تٛوکْتَاکِ تَوْرٜىٰتَ 6

عُمْرٛورٜ مَوْندٜ

1«ندَا عُمْرٛوجٜ عٜ ڢَرِلَّاجِ عٜ کِيتَاجِ ڢُو طُمْ جَوْمِرَاوٛ، اَللَّه مٛوطٛنْ عُمْرِ يَمْ عٜکِّتِنْغٛ عٛنْ؞ طٛوْتَنٜ طُمْ ندٜرْ لٜسْدِ ندِ عٛنْ ࢡَدَکٜ نَسْتُغٛ نغَمْ مَرٛنْ طُمْ؞ 2کُلٜ جَوْمِرَاوٛ، اَللَّه مٛوطٛنْ بَلْطٜ مٛنْ ڢُو، عٛنٛنْ عٜ دَࢩْغٛلْ مٛنْ، کَکِّلَنٜ ڢَرِلَّاجِ مَاکٛ ڢُو عٜ عُمْرٛوجٜ مَاکٛ ڢُو طُمْ عُمْرَنْمِ عٛنْ، نغَمْ حَا بَلْطٜ مٛنْ نجُوتَ تٛنْ؞ 3نَنٜ طُمْ، عٛنٛنْ إِسْرَاءِيلَعٜنْ، کَکِّلَنٜ طُمْ؞ ندٜنْ کَمْ عٛنْ کٜࢡَنْ حَيْرُ، عٛنْ طُوطَنْ مَسِنْ ندٜرْ لٜسْدِ کٜىٰوْندِ کٛسَمْ عٜ نجُمْرِ، بَنَ جَوْمِرَاوٛ، اَللَّه کَاکِرَاࢡٜ مٛوطٛنْ وِعِ عٛنْ؞

4«نَنْ، عُمَّاتٛورٜ إِسْرَاءِيلَ، جَوْمِرَاوٛ اَللَّه مٜىٰطٜنْ وٛنِ جَوْمِرَاوٛ ڢٜىٰرٜ مُوطُمْ#مَرْکُسْ 12‏:29؞؞ 5يِطْ جَوْمِرَاوٛ، اَللَّه مَاطَ بٜى ࢡٜرْندٜ مَ ڢُو، بٜى يٛنغْکِ مَ ڢُو عٜ بٜى سٜمْبٜ مَ ڢُو#مَتَّ 22‏:37؛ مَرْکُسْ 12‏:30؛ لُکَ 10‏:27؞؞ 6بٛلّٜ طٜعٜ طٜ عُمْرَنْمَامِ حَنْدٜ، جَࢡْ طٜ ندٜرْ ࢡٜرْندٜ مَ؞ 7عٜکِّتِنْ طٜ ࢡِکّٛيْ مَ، وٛلْوُ طٜ کٛو عَطٛنْ جٛوطِ حَا سَارٜ مَ، کٛو عَطٛنْ يَحَ دٛوْ لَاوٛلْ، کٛو عَطٛنْ وَالٛ، کٛو عَطٛنْ عُمّٛ؞ 8حَࢡُّ طٜ بَنَ عَلَامَ حَا جُنغٛ مَ، طٜ لَاتٛ بَنَ مَانْدٛرْدٜ حَا تِيندٜ مَ؞ 9وِنْدُ طٜ دٛوْ لٜطّٜ دَرْدُطٜ حَا دَمُّطٜ شُوطِ مٛنْ عٜ دٛوْ ݠَرٜىٰجٜ بٜرْنِوٛلْ مٛوطٛنْ#تٛوکْتَاکِ تَوْرٜىٰتَ 11‏:18‏-20؞؞»

تٛکَّاغٛ جَوْمِرَاوٛ بٜى غٛونغَ

10سَاعِ جَوْمِرَاوٛ، اَللَّه مٛوطٛنْ نَسْتِنْتَ عٛنْ حَا لٜسْدِ ندِ عٛحُنَنِ کَاکِرَاࢡٜ مٛنْ إِبْرَاهِيمَ عٜ إِسْحَاقَ عٜ يَعْقُوبُ عٛحٛکَّنْ عٛنْ طُمْ، عٛنْ تَوَنْ تٛنْ بٜرْنِيجِ مَوْطِ بٛوطِّ طِ عٛنْ ࢩِࢡَايْ#لَاتَانٛوجِ 12‏:7؛ 26‏:3؛ 28‏:13؞ 11عٜ شُوطِ مَاجِ کٜىٰوِ کُوجٜ بٛوطّٜ طٜ عٛنْ نَسْتِنَايْ تٛنْ عٜ ࢡُلِّ طِ عٛنْ نغَسَايْ عٜ غٜسٜ عِنَبٛوجٜ عٜ جَيْتُنْجٜ طٜ عٛنْ نجُبَاکِ، عٛنْ ࢩَامَنْ حَا عٛنْ کَارَ، 12ندٜنْ کَمْ، ندٜىٰنْتٜ‏! تَا عٛنْ نغٜجِّتَ جَوْمِرَاوٛ مٛ وُرْتِنِ عٛنْ نجٜيَانغُ ندٜرْ لٜسْدِ مِصْرَ؞ 13کُلٜ جَوْمِرَاوٛ، اَللَّه مٛوطٛنْ‏! نجَغَّنٜ مٛ، کُنٛرٜ بٜى عِنْدٜ مَاکٛ تَنْ#مَتَّ 4‏:10؛ لُکَ 4‏:8؞‏! 14تَا تٛکّٜ لَبِّ غٛطِّ، طِ عُمَّاتٛوجٜ تَارٛتٛوطٜ عٛنْ ندٜوَتَ؞ 15نغَمْ جَوْمِرَاوٛ، اَللَّه مٛوطٛنْ غٛنْطٛ شَکَ مٛوطٛنْ، عٛ اَللَّه مٛ يِطَا عٛنْ تٛکّٛ طٛوَنْتٜىٰطٛ ڢٜىٰرٜ سَمْ#6‏:15 لَارْ 4‏:24؞ کَکِّلٜ نغَمْ تَا عٛنْ تِکِّنَ مٛ، ندٜنْ عٛنَتِّنَ عٛنْ ڢُو دِغَ لٜسْدِ؞

