عَمٛسْ 8
8
وَحَيُ نَيَࢡٛ
1ندَا کٛ جَوْمِرَاوٛ اَللَّه يِعْنِ يَمْ: سِلَاوٛ حٜىٰوْنغٛ ࢡِࢡّٜ لٜطّٜ ࢡٜنْدُطٜ؞ 2عٛࢨَمِ: «عَمٛسْ، کٛ نغِعَتَ؟» مِجَابِ: «سِلَاوٛ حٜىٰوْنغٛ ࢡِࢡّٜ لٜطّٜ ࢡٜنْدُطٜ؞» جَوْمِرَاوٛ وِعِ يَمْ: «رَغَرٜ يِمْࢡٜ عُمَّاتٛورٜ عَمْ إِسْرَاءِيلَ يٛتَّکٜ! يٜىٰسٛ طٛ مِحِيتٛتٛ ࢡٜ، مِمٜىٰتَتَا عٜنْطُغٛ ࢡٜ؞ 3ࢩَلَادٜ طٛنْ وَرَ حَا غِمِ ندٜرْ لَامٛرْدٜ لَاتٛ بٛجِّ؞ ࢩَوْمَنْطٜ طُوطَنْ، يِمْࢡٜ نغُدِنَنْ طٜ کٛو تٛيْ، جٜىٰندٜ مَوْندٜ لَاتٛتٛ!» نٛنْ جَوْمِرَاوٛ اَللَّه وِعِ؞
کِيتَ جَوْمِرَاوٛ ࢡَدَکٜ
4نَنٜ طُعُمْ، عٛنٛنْ تٛوࢩٛوࢡٜ تَلَکَعٜنْ، نَتِّنٛوࢡٜ لٜىٰسْࢡٜ ندٜرْ لٜسْدِ؞ 5عٛنْ طٛنْ مبِعَ: «ندٜيْ جُولْدٜ لٜوْرُ حٜسْرُ تِمَّتَ، ࢩَنْدٜ سِوْتٛرْدٜ بٛو سَالٛتٛ، حَا عٜنْ مَࢡِّتَ بٜىٰمبٜ، عٜنْ شٛورَّ عَلْکَمَارِ؟ حَا عٜنْ ݠَمْطِتِنَ عٜتِرْغَلْ، عٜنْ مَوْنِنَ کَاعٜ عَوْنٛرْطٜ، عٜنْ مبَطَ سٛودٛوࢡٜ رِکِشِ بٜى عَوْنٛرْطُمْ ݠٜوٛوجُمْ؟ 6حَا عٜنْ شٛورَّ حٛورٜىٰرِ، عٜنْ شٛودَ لَاڢُࢡٜ، عٜنْ شٛودَ تَلَکَعٜنْ بٛو بٜى ݠَطٜ؟»
7جَوْمِرَاوٛ حُنِ بٜى مَوْنِتَارٜ يَعْقُوبُ، عٛوِعِ: «مِيٜجِّتِتَّا کُوطٜ مَࢡّٜ حَا ڢٛرٛيْ! 8نغَمْ دَلِيلَ مَنْ لٜسْدِ دِمْبٛتٛ، کٛو مٛيْ جٛوطِيطٛ ندٜرْ مَارِ وٛنَنْ ندٜرْ سُنٛ؞ ندِ تٛوْتَنْ، ندٜنْ ندِ لٜىٰسْتَنْ بَنَ مَايٛ نِيلْ حَا مِصْرَ؞»
9جَوْمِرَاوٛ وِعِ: «ࢩَلَادٜ مَنْ مِمُتِنَنْ نَانغٜ حَا شَکَ ࢩَلَوْمَ، مِوَطَنْ ࢩِࢡْرٜ دٛوْ لٜسْدِ سَاعِ جَيْنغٛلْ ࢩَلَوْمَ؞ 10مِوَيْلَنْ جُولْطٜ مٛوطٛنْ طٜ لَاتٛتٛ سُنٛ، غِمِ مٛوطٛنْ بٛو لَاتٛتٛ بٛجِّ؞ مِوَطَنْ عٛنْ ڢُو عٛنْ کَدَّ لِمْشٜ بُحُوجٜ، عٛنْ لَࢡْدَ کٛعٜ مٛنْ؞ مِلَاتِنَنْ بٛجِّ بَنَ تٛ ࢡِطّٛ بَجّٛ مَايِ؞ رَغَرٜ مَنْ حَاطَنْ بَنَ ࢩَلَادٜ مٜتَّمْࢡٜرَمْ؞»
11جَوْمِرَاوٛ وِعِ: «ندَا، ࢩَلْطٜ طٛنْ نغَرَ حَا مِنٜلْدَ وٜىٰلٛ ندٜرْ لٜسْدِ، نَا وٜىٰلٛ ࢩِيرِ، نَا طٛمْکَ ندِيَمْ بٛو، عَمَّا نغَمْ نَنُغٛ بٛلّٜ جَوْمِرَاوٛ؞ 12يِمْࢡٜ ندِمْبٛتٛ دِغَ مبٜىٰلَ نغَعَ حَا نغَيَ، ࢡٜنغِيلٛ دِغَ وٛيْلَ حَا ڢُونَانغٜ نغَمْ طَࢡِّتِتْغٛ وٛلْدٜ جَوْمِرَاوٛ، عَمَّا ࢡٜتَوَتَا ندٜ! 13ࢩَلَادٜ مَنْ ڢَاࢩْࢡٜ وٛوطْࢡٜ عٜ سُکَعٜنْ نجَنَنْ نغَمْ طٛمْکَ؞ 14کَمْࢡٜ ࢡٜطٛنْ کُنٛرٛ جٛنْتَ بٜى عَيْبٜ سَمَرِيَ#8:14 حَا سَمَرِيَ عٜ دَنْ عٜ بِيرْسَبَ، إِسْرَاءِيلَعٜنْ نجِلِّنْدِرِ دِينَ اَللَّه بٜى دِينَ لَبِّ؞، ࢡٜطٛنْ مبِعَ: مِطٛنْ حُنٛرٛ بٜى طٛوَنْتٜىٰطٛ مَاطَ غٜىٰتٛ، يَا دَنْ! مَلَّ بٛو: مِحُنٛرٛ بٜى لَاوٛلْ شٜنَانغٛلْ جَحْرَنْنغٛلْ بِيرْسَبَ! عَمَّا ࢡٜنجَنَنْ، ࢡٜعُمِّتِتَّاکٛ؞»
Currently Selected:
عَمٛسْ 8: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
