تٛوکْتَاکِ تَوْرٜىٰتَ 15

حِتَاندٜ دِمْطِنْکِ

1حَا تِمّٛودٜ دُوࢡِ جٛوٜىٰطِطِ ڢُو، عٛنْ نجَاڢَنَ حٛوعُࢡٜ ࢩَمَالٜ حَا مٛوطٛنْ؞ 2ندَا نِي مبَارٛتٛنْ حِتَاندٜ مَنْ‏: کٛو مٛيْ تٛکِّيطٛ عِسْرَعِيلَاجٛ کٜىٰدِّطُّمْ ࢩَمَاندٜ ڢُو، سٜيْ عٛيَاڢَنٛ مٛ ندٜ، تَا عٛدٛولَ کٜىٰدِّطُّمْ عٜ دٜىٰرْطُمْ يٛࢡُغٛ نغَمْ جَوْمِرَاوٛ بٜى حٛورٜ مُمْ عُمْرِ وٛويْنَاندُ دِمْطِنْکِ کِعِ؞ 3عٛنْ نجَاوْنَنْ جَنَنّٛ حَا عٛحٛکِّتَ عٛنْ ࢩَمَاندٜ، عَمَّا کٜىٰدِّطِّرَاوٛ مٛنْ عٜ دٜىٰرْطِرَاوٛ مٛنْ، نجَاڢَنٜ ࢡٜ؞

4جَوْمِرَاوٛ، اَللَّه مٛوطٛنْ بَرْکِطِنَنْ عٛنْ ندٜرْ لٜسْدِ ندِ عٛمَرْنَتَ عٛنْ؞ تَلَکَاجٛ لَاتَتَاکٛ شَکَ مٛوطٛنْ، 5تٛ عٛنْ نَنَنِ جَوْمِرَاوٛ، اَللَّه مٛوطٛنْ، تٛ عٛنْ کَکِّلَنِ عُمْرٛوجٜ ڢُو طٜ عُمْرَنْمِ عٛنْ حَنْدٜ، تٛ عٛنْ طٛوْتَنِ طٜ؞ 6نغَمْ جَوْمِرَاوٛ، اَللَّه مٛوطٛنْ بَرْکِطِنِ عٛنْ بَنَ عٛوِعِ؞ عٛنْ ندٛکَّنْ عُمَّاتٛوجٜ طُوطّٜ ࢩَمَالٜ، عَمَّا عٛنٛنْ عٛنْ طَࢡَّتَا ࢩَمَالٜ؞ عٛنْ لَامَنْتٛ عُمَّاتٛوجٜ طُوطّٜ، عَمَّا وَلَا عُمَّاتٛورٜ لَامَنْتٛ عٛنْ؞

7تٛ عِسْرَعِيلَاجٛ تَلْکِطِ حَا بٜرْنِوٛلْ کٛو نغٛلٜ ندٜرْ لٜسْدِ ندِ جَوْمِرَاوٛ، اَللَّه مٛوطٛنْ حٛکَّتَ عٛنْ، تَا شَاتِنٜ کٛعٜ مٛنْ، تَا تَمْندٜ جُوطٜ مٛنْ يٜىٰسٛ عِسْرَعِيلَاجٛ دٜىٰرْطِرَاوٛ مٛوطٛنْ؞ 8عَمَّا مبٜىٰطَنٜ مٛ جُوطٜ مٛنْ، ندٛکّٜ مٛ ࢩَمَاندٜ دٜيْدٜيْ حَاجٜ مَاکٛ#ڢَرِلَّاجِ لٜوِعٜنْ 25‏:35؞؞ 9کَکِّلَنٜ کٛعٜ مٛوطٛنْ، تَا نُمٛوجِ مٜىٰرٜىٰجِ عُمّٛ ندٜرْ ࢡٜرْطٜ مٛنْ، عٛنْ مبِعَ‏: عَاعَ، حِتَاندٜ جٛوٜىٰطِطَوْرٜ ࢡَدَکٜ، طُمْ حِتَاندٜ دِمْطِنْکِ؞ تٛ عٛنْ شَلَکٜ حٛکُّغٛ دٜىٰرْطِرَاوٛ مٛنْ تَلَکَاجٛ ࢩَمَاندٜ، عٛوُلّٛتٛ عٛنْ يٜىٰسٛ جَوْمِرَاوٛ، طُمْ لَاتٛتٛ حَکّٜ دٛوْ مٛوطٛنْ؞ 10ندٛکّٜ مٛ بٜى ࢡٜرْندٜ سَاحِيندٜ، نَا مٜتُّندٜ؞ نغَمْ دَلِيلَ مَاجُمْ جَوْمِرَاوٛ، اَللَّه مٛوطٛنْ بَرْکِطِنَنْ کُوطٜ طٜ کُووٛتٛنْ ڢُو؞ 11تَلَکَعٜنْ نجِنَّتَا ندٜرْ لٜسْدِ مٛنْ؞ نغَمْ مَاجُمْ عُمْرَنْمِ عٛنْ‏: ندٛکّٜ دٜىٰرْطِرَاࢡٜ مٛنْ لَاڢُࢡٜ عٜ تَلَکَعٜنْ ندٜرْ لٜسْدِ مٛنْ بٜى شَاحَاکِ#مَتَّ 26‏:11؛ مَرْکُسْ 14‏:7؛ يُحَنَّ 12‏:8؞؞

