غَلَاتِيَعٜنْ 4

1ندَا کٛ نغِطْمِ وِعْغٛ‏: يَاکٜ دٛنٛووٛ عٛ ࢡِنغٜلْ تَوٛنْ، وَلَا کٛ ڢٜىٰرٛتِرْتَ مٛ بٜى مَشُّطٛ، کٛو تٛ عٛ جَوْمُ کُوجٜ ڢُو؞ 2عَمَّا عٛطٛنْ حَا جُوطٜ کَلِيڢَعٜنْ عٜ حَا سِغٛوࢡٜ کُوجٜ مَاکٛ حَا تٛ وَکَّتِ کِ بَابَ دَرْنِ يٛتَّکٜ؞ 3بَنَ نٛنْ عٜنٜنْ بٛو، يَاکٜ عٜنْ ࢡِکّٛيْ، عٜنْ مَشُّࢡٜ رُوحُوجِ لَامَنِيطِ دُنِيَارُ؞ 4عَمَّا ندٜ وَکَّتِ وَطِ، اَللَّه نٜلِ ࢡِطّٛ مُمْ؞ کَنغْکٛ عٛدَࢩَامَ عٜ دٜبّٛ، عٛيٜىٰطِ لٜسْ تَوْرٜىٰتَ، 5نغَمْ حَا عٛرِمْطِنَ وٛنْࢡٜ لٜسْ تَوْرٜىٰتَ، عٛحٜࢡْنَ عٜنْ بَاوْطٜ لَاتَاغٛ ࢡِࢡّٜ اَللَّه؞

6عٛنٛنْ عٛنْ لَاتِ ࢡِࢡّٜ اَللَّه؞ نغَمْ مَاجُمْ عٛنٜلَنِ عٛنْ رُوحُ ࢡِطّٛ مَاکٛ ندٜرْ ࢡٜرْطٜ مٛنْ، مٛ طٛنْ عٜوْنٛ‏: «عَبَّ‏! بَابَ‏!» 7ندٜنْ کَمْ نَا عٛنْ مَشُّࢡٜ ڢَحِنْ، عَمَّا عٛنْ ࢡِࢡّٜ؞ ندٜ نِي عٛنْ ࢡِࢡّٜ مَاکٛ، عٛنْ لَاتِ بٛو رٛنٛوࢡٜ کٛ اَللَّه سِغَنِ ࢡِࢡّٜ مُمْ#رٛمَعٜنْ 8‏:15‏-17؞؞

سَکْلٜرٜ ݠٛلْ دَلِيلَ غَلَاتِيَعٜنْ

8ࢡٛويْمَ عٛنْ عَنْدَانٛ اَللَّه، عٛنْ مَشُّࢡٜنٛ طٛوَنْتٜىٰࢡٜ ࢡٜنغَلَا بَاوْطٜ بَنَ طٜ اَللَّه؞ 9عَمَّا ندٜ جٛنْتَ عٛنْ عَنْدِ اَللَّه، ندِکَّ مِوِعَ‏: اَللَّه عَنْدِ عٛنْ، کٛنِ لٛرٛتٛوطٛنْ حَا رُوحُوجِ تَمْݠُطِ مٜىٰرٜىٰجِ طِعِ؟ کَدِ عٛنْ نغِطِ عٛنْ لَاتٛ مَشُّࢡٜ مَاجِ ڢَحِنْ نَ؟ 10عٛنْ طٛنْ شَمْطِنَ ࢩَلْطٜ غٛطّٜ عٜ لٜبِّ غٛطِّ عٜ وَکَّتِيجِ غٛطِّ عٜ دُوࢡِ غٛطِّ؞ 11مِحُلِ، تَا تٛرَّ کَ تٛرِّيمِ نغَمْ مٛوطٛنْ لَاتٛ مٜىٰرٜ؞

12دٜىٰرْطَمْعٜنْ، مِطٛنْ تٛرٛ عٛنْ‏: لَاتٜ بَنَ عَمْ ندٜ نِي مِنْ بٛو مِلَاتَکٜ بَنَ مٛوطٛنْ؞ عٛنْ مبَطَايْ يَمْ عَيْبٜ سَمْ‏: 13عٛنْ طٛنْ شِڢْتٛرَ نٛ مِعَارْتِرِ وَازَاغٛ عٛنْ لِنْجِيلَ؞ سَاعِ مَاجُمْ مِ ࢩَوْطٛ؞ 14ࢩَوُ عَمْ ࢡِلَّنّٛ عٛنْ عَمَّا عٛنْ نجَوَاکِ يَمْ، عٛنْ نٜڢَايْ يَمْ سَمْ؞ عٛنْ نجَࢡِ يَمْ بَنَ مَلَاعِکَاجٛ اَللَّه، بَنَ عٛنْ نجَࢡْرَنّٛ عِيسَى اَلْمَسِيحُ؞ 15نَانٜ عٛنْ طٛنّٛ ندٜرْ حَيْرُ؞ تٛيْ طُمْ جٛنْتَ؟ غٛونغَ مِوِعَتَ عٛنْ، تٛ طُمْ وَطٛتٛنٛ، عٛنْ طٛوڢَنّٛ غِتٜ مٛنْ، عٛنْ ندٛکَّمِّ طٜ؞ 16کَدِ مِلَاتِ کٛنّٜىٰجٛ مٛنْ نغَمْ مِطٛنْ وِعَ عٛنْ غٛونغَ نَ؟