16تَا ݠٛونْدٜ جَوْمِرَاوٛ، اَللَّه مٛوطٛنْ، بَنَ عٛنْ ݠٛونْدِرِنٛ مٛ حَا مَسَّ#غُرْتَاکِ 17‏:1‏-7؛ مَتَّ 4‏:7؛ لُکَ 4‏:12؞؞ 17کَکِّلَنٜ عُمْرٛوجٜ جَوْمِرَاوٛ، اَللَّه مٛوطٛنْ عٜ سٜىٰدَمْکُوجِ مَاکٛ عٜ ڢَرِلَّاجِ مَاکٛ طُمْ عٛعُمْرِ عٛنْ؞ 18مبَطٜ کٛ وٛوطِ، کٛ ڢٛتَّنِ جَوْمِرَاوٛ؞ ندٜنْ کَمْ عٛنْ کٜࢡَنْ حَيْرُ، عٛنْ مَرَنْ لٜسْدِ مبٛوندِ ندِ عٛحُنَنِ کَاکِرَاࢡٜ مٛوطٛنْ عٛحٛکَّنْ عٛنْ طُمْ، 19عٛنْ ندِيوَنْ کٛنّٜعٜنْ مٛنْ يٜىٰسٛ مٛوطٛنْ ڢُو، بَنَ جَوْمِرَاوٛ وِعِ عٛنْ؞

20«ندٜرْ ࢩَلْطٜ غَرَنْطٜ، ࢡِکّٛيْ مٛوطٛنْ ࢨَمَنْ عٛنْ‏: نغَمْ طُمٜ جَوْمِرَاوٛ، اَللَّه مٜىٰطٜنْ عُمْرِ عٛنْ سٜىٰدَمْکُوجِ عٜ ڢَرِلَّاجِ عٜ کِيتَاجِ طِعِ ڢُو؟ 21ندٜنْ نجَابٜ کٛيْ‏: مِنْ لَاتِنٛ مَشُّࢡٜ ڢِرْعَوْنَ حَا لٜسْدِ مِصْرَ، عَمَّا جَوْمِرَاوٛ وُرْتِنِ مِنْ لٜسْدِ مِصْرَ بٜى جُنغٛ مُمْ سٜمْبِطْنغٛ؞ 22مِنْ نغِعِ نٛ جَوْمِرَاوٛ وَارِ عَلَامَاجِ عٜ کَايٜىٰڢِيجِ مَوْطِ نَاوْطِ حَا مِصْرَ، دٛوْ ڢِرْعَوْنَ عٜ سَارٜ مُمْ ڢُو؞ 23عٛوُرْتِنِ مِنْ مِصْرَ حَا عٛوَدَّ مِنْ حَا طٛ، عٛحٛکَّ مِنْ لٜسْدِ ندِعِ، بَنَ عٛحُنَنِ کَاکِرَاࢡٜ مٜىٰطٜنْ؞ 24جَوْمِرَاوٛ، اَللَّه مٜىٰطٜنْ عُمْرِ عٜنْ عٜنْ طٛوْتَنٛ ڢَرِلَّاجِ طِعِ ڢُو، نغَمْ عٜنْ کُلَ جَوْمِرَاوٛ، اَللَّه مٜىٰطٜنْ؞ ندٜنْ کَمْ عٛحٛکَّنْ عٜنْ حَيْرُ ࢩَلْطٜ مٜنْ ڢُو، عٛعَيْنَنْ نغٜىٰندَمْ مٜىٰطٜنْ، بَنَ نٛ نغٛنْطٜنْ حَنْدٜ؞ 25عٜنْ لَاتٛتٛ عَدِلِعٜنْ يٜىٰسٛ جَوْمِرَاوٛ، اَللَّه مٜىٰطٜنْ، تٛ عٜنْ کَکِّلَنِ عُمْرٛوجٜ مَاکٛ، تٛ عٜنْ طٛوْتَنَکٜ طٜ بَنَ نٛ عٛعُمْرِ عٜنْ؞»

Currently Selected:

تٛوکْتَاکِ تَوْرٜىٰتَ 6: داَ

Highlight

Copy