تٛوکْتَاکِ تَوْرٜىٰتَ 3

إِسْرَاءِيلَعٜنْ نجَالِ لَامِيطٛ عٛوکْ

(لِمْلٜ 21‏:31‏-35)

1«ࢡَاوٛ مَنْ عٜنْ شٜلِ عٜنْ نجٜحِ غَلْ لَاوٛلْ بَاسَنْ؞ عٛوکْ لَامِيطٛ بَاسَنْ وُرْتِ بٜى عُمَّاتٛورٜ مُوطُمْ ڢُو نغَمْ حَࢡُغٛ بٜى مٜىٰطٜنْ حَا عٜدِرٜيْ؞ 2عَمَّا جَوْمِرَاوٛ وِعِ يَمْ‏: تَا حُلْ مٛ‏! نغَمْ مِحٛکِّ مَ مٛ، کَنغْکٛ عٜ عُمَّاتٛورٜ مَاکٛ عٜ لٜسْدِ مَاکٛ ڢُو؞ وَطْ مٛ بَنَ مبَطَّ سِحٛنْ، لَامِيطٛ عَمٛورِعٜنْ حَا حٜسْبٛنْ؞

3«جَوْمِرَاوٛ، اَللَّه مٜىٰطٜنْ حٛکِّ عٜنْ بٛو جَالٛرْغَلْ دٛوْ عٛوکْ، لَامِيطٛ بَاسَنْ عٜ عُمَّاتٛورٜ مُوطُمْ ڢُو؞ عٜنْ مبَرْدِ ࢡٜ، وَلَا کٛو غٛوتٛ دَطِ؞ 4عٜنْ ࢩَامِ بٜرْنِيجِ مَاکٛ ڢُو، سَاعِ مَنْ وَلَا بٜرْنِوٛلْ نغٛلْ عٜنْ ࢩَامَايْ؞ عٜنْ ࢩَامِ بٜرْنِيجِ لٜسْدِ عَرْغٛبَ شَݠَّنْطٜ جٛوٜىٰغٛ ندٜرْ لَامُ عٛوکْ حَا لٜسْدِ بَاسَنْ ڢُو؞ 5بٜرْنِيجِ طِعِ ڢُو طِ طٛنْ تَارِ بٜى مَحِ تٛوْطِ عٜ شٜمْبِطِّ، دَمُّطٜ مَاجِ طٛنْ بٜى ݠَرٜىٰجٜ طِطِ بٜى جَمْطٜ ݠَلْدُطٜ؞ وٛودِنٛ بٛو غُرٜ طُوطّٜ طٜ نغَلَا مَحِ؞ 6عٜنْ کَلْکِ بٜرْنِيجِ مَنْ ڢُو، عٜنْ نَتِّنِ جٛوطِيࢡٜ تٛنْ، وٛرْࢡٜ عٜ رٜوْࢡٜ عٜ ࢡِکّٛيْ ڢُو، بَنَ مبَطّٜنْ بٜرْنِيجِ سِحٛنْ، لَامِيطٛ حٜسْبٛنْ؞ 7عٜنْ کٛوشِ دَبَّاجِ عٜ کُوجٜ غٛنْطٜ ندٜرْ بٜرْنِيجِ مَنْ؞

8«سَاعِ مَنْ عٜنْ ࢩَامِ لٜسْدِ لَامِيࢡٜ عَمٛورِعٜنْ طِطٛ غَطَ مَايٛ عُرْدُنْ، دِغَ مَايٛ عَرْنٛنْ حَا يٛتِّ حٛوسٜىٰرٜ حٜرْمٛونْ؞ 9سِدٛنِعٜنْ طٛنْ عٜوْنٛ حٛوسٜىٰرٜ مَنْ سِرْيٛنْ، عَمٛورِعٜنْ بٛو طٛنْ عٜوْنٛ ندٜ سٜنِيرَ؞ 10عٜنْ ࢩَامِ مَرَلْ عٛوکْ، لَامِيطٛ بَاسَنْ ڢُو، بٜرْنِيجِ ندٜرْ لٜسْدِ لٜىٰسْندِ عٜ غِلٜعَتْ عٜ بَاسَنْ، حَا يٛتِّ بٜرْنِيجِ سَلْکَ عٜ عٜدِرٜيْ؞»

