‏:38؞؞»

بٛنٜىٰجِ کَلُّطٛ

5ڢَکَتْ رِسْکُ#2‏:5 رِسْکُ مَلَّ بٛو مبَلْ؞ زَمْبٛتٛ، غٛطّٛ مَوْنِتِيطٛ دٜعَّتَا؞ عٛطٛنْ مَࢡِّتَ کٛنْدٛنْدٛلْ مَاکٛ بَنَ جٛوندٜ مَايْࢡٜ، بَنَ وَادٜ عٛحَارَتَا؞ عٛمٛوࢡْتِ عُمَّاتٛوجٜ ڢُو حَا مَاکٛ، عٛحَوْتِ جَمَعَاجٜ ڢُو لٜسْ لَامُ مَاکٛ؞ 6يِمْࢡٜ ࢡٜعٜ ڢُو تَالِرَنْ مٛ، ࢡٜنجَنْشَنْ مٛ بٜى بَلْندِ عٜ عَنْدِتَنَمْجِ، ࢡٜمبِعَنْ‏: «بٛنٜ لَاتَنْتٛ طُطِّنَنْطٛ رِسْکُ مُمْ بٜى کُوجٜ طٜ عٛمَرَايْ؞ ندٜيْ عٛعَشَّتَ يٛوَنْغٛ يِمْࢡٜ دٛنغَلْ ࢩَمَالٜ؟» 7لَوْ ࢡٜتٛکِّيطَ ࢩَمَاندٜ عُمّٛتٛ، ࢡِلّٛوࢡٜ مَ ݠِنَنْ؞ عَلَاتٛتٛ کٜࢡَلْ کٛنُ مَࢡّٜ؞ 8نغَمْ عَنْ، عَحِݠِّ عُمَّاتٛوجٜ طُوطّٜ، عَنْ بٛو عُمَّاتٛوجٜ لُتُّطٜ ڢُو کِݠّٜتٜ، نغَمْ عَرُڢِ ࢨِيࢨَمْ يِمْࢡٜ عٜ عَوٛنِّ لٜسْدِ عٜ عَتٛوࢩِ بٜرْنِوٛلْ عٜ جٛوطِيࢡٜ ندٜرْ مَاغٛلْ ڢُو؞

9بٛنٜ لَاتَنْتٛ طَࢡِّتَنْطٛ رِبَ کَلُّکَ نغَمْ سَارٜ مُوطُمْ، جٛعِّنَنْطٛ سَࢡّٛ مُمْ تٛوْطُمْ، نغَمْ تَا سَرُّ حٜࢡَ طُمْ؞ 10بٜى دَبَرٜىٰجِ مَ عَڢٛوطَنِ سَارٜ مَ تٛسْکَارٜ، عَوَطِ حَکّٜ دٛوْ حٛورٜ مَ بٜى نَتِّنْغٛ عُمَّاتٛوجٜ طُوطّٜ؞ 11کٛو حَيْرٜ ندٜرْ مَحٛلْ بٛو طٛنْ وٛوکَ دٛوْ مَاطَ، بِلٛرْغٛلْ بٛو طٛنْ وَطَ نٛنْ؞

12بٛنٜ لَاتَنْتٛ ࢩِࢡَنْطٛ وُرٛ دٛوْ ࢨِيࢨَمْ، جٛعِّنَنْطٛ بٜرْنِوٛلْ دٛوْ شَࢡَّوَلْ بٜى سٛويْندٜ عَدِلَاکُ مُوطُمْ؞ 13کَدِ، کَنْجُمْ طُمْ عِوَايْ حَا جَوْمِرَاوٛ حٛنٛوࢡٜ عَسَمَ نَ؟ نَڢُودَ تٛرَّ جَمَعَاجٜ حَلْکَنْ ندٜرْ يِيتٜ، عُمَّاتٛوجٜ غٛطّٜ بٛو طٛنْ شٛمَ مٜىٰرٜ؞ 14نغَمْ دُنِيَارُ حٜىٰوَنْ عَنْدَلْ تٜدُّنغَلْ جَوْمِرَاوٛ، بَنَ ندِيَمْ حٜىٰوْرِ مبٜىٰلَ#عٜسَايَ 11‏:9؞؞

15بٛنٜ لَاتَنْتٛ جَرْنَنْطٛ کٜىٰدِّطُّمْعٜنْ، ࢩَطِنَنْطٛ نجَرَمْ مُوطُمْ بَنَ تٛوکٜ نغَمْ وُيْکِنْغٛ ࢡٜ، حَا عٛلَارَ تٜمْبُکِ مَࢡّٜ؞ 16عَحَارِ بٜى تٛسْکَارٜ، نَا بٜى تٜدُّنغَلْ؞ سٜيْ عَيَرَ، عَنْ بٛو، عَوَنغِنَ سَادٛونِيکُ مَ؞ جَرْدُغٜلْ تِکّٜرٜ ندٜرْ جُنغٛ ࢩَامٛ جَوْمِرَاوٛ لٛرٛتٛ دٛوْ حٛورٜ مَاطَ، تٜدُّنغَلْ مَاطَ لَاتٛتٛ تٛسْکَارٜ مَوْندٜ؞ 17نغَمْ تٛوࢩَارٜ ندٜ عَتٛوࢩِرِ لِبَنٛنْ، لٛرٛتٛ دٛوْ حٛورٜ مَ، حِݠّٜتٜ؞ عَحَلْکِ دَبَّاجِ غٛطِّ، غٛطِّ بٛو کُلْنٜتٜ نغَمْ عَرُڢِ ࢨِيࢨَمْ يِمْࢡٜ، عَوٛنِّ لٜسْدِ عٜ عَتٛوࢩِ بٜرْنِوٛلْ عٜ جٛوطِيࢡٜ ندٜرْ مَاغٛلْ ڢُو؞

18طُمٜ سُورَ نَڢَتَ حَا شٜحٛووٛ سٜحَ کَ؟ طُمٜ سُورَ نجَمْندِ ࢡٛلِنَاندِ نغَمْ عٜکِّتِنْغٛ ڢٜوْرٜ نَڢَتَ؟ نغَمْ طُمٜ غٛطّٛ وَطَتَ حٛولَارٜ مُمْ حَا لَبِّ طِ مبٛلْوَتَا ندٜ نِي کَنغْکٛ وَطِ طِ بٜى جُوطٜ مَاکٛ؟ 19بٛنٜ لَاتَنْتٛ بِعَنْطٛ لٜغَّلْ‏: «ڢِنْ‏!» مَلَّ حَيْرٜ مُوکَارٜ‏: «عُمَّ‏!» لَوْرُ وَاوِ عٜکِّتِنْغٛ نَ؟ يَاسِ مَارُ تَکَّامَ بٜى کَنغّٜىٰرِ عٜ شَرْدِ، عَمَّا نغٜىٰندَمْ وَلَا ندٜرْ مَارُ کٛو سٜطَّ؞ 20عَمَّا جَوْمِرَاوٛ طٛنْ ندٜرْ حَيْکَلِيرُ مُمْ سٜنِيندُ؞ سٜيْ دُنِيَارُ ڢُو سِرْوٛ يٜىٰسٛ مَاکٛ؞

Currently Selected:

حَبَکُکْ 2: داَ

Highlight

Copy