عَمٛسْ 9

وَلَا مٛ حِسَتَ کِيتَ جَوْمِرَاوٛ

1مِيِعِ جَوْمِرَاوٛ طٛنْ دَرِ کٛمْبِ حِرْسِرْدٜ؞ عٛعُمْرِ‏: «ڢِيْ دٛوْ کٛعٜ دَنغْرَنغٜ، حَا شَࢡَّاجٜ مَاجٜ ڢُو دِمْبٛ‏! سَمْݠِتِتْ طٜ دٛوْ کٛعٜ يِمْࢡٜ ڢُو‏! تٛ غٛطّٛ لُتِّ، مِمبَرَنْ مٛ بٜى کَاڢَحِ، وَلَا مٛ دَطَتَ، وَلَا مٛ حِسَتَ سَمْ‏! 2تٛ ࢡٜشٜىٰکِ لَاوٛلْ نَسْتُغٛ جٛوندٜ مَايْࢡٜ، جُنغٛ عَمْ نَنغَنْ ࢡٜ تٛنْ؞ تٛ ࢡٜمبَعَّکٜ حَا عَسَمَ، مِجِݠِّنَنْ ࢡٜ دِغَ تٛنْ؞ 3تٛ ࢡٜشُوطَکٜ دٛوْ حٛوسٜىٰرٜ کَرْمٜلْ، مِطَࢡِّتَنْ ࢡٜ، مِنَنغَ ࢡٜ تٛنْ؞ تٛ ࢡٜࢩُکَّکٜ حَا لُغُّطُمْ مبٜىٰلَ، مِعُمْرَنْ مبٛودِ تٛنْ ندِ سٛݠَّ ࢡٜ؞ 4تٛ ࢡٜعَشِّ کٛعٜ مَࢡّٜ، ࢡٜنجٜحِ يٜىٰسٛ کٛنّٜعٜنْ مَࢡّٜ، مِعُمْرَنْ کَاڢَحِ مبَرَ ࢡٜ؞ مِحَکِّلَنَنْ ࢡٜ نغَمْ سَرُّ، نَا نغَمْ حَيْرُ؞»

5اَللَّه وٛنِ جَوْمِرَاوٛ حٛنٛوࢡٜ عَسَمَ؞

تٛ عٛمٜىٰمِ لٜسْدِ، ندِ مَجَّنْ،

جٛوطِيࢡٜ مَارِ کٛو تٛيْ ڢُو شُنٛتٛ؞

ندِ تٛوْتَنْ، ندِ لٜىٰسْتَ بَنَ مَايٛ نِيلْ حَا مِصْرَ؞

6عٛࢩِࢡِ جٛوطٛرْدٜ مَاکٛ حَا عَسَمَ،

دَنغْرَنغٜ مَارٜ طٛنْ تَبِتِ دٛوْ لٜسْدِ؞

عٛطٛنْ عٜوْنٛ ندِيَمْجِ مبٜىٰلَ،

حَا عٛوَانْجَ طِ دٛوْ لٜسْدِ؞

عِنْدٜ مَاکٛ جَوْمِرَاوٛ؞

7جَوْمِرَاوٛ وِعِ‏: «عٛنٛنْ إِسْرَاءِيلَعٜنْ، عٛنْ لَاتَنِ يَمْ کَلْ-کَلْ بٜى عٜتِيٛݠِيَعٜنْ نَ؟ نَا مِنْ وُرْتِنِ إِسْرَاءِيلَعٜنْ عٜ لٜسْدِ مِصْرَ، ڢِلِسْتِعٜنْ عٜ کَڢْتٛرْ، سِرِيَعٜنْ بٛو عٜ کِيرْ نَ؟ 8ندَا، غِتٜ عَمْ طٛنْ ندَارَ لَامُ إِسْرَاءِيلَ مَرْنغُ حَکّٜ، مِحَلْکَنْ نغُ، مِحَلْکَنْ نغُ دٛوْ لٜسْدِ؞

عَمَّا مِنَتِّنْتَا دَࢩْغٛلْ يَعْقُوبُ ڢُو؞» نٛنْ جَوْمِرَاوٛ وِعِ‏: 9«ندَا، مِعُمْرَنْ دِمْبُغٛ إِسْرَاءِيلَعٜنْ شَکَ عُمَّاتٛوجٜ ڢُو، بَنَ غٛطّٛ دِمْبِرْتَ شٜطِرْغٜلْ، وَلَا کَاعٜلْ دٛعّٛتٛ حَا لٜسْدِ؞ 10کٛو مٛيْ مَرْطٛ حَکّٜ شَکَ عُمَّاتٛورٜ عَمْ، بِعْطٛ‏: سَرُّ ࢡَدِتِتَّاکٛ مِنْ، يٛتَّتَاکٛ مِنْ، – ڢَکَتْ، عٛمَايْرَنْ بٜى کَاڢَحِ؞»

اَللَّه وٛعِّتِنَنْ إِسْرَاءِيلَ

11«ࢩَلَادٜ مَنْ ࢩِࢡْتٛتٛومِ سُودُ دَاوُدَ يِبُّنٛوندُ؞ مِسُکَّ شٜىٰکْلِ مَارُ، مِعُمِّتِنَ بِلّٜ مَارُ؞ مِࢩِࢡْتٛتٛ ندُ بَنَ ندُ وَعْنٛ؞ 12ندٜنْ ࢡٜمَرَنْ لُتُّࢡٜ عٜدٛومْ عٜ عُمَّاتٛوجٜ طٜ عِنْدٜ عَمْ عٜوْنَ دٛوْ مُوطُمْعٜنْ ڢُو؞» مِنْ جَوْمِرَاوٛ مِوِعِ طُمْ، مِوَطَنْ طُمْ بٛو#کُوطٜ نٜلَاࢡٜ 15‏:16‏-18؞؞

13جَوْمِرَاوٛ وِعِ‏: «عَنْدٜ، ࢩَلْطٜ طٛنْ نغَرَ، حَا شٛدٛلْ نٜىٰࢡَ حَا يٛتّٛ وَکَّتِ رٜمُغٛ، ࢡِطّٛلْ عِنَبٛوجٜ نٜىٰࢡَ حَا يٛتّٛ وَکَّتِ عَاوُغٛ؞ ندٜنْ کَمْ کٛوسٜىٰجٜ ڢُو شِمْتَنْ عِنَبٛوجَمْ، تٛوْندِيجٜ ڢُو کٜىٰوَنْ حَا رُڢَ؞ 14مِوَرْتِرَنْ جٛوندٜ يِمْࢡٜ عَمْ إِسْرَاءِيلَعٜنْ بَنَ نَانٜ، ࢡٜمَحِتَنْ بٜرْنِيجِ غِبُّطِ، ࢡٜنجٛوطٛتٛ ندٜرْ مَاجِ، ࢡٜنجُبٛتٛ عِنَبٛوجٜ، ࢡٜنجَرَنْ عِنَبٛوجَمْ مَاجٜ، ࢡٜمبَطَنْ جَرْنٜ، ࢡٜࢩَامَنْ ࢨَامْلٜ مَاجٜ؞ 15مِنْ مِتَبِتِنَنْ ࢡٜ ندٜرْ لٜسْدِ مَࢡّٜ، وَلَا مٛ دَحَتَ ࢡٜ ندٜرْ لٜسْدِ ندِ ندٛکُّمِ ࢡٜ؞» نٛنْ اَللَّه جَوْمِرَاوٛ مٛنْ وِعِ؞

Currently Selected:

عَمٛسْ 9: داَ

Highlight

Copy