11سٜيْ عٛوکْ، لَامِيطٛ بَاسَنْ ڢٜىٰرٜ مُوطُمْ لُتُّنٛ بٜى يٛنغْکِ ندٜرْ رٜڢَعٜنْ؞ ندَا کٜسْ عُوِرْدٜ مَاکٛ، طُمْ کٜسْ حَيْرٜ ࢡَلٜىٰرٜ سَاتُندٜ#3‏:11 ندَا کٜسْ عُوِرْدٜ مَاکٛ طُمْ کٜسْ حَيْرٜ ࢡَلٜىٰرٜ سَاتُندٜ مَلَّ بٛو ندَا لٜىٰسٛ مَاکٛ، طُمْ لٜىٰسٛ نجَمْندِ؞، طُمْ طٛنْ دَرِ حَا رَبَّ، بٜرْنِوٛلْ عَمّٛونِعٜنْ‏! نجُوتِرْکَ مَنْ، مٜىٰتِرْ نَيِ بٜى رٜىٰتَ، نجَاجِرْکَ مَنْ بٛو، مٜىٰتِرْ طِطِ؞

لٜعِ جٛوطِيطِ حَا ڢُونَانغٜ عُرْدُنْ

(لِمْلٜ 32‏:1‏-42)

12لٜسْدِ ندِ عٜنْ ࢩَامِ سَاعِ مَنْ، دِغَ بٜرْنِوٛلْ عَرٛعٜرْ بَنغٜ مَايٛ عَرْنٛنْ عٜ رٜىٰتَ لٜسْدِ کٛوسٜىٰجٜ غِلٜعَتْ عٜ بٜرْنِيجِ غٛنْطِ تٛنْ، مِحٛکِّ ندِ لٜعِ رُبٜنْ عٜ غَدَ؞ 13لُتُّطُمْ غِلٜعَتْ عٜ بَاسَنْ ڢُو، وَاتٛ مَرَلْ لَامُ عٛوکْ، مِحٛکِّ طُمْ رٜىٰتَ لٜࢩٛلْ مَنَسَّ؞ لٜسْدِ عَرْغٛبَ عٜ بَاسَنْ ڢُو ࢡٜعٜوْنِ طُمْ لٜسْدِ رٜڢَعٜنْ؞ 14يَعِرْ ࢡِي مَنَسَّ، حٛوعِ تَيْرٜ لٜسْدِ عَرْغٛبَ ڢُو، حَا يٛتِّ کٜىٰرٛلْ غٜسُرِعٜنْ عٜ مَکَتِعٜنْ؞ عٛعِنْدِ غُرٜ تٛنْ بٜى عِنْدٜ مَاکٛ؞ طٜ عِنْدَامَ غُرٜ-يَعِرْ حَا وَرْغٛ حَنْدٜ؞

15«دَࢩْغٛلْ مَکِرْ ندٜرْ لٜࢩٛلْ مَنَسَّ، مِحٛکِّ نغٛلْ غِلٜعَتْ؞ 16لٜعِ رُبٜنْ عٜ غَدَ بٛو، مِحٛکِّ طِ لٜسْدِ نغٛنْدِ حَکُّندٜ لٜسْدِ غِلٜعَتْ عٜ عَرْنٛنْ؞ مَايٛ عَرْنٛنْ وٛنِ کٜىٰرٛلْ مَاجِ ڢٛمبِنَاوٛلْ عٜ مَايٛ يَبّٛکْ بٛو وٛنِ کٜىٰرٛلْ مَاجِ بٜى عَمّٛونِعٜنْ؞ 17غَلْ حِيرْنَانغٜ، مَايٛ عُرْدُنْ وٛنِ کٜىٰرٛلْ مَاجِ، دِغَ وٜىٰندُ کِنَّرٛتْ حَا يٛتِّ مَايٛ عَرَبَ، وَاتٛ وٜىٰندُ مَنْدَ، حَا لٜسْ حٛوسٜىٰرٜ ݠِسِغَ حَا ڢُونَانغٜ؞

