تٛوکْتَاکِ تَوْرٜىٰتَ 14

بٛجِّ نغَمْ مَايْطٛ

1«عٛنٛنْ عٛنْ ࢡِکّٛيْ جَوْمِرَاوٛ، اَللَّه مٛوطٛنْ؞ تٛ عٛنْ طٛنْ مبٛيَ مَايْطٛ، تَا ࢨَرٜ ࢡَلِّ مٛنْ، تَا لَࢡٜ غَاسَ تِيطٜ مٛوطٛنْ بٛو#ڢَرِلَّاجِ لٜوِعٜنْ 19‏:28؛ 21‏:5؞؞ 2نغَمْ عٛنٛنْ، عٛنْ عُمَّاتٛورٜ سٜنَاندٜ نغَمْ جَوْمِرَاوٛ، اَللَّه مٛوطٛنْ؞ جَوْمِرَاوٛ سُࢡِ عٛنْ ندٜرْ عُمَّاتٛوجٜ دُنِيَارُ ڢُو نغَمْ عٛنْ لَاتٛ عُمَّاتٛورٜ مَاکٛ يِطَاندٜ#غُرْتَاکِ 19‏:5‏-6؛ تٛوکْتَاکِ تَوْرٜىٰتَ 4‏:20؛ 7‏:6؛ 26‏:18؛ تِتُسْ 2‏:14؛ 1 ݠِيٜرْ 2‏:9؞؞»

دَبَّاجِ دَغِيطِ عٜ دَبَّاجِ کَرْمِنَاطِ

(ڢَرِلَّاجِ لٜوِعٜنْ 11‏:1‏-47)

3«تَا ࢩَامٜ کٛ حَرْمِ ڢُو؞ 4ندَا دَبَّاجِ طِ ࢩَامٛتٛنْ‏: نَعِ، بَالِ، بٜعِ، 5حَمْڢُرْدٜ، لٜلْجِ، بَالِ لَدّٜ، بٜعِ کٛوسٜىٰجٜ، بَنِ، جَبَاجٜ عٜ کٛوبَ، 6دَبَّاجِ مَرْطِ کٛلٛنغِ شٜىٰکَاطِ، لٛرْنَنْطِ وَاشٜرٜ بٛو؞ 7عَمَّا تَا ࢩَامٜ دَبَّاجِ مَرْطِ کٛلٛنغِ شٜىٰکَاطِ تَنْ مَلَّ لٛرْنَنْطِ وَاشٜرٜ تَنْ؞ بَنَ غٜىٰلٛوطِ عٜ بٛجِ عٜ جَمَ-غُدّٜ؞ طِ کَرْمِ نغَمْ مٛوطٛنْ، نغَمْ طِ لٛرْنَنْ وَاشٜرٜ#14‏:7 لَارْ ݠَامْتِنْکِ لٜسْ ڢَرِلَّاجِ لٜوِعٜنْ 11‏:4‏-6؞، عَمَّا طِ نغَلَا کٛلٛنغِ شٜىٰکَاطِ؞ 8تَا ࢩَامٜ غَدُوجِ؞ طِ کَرْمِ نغَمْ مٛوطٛنْ، نغَمْ طِ مَرِ کٛلٛنغِ شٜىٰکَاطِ، عَمَّا طِ لٛرْنَتَا وَاشٜرٜ؞ تَا ࢩَامٜ دَبَّاجِ طِعِ، تَا مٜىٰمٜ ࢩَوْمَنْطٜ مَاجِ بٛو؞

9«ندَا کٛ ࢩَامٛتٛنْ شَکَ کُوجٜ غٛنْطٜ ندٜرْ ندِيَمْ ڢُو‏: کٛ مَرِ دٛنغٛلْ عٜ کٛ مَرِ کٛࢡٜ ڢُو؞ 10عَمَّا کُوجٜ ندِيَمْ غٛطّٜ ڢُو طٜ نغَلَا دٛنغٛلْ مَلَّ کٛࢡٜ، طٜ ࢩَامَتَاکٜ؞ طٜ کَرْمِ نغَمْ مٛوطٛنْ؞

11«عٛنْ ࢩَامَ شٛلِّ دَغِيطِ ڢُو؞ 12عَمَّا ندَا شٛلِّ طِ کَانَايْ عٛنْ ࢩَامَ‏: 13دُتَلْ عٜ کٛ نَنْدِ بٜى مَاغَلْ ڢُو، 14شِيلَلْ، مَاڢِيرٜ، جِغَاوَلْ مَنغَلْ عٜ ݠَمَرَلْ، 15لٜىٰکُوَلْ عٜ کٛ نَنْدِ بٜى مَاغَلْ ڢُو، 16ندَوُ، سٛنْدُ مبٜىٰلَ رَنٜىٰرُ، نغَاسِيٛووَلْ، 17دُوجِيرٜ، شٛوطُوَلْ، لَمْنجَتَلْ، نَنغٛوَلْ لِطِّ، 18نجٛوڢٜ-بٜعِيرُ نٛنْ بٛو وِلْوِلْدُ؞ 19تَا ࢩَامٜ کٛووٛووٜ مَرْطٜ بِلٜىٰجِ کٛو کٛيٜ، نغَمْ طٜ کَرْمِنَاطٜ؞ 20عَمَّا عٛنْ ࢩَامَ شٛلِّ دَغِيطِ ڢُو؞

21«تَا ࢩَامٜ شَاطْنغُ؞ ندٛکّٜ طُمْ جَنَنْࢡٜ وٛنْدُࢡٜ بٜى مٛوطٛنْ، ࢡٜࢩَامَ طُمْ مَلَّ شٛورّٜ طُمْ جَنَنْࢡٜ ڢٜىٰرٜ؞ عَمَّا عٛنٛنْ عٛنْ عُمَّاتٛورٜ سٜنَاندٜ نغَمْ جَوْمِرَاوٛ، اَللَّه مٛوطٛنْ؞

«تَا ندٜڢٜ جَوْغٜلْ ندٜرْ کٛسَمْ دَادَ مَاغٜلْ#غُرْتَاکِ 23‏:19؛ 34‏:26؞؞»

عُمْرٛورٜ دٛوْ زَکَّ

22عِتّٜ زَکَّ، يٜࢡْرٜ وٛورٜ ندٜرْ سَݠّٛ حَا ࢨَامْلٜ غٜسٜ مٛنْ حِتَاندٜ ڢُو؞ 23ندٜنْ نجٜحٜ حَا نٛکُّورٜ ندٜ جَوْمِرَاوٛ، اَللَّه مٛوطٛنْ سُࢡَتَ نغَمْ عِنْدٜ مُوطُمْ وٛنَ تٛنْ؞ ࢩَامٜ يٜىٰسٛ جَوْمِرَاوٛ تٛنْ زَکَّ عَلْکَمَارِ مٛنْ عٜ عِنَبٛوجَمْ مٛنْ عٜ نٜبَّمْ مٛنْ عٜ عَڢِ دَبَّاجِ مٛنْ مَوْطِ عٜ عَڢِ دَمّٛوجِ مٛوطٛنْ؞ بَنَ نِي عٛنْ عٜکِّتٛرْتٛ حُلُغٛ جَوْمِرَاوٛ، اَللَّه مٛنْ ڢٛرٛيْ؞ 24تٛ عٛنْ مبَاوَايْ يَحْرُغٛ زَکَّ کُوجٜ طٜ جَوْمِرَاوٛ بَرْکِطِنِ عٛنْ بٜى مُوطُمْعٜنْ، نغَمْ دَايَارٜ لَاوٛلْ بٜى نٛکُّورٜ ندٜ اَللَّه سُࢡِ نغَمْ عِنْدٜ مُوطُمْ وٛنَ تٛنْ، 25ندٜنْ کَمْ شٛورّٜ کُوجٜ مَنْ، کٛوعٜ شٜىٰدٜ شٛغُّ مَنْ، نجَحْدٜ بٜى مَنْ حَا سُودُ جَوْمِرَاوٛ مٛوطٛنْ؞ 26شٛودٜ بٜى شٜىٰدٜ مَنْ کٛ ࢡٜرْطٜ مٛنْ نغِطِ ڢُو، دَبَّاجِ مَوْطِ عٜ دَمّٛوجِ عٜ عِنَبٛوجَمْ عٜ نغُيْکِنٛوجَمْ؞ ندٜنْ ࢩَامٜ تٛنْ، شٜيٜ يٜىٰسٛ جَوْمِرَاوٛ، اَللَّه مٛوطٛنْ، عٛنٛنْ عٜ يِمْࢡٜ شِعٜ#14‏:26 شِعٜ مَلَّ شَلَاجٜ؞ مٛنْ؞ 27عَمَّا تَا طَوٜ#14‏:27 تَا طَوٜ مَلَّ بٛو تَا نغٜجِّتٜ؞ لٜوِعٜنْ وٛنْࢡٜ ندٜرْ بٜرْنِيجِ مٛنْ، نغَمْ ࢡٜمَرَايْ لٜسْدِ شَکَ مٛوطٛنْ؞

28حَا تِمّٛودٜ حِتَاندٜ تَتَࢡْرٜ، نغَدّٜ زَکَّ کُوجٜ ڢُو طٜ کٜࢡٛتٛنْ حِتَاندٜ مَنْ، مٛوࢡْتٜ طُمْ ندٜرْ بٜرْنِيجِ مٛنْ؞ 29لٜوِعٜنْ نغَرَنْ کٛوشَ غٜطَلْ مُوطُمْعٜنْ، نغَمْ ࢡٜمَرَتَا غٜسٜ شَکَ مٛوطٛنْ؞ لُتُّطُمْ بٛو طُمْ لَاتَنٛ حٛطْࢡٜ عٜ عَتِيمٜعٜنْ عٜ رٜوْࢡٜ يُرُمْࢡٜ وٛنْࢡٜ ندٜرْ بٜرْنِيجِ مٛنْ؞ ࢡٜ ڢُو ࢡٜکٜࢡَ، ࢡٜࢩَامَ، ࢡٜکَارَ، نغَمْ حَا جَوْمِرَاوٛ، اَللَّه مٛوطٛنْ بَرْکِطِنَ کُوغَلْ جُوطٜ مٛوطٛنْ ڢُو#ڢَرِلَّاجِ لٜوِعٜنْ 27‏:30‏-33؛ لِمْلٜ 18‏:21؞؞

Currently Selected:

تٛوکْتَاکِ تَوْرٜىٰتَ 14: داَ

Highlight

Copy