غُرْتَاکِ 39
39
بَطْکِ لِمْشٜ لِمَنْعٜنْ
1ࢡٜمبَطِ لِمْشٜ نغَمْ کُوغَلْ ندٜرْ سُودُ سٜنِيندُ بٜى غَارَاجِ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ؞ ࢡٜمبَطَنِ هَـٰرُونَ لِمْشٜ شٜنِيطٜ، بَنَ جَوْمِرَاوٛ عُمْرُنٛ مُوسَى؞
2ࢡٜمبَطِ طَنْشِکِيرٜ بٜى کَنغّٜىٰرِ عٜ غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ؞ 3ࢡٜمبَطِ تَݠَّاطِ کَنغّٜىٰرِ شٜوْطِ، ࢡٜشٜىٰلِ طِ، ࢡٜشَنْࢩِ طُمْ بٜى غَارَاجِ لٜنغْ طِغُّطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ؞ تُݠِّتٛووٛ بَاوْطٛ وَطِ طُمْ؞ 4ࢡٜمبَطِ بَلْبٜ حَا طَنْشِکِيرٜ نغَمْ جٛکِّنْدِرْغٛ ندٜ؞ ندٜ جٛکِّنْدِرَ حَا سٜࢡَتّٛوجِ مَارٜ طِطِ؞ 5تَادٛرْغٛلْ غٛنْنغٛلْ دٛوْ طَنْشِکِيرٜ نغَمْ حَࢡُّغٛ ندٜ، ࢡٜمبَطِ نغٛلْ بَنَ طَنْشِکِيرٜ بٜى کَنغّٜىٰرِ عٜ غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ، طُمْ لَاتِ کُووَاطُمْ غٛوتُمْ بٜى طَنْشِکِيرٜ، بَنَ جَوْمِرَاوٛ عُمْرُنٛ مُوسَى؞
6ࢡٜمبَطِ کَاعٜ عٛنِکِسْ، ࢡٜنَسْتِنِ طٜ ندٜرْ جٛغٛرْطٜ طٜ کَنغّٜىٰرِ، ࢡٜمبِنْدِ عِنْطٜ ࢡِࢡّٜ إِسْرَاءِيلَ دٛوْ مَاجٜ بٜى کَرْڢٜىٰجٜ تَعَاطٜ بَنَ نٛ غٛطّٛ تَعِرْتَ حَاتُمّٜىٰرٜ؞ 7ࢡٜݠٜطِ طٜ دٛوْ بَلْبٜ طَنْشِکِيرٜ، طٜ لَاتٛ کَاعٜ نغَمْ سِڢْتٛرْغٛ ࢡِࢡّٜ إِسْرَاءِيلَ، بَنَ جَوْمِرَاوٛ عُمْرُنٛ مُوسَى؞
8تُݠِّتٛووٛ بَاوْطٛ وَطِ جِيبَ وِࢡّٜرٜ، بَنَ عٛوَارِ طَنْشِکِيرٜ، بٜى کَنغّٜىٰرِ عٜ غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ؞ 9کَ مَرِ بُتُّلِ نَيِ ݠٛتَنْطِ، ࢡٜ شٛوِ کَ، نجُوتِرْکَ مَاکَ حَݠَکَارٜ، نجَاجِرْکَ مَاکَ بٛو حَݠَکَارٜ، ࢡٜ شٛوِ کَ؞ 10ࢡٜتَکِّ کَاعٜ مَرْطٜ سَمَنْ دٛوْ مَاکَ، جَبِّ نَيِ؞ جَبّٛلْ عَرَنٛلْ: سَرْدِيُسْ، تُݠَسْ، عِمِرَدِ؞ 11جَبّٛلْ طِطَࢡٛلْ: حَاکٛ-حَاکٛورٜ، سَڢِرَ، يَسْݠَ؞ 12جَبّٛلْ تَتَࢡٛلْ: يَکِنْتُسْ، عَغَتٜ، عَمٜتِسْتُ؞ 13جَبّٛلْ نَيَࢡٛلْ: کِرِسٛلِتِ، حَاکٛ-حَاکٛورٜ، عٛنِکِسْ؞ طٜ نَسْتِنَاطٜ ندٜرْ جٛغٛرْطٜ طٜ کَنغّٜىٰرِ؞ 14لِمْغَلْ کَاعٜ وَطِ سَݠّٛ عٜ طِطِ بٜى عِنْطٜ ࢡِࢡّٜ إِسْرَاءِيلَ، بَنَ بِنْدِ تَعَاطِ دِغَ شٜحٛووٛ کَاعٜ بَنَ حَاتُمّٜىٰرٜ؞ حَيْرٜ ڢُو کٛو ندٜيٜىٰرٜ بٜى عِنْدٜ لٜࢩٛلْ غٛوتٛلْ؞ 15ࢡٜمبَطِ حَا جِيبَ وِࢡّٜرٜ شَلَّلُّحٛيْ کَنغّٜىٰرِ لَاࢡْندِ طِطٛيْ، مبَمَاکٛيْ بَنَ ࢡٛغِّ؞ 16ࢡٜمبَطِ جٛغٛرْطٜ طِطِ طٜ کَنغّٜىٰرِ عٜ کَلَغَاجٜ طِطِ طٜ کَنغّٜىٰرِ؞ ࢡٜݠٜطِ کَلَغَاجٜ مَنْ حَا سٜࢡَتّٛوجِ جِيبَ وِࢡّٜرٜ طِطِ؞ 17ࢡٜکَࢡِّ ࢡٛغِّ کَنغّٜىٰرِ بَمَاطِ طِطِ حَا کَلَغَاجٜ غٛنْطٜ حَا سٜࢡَتّٛوجِ جِيبَ وِࢡّٜرٜ؞ 18سٜࢡَتّٛوجِ ࢡٛغِّ غٛطِّ، ࢡٜکَࢡِّ طِ حَا جٛغٛرْطٜ غٛ؞ کَنْجٜ، ࢡٜتَکِّ طٜ دٛوْ بَلْبٜ طَنْشِکِيرٜ، وَکٜىٰرٜ يٜىٰسٛ؞ 19ࢡٜمبَطِ کَلَغَاجٜ کَنغّٜىٰرِ غٛطّٜ طِطِ، ࢡٜݠٜطِ طٜ حَا سٜࢡَتّٛوجِ جِيبَ وِࢡّٜرٜ طِطِ، حَا غَوَرْغَلْ کٜىٰدُنغَلْ طَنْشِکِيرٜ، حَا ندٜرْ مُوطُمْ؞ 20کَدِبٛو ࢡٜمبَطِ کَلَغَاجٜ کَنغّٜىٰرِ طِطِ، ࢡٜࢡِلِ طٜ حَا بَلْبٜ طَنْشِکِيرٜ، وَکٜىٰرٜ يٜىٰسٛ حَا لٜسْ، حَا جٛکِّنْدِرْکِ مَارٜ دٛوْ تَادٛرْغٛلْ طَنْشِکِيرٜ؞ 21ࢡٜنجٛکِّ جِيبَ وِࢡّٜرٜ بٜى کَلَغَاجٜ مَاکَ حَا کَلَغَاجٜ طَنْشِکِيرٜ؞ ࢡٜنجٛکِّ کَ بٜى ࢡٛغّٛلْ شَرْوِنَانغٛلْ، نغَمْ جِيبَ وِࢡّٜرٜ لَاتٛ حَا دٛوْ تَادٛرْغٛلْ طَنْشِکِيرٜ، تَا کَ سٜىٰدَ بٜى مَارٜ، بَنَ جَوْمِرَاوٛ عُمْرُنٛ مُوسَى؞
22شَنْࢩٛووٛ سَنْࢩِ عَلْکِبَّارٜ بٜى غَارَاجِ شَرْوِنَاطِ، 23وَطِ دَاندٜ حَا شَکَ مَارٜ، بَنَ دَاندٜ سُلْکٜوٛلْ؞ دَطَّارٜ تَارِ دَاندٜ مَنْ نغَمْ تَا ندٜ سٜىٰکَ؞ 24حَا غَوَرْغَلْ عَلْکِبَّارٜ ࢡٜمبَطِ ࢡِࢡّٜ رُمَّانٛوجٜ طٜ غَارَاجِ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ؞ 25ࢡٜمبَطِ لٜنغِ کَنغّٜىٰرِ لَاࢡْندِ؞ ࢡٜنجٛعِّنِ لٜنغِ حَکُّندٜ رُمَّانٛوجٜ، حَا غَوَرْغَلْ عَلْکِبَّارٜ تَارٛتٛونغَلْ ڢُو، 26لٜنغُرُ عٜ رُمَّانٛورٜ، ڢَحِنْ لٜنغُرُ عٜ رُمَّانٛورٜ، حَا غَوَرْغَلْ عَلْکِبَّارٜ تَارٛتٛونغَلْ ڢُو، نغَمْ حُووُغٛ کُوغَلْ لِمَنْکُ، بَنَ جَوْمِرَاوٛ عُمْرُنٛ مُوسَى؞
27بٜى کُوغَلْ شَنْࢩٛووٛ، ࢡٜشَنْࢩِ تٛغّٛوجٜ بٜى غَارَاجِ لٜنغْ طِغُّطِ، نغَمْ هَـٰرُونَ عٜ ࢡِکّٛيْ مُوطُمْ؞ 28ࢡٜمبَطِ بٛو مٜىٰتَلٜىٰوٛلْ بٜى غَارَاجِ لٜنغْ طِغُّطِ عٜ کُڢْنٜىٰجٜ بٜى غَارَاجِ لٜنغْ طِغُّطِ نغَمْ ڢَوْنٜ عٜ سِرْلَحٛيْ بٜى غَارَاجِ لٜنغْ طِغُّطِ بَالَاطِ 29عٜ تَادٛرْغٛلْ تُݠِّتَانغٛلْ نغٛلْ غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ، بَنَ جَوْمِرَاوٛ عُمْرُنٛ مُوسَى؞
