غَلَاتِيَعٜنْ 5

ندِمُ مَسِيحِنغْکٜعٜنْ

1اَلْمَسِيحُ رِمْطِنِ عٜنْ حَا عٜنْ نجٛوطٛ عٜنْ رِمْࢡٜ؞ نغَمْ مَنْ تَبِتٜ ندٜرْ ندِمُ، تَا عَشّٜ غٛطّٛ وَرْتِرَ عٛنْ مَشُّࢡٜ ڢَحِنْ؞

2نَنٜىٰطَمْ‏! مِنْ ݠٛلْ کٛ مبِعَنْمِ عٛنْ‏: تٛ عٛنْ نجَࢡِ جُولْنَاغٛ، ندٜنْ کَمْ اَلْمَسِيحُ نَڢَتَا عٛنْ سَمْ؞ 3کٛو مٛيْ جَࢡِ جُولْنَاغٛ، غٛونغَ مِطٛنْ وِعَ مٛ ڢَحِنْ، دٛولٜ عٛطٛوْتَنٛ تَوْرٜىٰتَ ڢُو؞ 4تٛ عٛنْ طٛنْ طَࢡِّتَ عَدِلَاکُ اَللَّه دٛوْ لَاوٛلْ تَوْرٜىٰتَ، ندٜنْ کَمْ عٛنْ شٜنْدِرِ بٜى اَلْمَسِيحُ، عٛنْ نغَلَا غٜطَلْ حَا مٛعّٜرٜ اَللَّه بٛو؞ 5مِنِنْ کَمْ مِنْ طٛنْ تَمِّ اَللَّه عَدِلِنَنْ مِنْ؞ طُمْ عِوِ حَا نُطِّنْکِ، مِنْ طٛنْ ندٜىٰنَ طُمْ بٜى بَاوْطٜ رُوحُ؞ 6نغَمْ تٛ غٛطّٛ طٛنْ ندٜرْ کَوْتَلْ بٜى اَلْمَسِيحُ، جُولْنٛلْ مَلَّ سَادٛنِيکُ وَلَا سَمَنْ؞ نُطِّنْکِ بَنغِنَنْکِ يِيدٜ تَنْ مَرِ سَمَنْ؞

7عٛنْ ݠُطِّ لَاوٛلْ مٛنْ بٛوطُّمْ؞ مٛيْ دَرْنِ عٛنْ، حَطِ عٛنْ طٛوْتَنَاغٛ غٛونغَ؟ 8وَسُيٜىٰوٛلْ مَنْ عِوَايْ حَا اَللَّه عٜوْنِيطٛ عٛنْ؞ 9تَا نغٜجِّتٜ‏: «عُڢْنِرْطُمْ سٜطَّ عُڢْنَنْ کُلُّ ڢُو#1 کٛرِنْتُعٜنْ 5‏:6؞؞» 10عَمَّا نغَمْ دَلِيلَ جَوْمِرَاوٛ مِطٛنْ حٛولِ عٛنْ، مِعَنْدِ عٛنْ نُمَتَا بٜى حَکِّيلٛ ڢٜىٰرٜ؞ مٛ ڢِتِنِ عٛنْ عٛ کِيتٜتٜىٰطٛ، کٛو طُمْ مٛيٜ؞

11دٜىٰرْطَمْعٜنْ، تٛ مِتٛکِّتِنّٛ وَازِنغٛ نَڢُودَ جُولْنٛلْ حَا جٛنْتَ، ندٜنْ کَمْ ࢡٜتٛوࢩَتَاکٛنٛ يَمْ عٜ حَالَ غَاڢَانغَلْ اَلْمَسِيحُ بٛو لَاتَتَاکٛنٛ دَلِيلَ ڢٜرْغٜرٜ‏! 12ڢِتِنْࢡٜ عٛنْ ࢡٜعٜ، ندِکَّ ࢡٜتَعَ لٜسْ مَࢡّٜ ڢُو‏!

