حَبَکُکْ 1
1
1طٛ وٛنِ کٛنغٛلْ نغٛلْ جَوْمِرَاوٛ وٛلْوَنِ اَلنَّبِي حَبَکُکْ ندٜرْ وَحَيُ مُمْ؞
وٛوکَاندُ حَبَکُکْ عَرَنْدُ
2يَا جَوْمِرَاوٛ، دُورِ مِطٛنْ تٛرٛ مَ بَلَّلْ، عَمَّا عَجَابَاکِ يَمْ؞ ڢٛرٛيْ مِطٛنْ وٛوکَ: ندَا تٛوࢩَارٜ! عَمَّا عَحِسْنَايْ مِنْ؞ 3نغَمْ طُمٜ عَيِعْنَتَمِّ حَلّٜىٰندٜ يِمْࢡٜ؟ نغَمْ طُمٜ عَطٛنْ لَارَ تٛرَّاجِ عَمِنْ، عَمَّا عَوَلَّايْ مِنْ: جَࢡْتٛلْ عٜ تٛوࢩَارٜ طٛنْ يٜىٰسٛ عَمْ، جٛکِّرْغٛلْ وَطِ، غَابٛتِرَلْ طٛنْ عُمّٛ؞ 4نغَمْ مَنْ تَوْرٜىٰتَ طٛوْتَنَاکَ، غٛونغَاکُ بٛو وَنغَايْ سَمْ؞ حَلُّࢡٜ طٛنْ ࢡِلَّ عَدِلِعٜنْ، نغَمْ مَنْ کِيتَ غٛونغَاحَ لَاتِ ڢٜوْرٜ؞
جَاوَابُ جَوْمِرَاوٛ عَرَنُ
5جَوْمِرَاوٛ وِعِ: «ندَارٜ شَکَ عُمَّاتٛوجٜ، نغِعٜ؞ کَيْطِنٜ مَسِنْ، نغَمْ مِحُووَنْ کُوغَلْ ندٜرْ بَلْطٜ مٛوطٛنْ؞ تٛ غٛطّٛ يٜشِّ عٛنْ حَبَرُ مَاجُمْ، عٛنْ نُطِّنْتَا#کُوطٜ نٜلَاࢡٜ 13:41؞؞ 6ندَا، مِعُمِّنَنْ کَلْدِيَعٜنْ عُمَّاتٛورٜ ندٜ وَلَا عٜنْطَمْ عٜ مُࢩَلْ سَمْ، ندٜ طٛنْ وَانْشَ دُنِيَارُ يَاسْندُ ندُعُ ڢُو نغَمْ ࢩَامُغٛ جٛوطٛرْطٜ طٜ ندٜ مَرَايْ#2 لَامِيࢡٜ 24:2؞؞ 7ࢡٜ کُلٜتٜىٰࢡٜ عٜ رُغّٛتٛوࢡٜ؞ کَمْࢡٜ ندَرْنَتَ بَاوْطٜ مَࢡّٜ عٜ کٛ حَانْدَنِ ࢡٜ؞ 8ݠُشِّ مَࢡّٜ ࢡُرِ ݠَاطَاجِ يَاوُغٛ، طِ ࢡُرِ شَاڢَالِ لَدّٜ بَاوَلْ؞ وَعِّيࢡٜ ݠُشِّ طٛنْ شَمْنَ، طٛنْ نغَرَ دِغَ دَايِيطُمْ، طٛنْ ݠِيرَ بَنَ دُتَلْ جَاوْطٛتٛونغَلْ دٛوْ کٛ نغَلْ يِطِ نَنغُغٛ؞ 9يِمْࢡٜ عُمَّاتٛورٜ ندٜعٜ ڢُو طٛنْ نغَرَ نغَمْ تٛوࢩَاغٛ؞ غٜىٰسٜ مَࢡّٜ ڢُو طٛنْ تِيتٛ يٜىٰسٛ؞ ࢡٜطٛنْ مٛوࢡْتَ دَحَاࢡٜ#1:9 دَحَاࢡٜ يِطِ وِعْغٛ عٜغِّنَاࢡٜ بٜى دٛولٜ؞ طُوطْࢡٜ بَنَ نجَارٜىٰندِ؞ 10ࢡٜطٛنْ نجَنْشَ لَامِيࢡٜ، ࢡٜطٛنْ ݠِجِرَ مَوْࢡٜ، ࢡٜطٛنْ نجَلَ کٛو بٜرْنِوٛلْ شٜمْبِطْنغٛلْ نغٛلٜ، ࢡٜمبَاغَنْ لٜسْدِ طَکِّ مَحٛلْ مَاغٛلْ، ندٜنْ ࢡٜࢩَامَنْ نغٛلْ؞ 11ࢡَاوٛ مَنْ ࢡٜتٛکّٛتٛ يٜىٰسٛ بَنَ حٜنْدُ، ࢡٜندِلَّ؞ بَنَ نٛنْ ࢡٜعَيْبِنِ کٛعٜ مَࢡّٜ، سٜمْبٜ مَࢡّٜ لَاتِ طٛوَنْتٜىٰطٛ مَࢡّٜ؞»
وٛوکَاندُ حَبَکُکْ طِطَࢡْرُ
12يَا جَوْمِرَاوٛ، نَا عَنْ وٛنِ اَللَّه عَمْ، شٜنِيطٛ عَمْ دِغَ ࢡٛويْمَ؟ عَنْ عَمَايَتَا! يَا جَوْمِرَاوٛ، عَجٛعِّنِ يِمْࢡٜ ࢡٜعٜ نغَمْ حِيتَاغٛ مِنْ؞ عَنْ تَݠَارٜ حِسْنٛورٜ عَمِنْ، عَتَبِتِنِ ࢡٜ نغَمْ ࢡٜندَرْتِنَ مِنْ؞ 13غِتٜ مَ نغِعَتَا حَلّٜىٰندٜ، نغَمْ طٜ شٜنِيطٜ، عَيِطَا لَارُغٛ تٛوࢩَارٜ؞ عَمَّا نغَمْ طُمٜ عَمُࢩَنْتَ زَمْبٛتٛوࢡٜ؟ نغَمْ طُمٜ عَطٛنْ جٜىٰطٛ تٛ کَلُّطٛ طٛنْ مٛطَ ࢡُرْدُطٛ طُمْ عَدِلَاکُ؟ 14عَطٛنْ نَنْدِنَ ࢡِࢡّٜ عَادَمَ بٜى لِطِّ ندٜرْ مبٜىٰلَ، بٜى لَدٛوجِ طِ نغَلَا عَرْدِيطٛ؞ 15کَلْدِيَعٜنْ ࢡٜعٜ طٛنْ نَنغَ يِمْࢡٜ ࢡٜعٜ ڢُو بٜى کُنَيٜلْ، طٛنْ ندَسَ ࢡٜ ندٜرْ زُبَاوٛلْ، طٛنْ مٛوࢡْتَ ࢡٜ ندٜرْ عَرٜوَلْ؞ ندٜنْ ࢡٜطٛنْ شٜيٛ، ࢡٜطٛنْ مبٜلْمبٜلْتَ؞ 16ࢡٜطٛنْ لِيعَنٛ زُبَاوٛلْ کِرْسٜتٜىٰطِ، ࢡٜطٛنْ نغُلَ عُورْلٜ نغَمْ عَرٜوَلْ، نغَمْ طُمْ کٜࢡْنِ ࢡٜ غٜطَلْ طُوطْنغَلْ عٜ ࢩَامْدُ وٜلْندُ؞ 17نغَمْ مَنْ ࢡٜنجُݠَّتَ زُبَاجِ مَࢡّٜ، ࢡٜتٛکِّتِنَ مبَرْغٛ عُمَّاتٛوجٜ غٛطّٜ بِلَا عٜنْطَمْ نَ؟
Currently Selected:
حَبَکُکْ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