30ࢡٜمبَطِ جَاغْنٛرْطٜ، وَاتٛ عَلَامَ شٜنِيکَ بٜى کَنغّٜىٰرِ لَاࢡْندِ بَنَ رُمَّانٛوجٜ؞ ࢡٜمبِنْدِ دٛوْ مَاجُمْ بٜى بِنْدٛلْ تَعَانغٛلْ: سٜنَامَ نغَمْ جَوْمِرَاوٛ؞ 31ࢡٜمبَطِ حَا مَاجُمْ ࢡٛغّٛلْ شَرْوِنَانغٛلْ نغَمْ حَࢡُّغٛ طُمْ حَا دٛوْ مٜىٰتَلٜىٰوٛلْ، بَنَ جَوْمِرَاوٛ عُمْرُنٛ مُوسَى؞
تِمُّکِ کُوغَلْ جٛوطٛرْدٜ سٜنَاندٜ
32بَنَ نٛنْ کُوطٜ جٛوطٛرْدٜ سٜنَاندٜ، وَاتٛ لَيْمَارُ ڢٛتِّرْدٜ ڢُو تِمِّرِ؞ إِسْرَاءِيلَعٜنْ مبَطِ کٛو طُمٜ ڢُو بَنَ جَوْمِرَاوٛ عُمْرُنٛ مُوسَى؞ 33ࢡٜنغَدِّ جٛوطٛرْدٜ سٜنَاندٜ حَا مُوسَى: لَيْمَارُ عٜ کُوجٜ مَارُ ڢُو عٜ جٛکِّنِرْطٜ مَارُ عٜ کَاتَاکٛوجٜ مَارُ عٜ غَاڢٛتٛوطٜ مَارُ عٜ دَنغْرَنغٜ مَارُ بٜى کٛسْطٜ مَاجٜ 34عٜ سُدَّارٜ ندٜ لَرٜ جَوْطِ بَالِ بٛوجِنَاطٜ عٜ سُدَّارٜ ندٜ لَرٜ لِطِّ مَوْطِ عٜ وِيرْندَلّٛ 35عٜ سُنْدُکْرُ سٜىٰدَمْکُ عٜ شَبِّ مَارُ عٜ جٛوطٛرْدٜ نغَمْ کٜڢٜرْغَلْ 36عٜ تَابَلْ عٜ کُوجٜ مَاغَلْ ڢُو عٜ تَمْسٜىٰجٜ جٛعِّنْتٜىٰطٜ 37عٜ جٛعِّنِرْطُمْ ݠِتِّرْلَاجِ لَاࢡْطُمْ عٜ ݠِتِّرْلَاجِ مَاجُمْ تٛکّٛتِرْطِ عٜ کُوجٜ مَاجُمْ ڢُو عٜ نٜبَّمْ نغَمْ جَيْنُکِ ݠِتِّرْلَ 38عٜ غُلْدُطُمْ عُورْلٜ طُمْ کَنغّٜىٰرِ عٜ نٜبَّمْ شٜنِرْطَمْ عٜ عُورٜتٜىٰطُمْ عٜ وِيرْندَلّٛ نغَمْ دَمُّغَلْ لَيْمَارُ 39عٜ حِرْسِرْدٜ ندٜ نجَمْندِ مبٛطٜىٰرِ عٜ کُووَاطُمْ بٜى غَاڢِيطٜ طٜ جَمْطٜ بٛطٜىٰجٜ عٜ شَبِّ مَارٜ عٜ کُوجٜ مَارٜ ڢُو عٜ دَارٛ عٜ جٛعِّنِرْطُمْ مَاغٛ 40عٜ وِيرْندَلّٛوجِ دَلْدَلْ عٜ دَنغْرَنغٜ مَاغَلْ عٜ کٛسْطٜ مَاغَلْ عٜ وِيرْندَلّٛ حَا نَسْتِرْدٜ مَاغَلْ عٜ ࢡٛغِّ مَاغَلْ عٜ تِغِّرْطٜ مَاغَلْ عٜ کُوجٜ ڢُو نغَمْ کُوغَلْ ندٜرْ جٛوطٛرْدٜ سٜنَاندٜ، وَاتٛ نغَمْ لَيْمَارُ ڢٛتِّرْدٜ 41عٜ لِمْشٜ دٜوَلْ نغَمْ کُوغَلْ ندٜرْ سُودُ سٜنِيندُ، وَاتٛ لِمْشٜ شٜنِيطٜ نغَمْ هَـٰرُونَ، لِمَنْجٛ عٜ لِمْشٜ ࢡِکّٛيْ مُوطُمْ نغَمْ حُووُغٛ کُوغَلْ لِمَنْکُ؞ 42إِسْرَاءِيلَعٜنْ مبَطِ کٛو طُمٜ ڢُو بَنَ جَوْمِرَاوٛ عُمْرُنٛ مُوسَى؞ 43مُوسَى لَارِ کُوجٜ ڢُو؞ ندَا، ࢡٜمبَطِ طٜ بَنَ جَوْمِرَاوٛ عُمْرُنٛ مٛ؞ ندٜنْ مُوسَى بَرْکِطِنِ ࢡٜ؞
Currently Selected:
غُرْتَاکِ 39: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