کٛ غٛطّٛ حُووَنْتَ جٜيَاࢡٜ مُمْ

(غُرْتَاکِ 21‏:1‏-11)

12تٛ عِسْرَعِيلَاجٛ، غٛرْکٛ مَلَّ دٜبّٛ، سٛورِّ مَ حٛورٜ مُمْ، سٜيْ عٛحُووَنٜ دُوࢡِ جٛوٜىٰغٛ؞ ندٜرْ ندُوࢡُ نجٛوٜىٰطِطَࢡْرُ سٜيْ عَيٛوڢْتَ مٛ عٛدِلَّ عٛدِمٛ؞ 13سَاعِ نجٛوڢْتَتَ مٛ عٛدِلَّ، تَا عٛوُرْتٛ جُنغٛ مٜىٰرٜ؞ 14حٛوعَنْ مٛ طُوطُّمْ حَا دَمّٛوجِ مَ عٜ عَلْکَمَارِ مَ عٜ عِنَبٛوجَمْ مَ، حَا کٛ کٜࢡْرُطَ بٜى بَرْکَ جَوْمِرَاوٛ، اَللَّه مَاطَ ڢُو، ندٛکَّ مٛ طُمْ شَاحُ؞ 15شِڢْتٛرٜ، عٛنٛنْ بٛو، نَانٜ عٛنْ لَاتِنٛ مَشُّࢡٜ ندٜرْ لٜسْدِ مِصْرَ، عَمَّا جَوْمِرَاوٛ، اَللَّه مٛوطٛنْ رِمْطِنِ عٛنْ؞ نغَمْ مَاجُمْ عُمْرُمِ عٛنْ عُمْرٛورٜ ندٜعٜ حَنْدٜ؞

16«عَمَّا تٛ مَشُّطٛ مَ يِطَا دِلُّغٛ، نغَمْ عٛيِطِ مَ، عَنْ عٜ سَارٜ مَ، نغَمْ عٛجٛوطٛدِ بٜى مَاطَ جَمْ، 17ندٜنْ کَمْ حٛوعُ تُڢِرْطُمْ، تُڢْ نٛڢْرُ مَاکٛ حَا دَمُّغَلْ سَارٜ مَ؞ بَنَ نٛنْ عٛلَاتٛرْتٛ مَشُّطٛ مَ حَا ڢٛرٛيْ؞ وَطَنْ کٛرْطٛ مَ بٛو بَنَ نٛنْ؞ 18تَا مِمْسِتَ يٛوڢْتُغٛ جٜيَاطٛ مَ، نغَمْ عٛحُووَنِ مَ دُوࢡِ جٛوٜىٰغٛ؞ سَمَنْ مَاجُمْ ڢٛتَنْ بٜى نغٜىٰنَارِ حُووٛوࢡٜ طِطٛ؞ تٛ عَحُووِ بَنَ نٛنْ، جَوْمِرَاوٛ، اَللَّه مَاطَ بَرْکِطِنَنْ کُوطٜ مَ ڢُو؞»

عَڢِ دَبَّاجِ

19«عَڢِ غٛرْطِ حَا دَبَّاجِ مٛنْ عٜ دَمّٛوجِ مٛنْ ڢُو عٛنْ لِيعَنٛ طِ جَوْمِرَاوٛ، اَللَّه مٛوطٛنْ؞ تَا کُووٜ کُوغَلْ کٛو نغَلٜ بٜى عَڢِ نَعِ مٛنْ، تَا تَعٜ غَاسَ عَڢِ دَمّٛوجِ مٛنْ بٛو#غُرْتَاکِ 13‏:12؞؞ 20ندٜ حِتَاندٜ يَالْتِ ڢُو، عٛنٛنْ عٜ يِمْࢡٜ شِعٜ#15‏:20 شِعٜ مَلَّ شَلَاجٜ؞ مٛنْ، ࢩَامٜ طِ يٜىٰسٛ جَوْمِرَاوٛ، اَللَّه مٛوطٛنْ حَا نٛکُّورٜ ندٜ عٛسُࢡَتَ؞ 21عَمَّا تٛ عَيْبٜ طٛنْ حَا مَاجِ، طِ لَࢨَنْ مَلَّ بُمْطِ، تٛ عَيْبٜوٛلْ مَنغٛلْ کٛو نغٛلٜ طٛنْ حَا مَاجِ، تَا لِيعَنٜ طِ جَوْمِرَاوٛ، اَللَّه مٛوطٛنْ؞ 22ࢩَامٜ طِ حَا سَارٜ؞ کٛو مٛيْ مٛوطٛنْ ࢩَامَ طِ، شٜنَاطٛ بٜى مٛ سٜنَاکِ، بَنَ ࢩَامْرٛتٛنْ لٜلْجِ عٜ جَبَاجٜ؞ 23عَمَّا تَا ࢩَامٜ ࢨِيࢨَمْ مَاجِ، سٜيْ عٛنْ ندُڢَ طَمْ حَا لٜسْدِ بَنَ ندِيَمْ#لَاتَانٛوجِ 9‏:4؛ ڢَرِلَّاجِ لٜوِعٜنْ 7‏:26‏-27؛ 17‏:10‏-14؛ 19‏:26؛ تٛوکْتَاکِ تَوْرٜىٰتَ 12‏:16‏،23؞؞»

Currently Selected:

تٛوکْتَاکِ تَوْرٜىٰتَ 15: داَ

Highlight

Copy