13دٜىٰرْطَمْعٜنْ، اَللَّه عٜوْنِ عٛنْ حَا عٛنْ لَاتٛ رِمْࢡٜ؞ تَنْ نِي تَا ندِمُ نغُعُ لَاتٛ حُجَّ نغَمْ يٜىٰطُغٛ ڢٛدّٜ سُونٛوجِ مٛنْ، عَمَّا سٜيْ کٛو مٛيْ جَغَّنٛ دٜىٰرْطُمْ بٜى يِيدٜ؞ 14تَوْرٜىٰتَ ڢُو مٛوࢡِ ندٜرْ وٛلْدٜ وٛورٜ‏: «يِطْ کٜىٰدِّطِّرَاوٛ مَ بَنَ نٛ عَيِطِرِ حٛورٜ مَ#ڢَرِلَّاجِ لٜوِعٜنْ 19‏:18؞؞» 15عَمَّا تٛ عٛنْ طٛنْ نغَتِندِرَ، عٛنْ طٛنْ ࢩَامِنْدِرَ بَنَ دَبَّاجِ کَلُّطِ، کَکِّلٜ نغَمْ تَا عٛنْ نَتِّندِرَ؞

بٛنّٛنْدَ سُونٛوجِ عٜ نَڢُودَ رُوحُ

16ندَا کٛ نغِطْمِ وِعْغٛ‏: نغٜىٰطٜ ڢٛدّٜ رُوحُ اَللَّه، ندٜنْ کَمْ عٛنْ مبَطَتَا کٛ سُونٛوجِ نٜطّٛ نغِطِ؞ 17نغَمْ سُونٛوجِ نٜطّٛ طٛنْ حٛنَ رُوحُ اَللَّه، رُوحُ اَللَّه بٛو طٛنْ حٛنَ سُونٛوجِ نٜطّٛ؞ نغَمْ دَلِيلَ کٛنَانغُ نغُعُ عٛنْ مبَاوَتَا وَطُغٛ کٛ نغِطّٛنْ#رٛمَعٜنْ 7‏:15‏-23؞؞ 18عَمَّا تٛ رُوحُ اَللَّه طٛنْ طٛوَ عٛنْ، ندٜنْ کَمْ تَوْرٜىٰتَ وَلَا بَاوْطٜ دٛوْ مٛوطٛنْ؞

19کُوطٜ طٜ سُونٛ نٜطّٛ حُووَتَ طٜ بَنغُطٜ‏: طُمْ کُوطٜ شٜمْتِنِيطٜ عٜ شٛࢡْکِ عٜ دَاکَارٜىٰکُ 20عٜ دٜوْکِ لَبِّ عٜ حِيلَ عٜ نغَࢩْنغُ عٜ جٛکِّرْغٛلْ عٜ کَاجَلْ عٜ حَاعِنَارٜ عٜ مَوْنِتَارٜ عٜ شٜنْدٛلْ عٜ بِطُعَاکُوجِ 21عٜ سُونٛ عٜ وُيْکٜرٜ عٜ ݠِجِرْلٜ کَلُّطٜ عٜ کُوطٜ غٛطّٜ عِرِنْ طٜعٜ؞ کٛ مبِعْمِ عٛنْ دِغَ ࢡٛويْمَ، سٜيْ مِوِعَ طُمْ ڢَحِنْ‏: حُووَنْࢡٜ عِرِنْ کُوطٜ طٜعٜ ندٛنَتَا لَامُ اَللَّه؞

22عَمَّا کٛ رُوحُ اَللَّه رِمَتَ طُمْ يِيدٜ عٜ سٜيٛ عٜ سَلَامَنْ عٜ مُࢩَلْ عٜ عٜنْطَمْ عٜ مبٛوطٜىٰنغَ عٜ حٛولَارٜ 23عٜ يَنغْکِنَارٜ عٜ نَنغْتَارٜ؞ تَوْرٜىٰتَ حَطَتَا کُوجٜ طٜعٜ؞ 24کٛو مٛيْ لَاتِ غٛطّٛ اَلْمَسِيحُ عِيسَى، تِغِّ ࢡَنْدُ مُمْ بٜى غِطَاطِ عٜ سُونٛوجِ مَارُ حَا غَاڢَانغَلْ؞ 25رُوحُ اَللَّه حٛکِّ عٜنْ نغٜىٰندَمْ، ندٜنْ کَمْ عَشّٜنْ رُوحُ مَنْ طٛوَ عٜنْ؞ 26تَا عٜنْ مَوْنِتٛ، تَا عٜنْ تِکِّندِرَ، تَا عٜنْ کَاجِنْدِرَ؞

Currently Selected:

غَلَاتِيَعٜنْ 5: داَ

Highlight

Copy