17يِمْࢡٜ وٛطْࢡٜ طٛنْ شُکْلَنٛ عٛنْ مَسِنْ، عَمَّا نَا نغَمْ حَيْرُ مٛنْ؞ ࢡٜطٛنْ طَࢡَّ سٜنْدُغٛ عٛنْ بٜى عَمْ، نغَمْ حَا عٛنْ شُکْلَنٛ ࢡٜ مَسِنْ؞ 18بٛوطُّمْ تٛ عٛنْ طٛنْ شُکْلَنٛ کٛ وٛوطِ وَکَّتِيجِ ڢُو، نَا سٜيْ تٛ مِطٛنْ وٛنْدِ بٜى مٛوطٛنْ تَنْ؞ 19عٛنٛنْ ࢡِکّٛيْ عَمْ، مِطٛنْ يَرَ بٛنٜ نغَمْ دَلِيلَ مٛوطٛنْ ڢَحِنْ، بَنَ لُووٜ ࢡٜسْنَنْطٛ، حَا تٛ جَاتِ اَلْمَسِيحُ وَنغِ لَاࢡْطُمْ ندٜرْ مٛوطٛنْ؞ 20تٜىٰمَ مِيٜلَنّٛ وٛنْدُغٛ بٜى مٛوطٛنْ جٛنْتَ، حَا مِوٛلْوَنَ عٛنْ بٜى لَاوٛلْ غٛطْنغٛلْ؞ حَالَ مٛوطٛنْ سَکْلِ يَمْ‏!

مِسَالُ حَجَرَ عٜ سَارَةُ

21مبِعٜىٰطَمْ عٛنٛنْ يِطْࢡٜ لٜىٰسْتَنْغٛ تَوْرٜىٰتَ، عٛنْ نَنَايْ کٛ کَ وِعَتَ نَ؟ 22دٜڢْتٜرٜ وِعِ‏: إِبْرَاهِيمَ وٛودِ ࢡِࢡّٜ طِطٛ، عٛو ࢡِي حَجَرَ، کٛرْطٛ، عٛيَ بٛو ࢡِي سَارَةُ، دٜبّٛ دِمٛ#لَاتَانٛوجِ 16‏:15؛ 21‏:2؞؞ 23ࢡِي کٛرْطٛ دَࢩَامَ ڢٛدّٜ طَبِيَ يِمْࢡٜ، عَمَّا ࢡِي دِمٛ دَࢩَامَ ڢٛدّٜ عِينَوٛلْ اَللَّه؞ 24ندَا کٛ سَاوِ ندٜرْ حَالَ کَعَ‏: رٜوْࢡٜ طِطٛ ࢡٜعٜ، ࢡٜ عَلْکَوَلْجِ طِطِ‏: عَلْکَوَلْ غٛوتَلْ، وَاتٛ حَجَرَ، عِوِ حَا حٛوسٜىٰرٜ سِنَ، طٛنْ دَࢩَ مَشُّࢡٜ؞ 25حَجَرَ، طُمْ حٛوسٜىٰرٜ سِنَ ندٜرْ لٜسْدِ عَرَبِيَ؞ عٛڢٛتِ بٜى عُرُسَلِيمَ، بٜرْنِوٛلْ جٛنْتَوٛلْ، جٛوطِينغٛلْ بٜى ࢡِکّٛيْ مُمْ ندٜرْ مَشُّنغَاکُ؞ 26عَمَّا عُرُسَلِيمَ نغٛلْ عَسَمَ، نغٛلْ دِمٛلْ؞ کَنغٛلْ وٛنِ دَادَ#4‏:26 دَادَ مَلَّ عِنَّ؞ مٜىٰطٜنْ؞ 27نغَمْ دٜڢْتٜرٜ وِعِ‏:

«سٜيَ، عَنْ دِمَرٛ، مٛ مَرَايْ ࢡِکّٛيْ؞

حٛولُ بٜى سٜيٛ، عَنْ مٛ مٜىٰطَايْ يَرُغٛ بٛنٜ لُووٜ؞

نغَمْ ࢡِکّٛيْ غُدِنَاطٛ ࢡُرَنْ کٛيْ مَرْطٛ غٛرْکٛ طُوطُغٛ#عٜسَايَ 54‏:1؞؞»

28دٜىٰرْطَمْعٜنْ، بَنَ إِسْحَاقَ، عٛنْ لَاتِ ࢡِࢡّٜ دَࢩَاࢡٜ ڢٛدّٜ عِينَوٛلْ اَللَّه؞ 29عَمَّا بَنَ ࢡٛويْمَ دَࢩَاطٛ ڢٛدّٜ طَبِيَ يِمْࢡٜ تٛوࢩِ دَࢩَاطٛ ڢٛدّٜ رُوحُ اَللَّه، جٛنْتَ بٛو بَنَ نٛنْ طُمْ وَعِ#لَاتَانٛوجِ 21‏:9؞؞ 30عَمَّا طُمٜ دٜڢْتٜرٜ وِعَتَ؟ «رِيوْ کٛرْطٛ بٜى ࢡِيُمْ ڢُو، نغَمْ ࢡِي کٛرْطٛ رٛندَتَا بٜى ࢡِي دِمٛ#لَاتَانٛوجِ 21‏:10؞؞» 31دٜىٰرْطَمْعٜنْ، عٜنٜنْ عٜنْ لَاتَاکِ ࢡِࢡّٜ کٛرْطٛ، عَمَّا عٜنْ ࢡِࢡّٜ دِمٛ؞

Currently Selected:

غَلَاتِيَعٜنْ 4: داَ

Highlight

Copy