18«سَاعِ مَنْ مِعُمْرِ عٛنْ، مِوِعِ‏: جَوْمِرَاوٛ، اَللَّه مٛوطٛنْ حٛکِّ عٛنْ لٜسْدِ ندِعِ نغَمْ کٛوشٛنْ، مَرٛنْ ندِ؞ وٛرْࢡٜ مٛوطٛنْ سٜمْبِطْࢡٜ ڢُو تَاسْکَنٛ کٛنُ، عٛنْ عَرْدٛتٛ دٜىٰرْطِرَاࢡٜ مٛوطٛنْ إِسْرَاءِيلَعٜنْ ڢُو؞ 19سٜيْ رٜوْࢡٜ مٛوطٛنْ عٜ ࢡِکّٛيْ مٛوطٛنْ عٜ دَبَّاجِ مٛوطٛنْ تَنْ لُتَّ ࢡَاوٛ ندٜرْ غُرٜ طٜ ندٛکُّمِ عٛنْ؞ مِعَنْدِ عٛنْ مَرِ تٛکّٜ طُوطّٜ؞ 20مبَلّٜ بَنْدِرَاࢡٜ مٛنْ إِسْرَاءِيلَعٜنْ، سٜيْ تٛ جَوْمِرَاوٛ مَرْنِ ࢡٜ لٜسْدِ حَا غَطَ عُرْدُنْ، سِوْتِنِ ࢡٜ تٛنْ، بَنَ عٛوَارَنِ عٛنْ؞ ندٜنْ کٛو مٛيْ مٛوطٛنْ لٛرٛتٛ حَا مَرَلْ مُوطُمْ نغَلْ نغٜطْمِ عٛنْ#يٛسُوَ 1‏:12‏-15؞؞

21«سَاعِ مَنْ مِعُمْرِ يٛسُوَ، مِوِعِمٛ‏: عَيِعِ بٜى غِتٜ مَ کٛ جَوْمِرَاوٛ، اَللَّه مٛوطٛنْ وَطِ لَامِيࢡٜ طِطٛ ࢡٜعٜ؞ بَنَ نٛنْ جَوْمِرَاوٛ وَارَتَ لَامُوجِ طِ عَسَالَتَ ڢُو؞ 22تَا کُلٜ طِ، نغَمْ جَوْمِرَاوٛ، اَللَّه مٛوطٛنْ حَࢡَنْ نغَمْ مٛوطٛنْ؞»

مُوسَى حٜࢡَايْ دُنغَيٜىٰرٜ نَسْتُغٛ کَنَانَ

23«ندٜنْ تٛرِيمِ جَوْمِرَاوٛ، مِوِعِ‏: 24يَا جَوْمِرَاوٛ اَللَّه، عَڢُطِّ حٛلُّغٛ يَمْ مِنْ جَغِّيطٛ مَ مَنغُ مَ عٜ جُنغٛ سٜمْبِطْنغٛ؞ طٛوَنْتٜىٰطٛ مٛيْ حَا عَسَمَ مَلَّ ندٜرْ دُنِيَارُ وَاوَنْ وَطُغٛ عِرِنْ کُوطٜ مَوْطٜ طٜ کُووْطَ؟ 25عَشُّ مِعٜىٰرٛ مَايٛ عُرْدُنْ، مِيِعَ لٜسْدِ مبٛوندِ غَطَ مَايٛ عٜ لٜسْدِ کٛوسٜىٰجٜ بٛوطّٜ عٜ کٛوسٜىٰجٜ لِبَنٛنْ؞

26«عَمَّا جَوْمِرَاوٛ تِکَّنِ يَمْ دَلِيلَ مٛوطٛنْ، عٛجَࢡَايْ تٛرْندٜ عَمْ؞ عٛوِعِ يَمْ‏: حٜعِ نغَمْ مَ‏! تَا مٜىٰتُ وٛلْوَنْغٛ يَمْ حَالَ کَعَ‏! 27وَعَّ دٛوْ يٜىٰرٜىٰرٜ حٛوسٜىٰرٜ ݠِسِغَ، لَارْ غَلْ وٛيْلَ عٜ ڢٛمْبِنَ عٜ ڢُونَانغٜ عٜ حِيرْنَانغٜ؞ لَارْ بٛوطُّمْ، نغَمْ عَمٜىٰطَتَا عٜىٰرَاغٛ مَايٛ عُرْدُنْ نغٛعٛ#لِمْلٜ 27‏:12‏-14؛ تٛوکْتَاکِ تَوْرٜىٰتَ 32‏:48‏-52؞؞ 28عُمْرُ يٛسُوَ کُوجٜ ڢُو؞ تِطِّنْ ࢡٜرْندٜ مَاکٛ، سٜمْبِطِنْ مٛ، نغَمْ کَنغْکٛ عَرْدٛتٛ عُمَّاتٛورٜ عٜىٰرَاغٛ مَايٛ؞ عٛسٜنْدَنَنْ يِمْࢡٜ لٜسْدِ ندِ نغِعَتَ، ࢡٜمَرَ ندِ؞

29«نغَمْ مَنْ عٜنْ ݠَࢡِّ ندٜرْ وَادِوٛلْ حَا نٛکُّورٜ تِيتٛتِرْندٜ بٜى بَيْتِ-ݠٜعٛرْ؞»

Currently Selected:

تٛوکْتَاکِ تَوْرٜىٰتَ 3: داَ

Highlight

Copy