2 تٜسَّلٛنِکِعٜنْ 1
1
1مِنْ ݠٛلْ، حَوْتَادٜ بٜى سِلَسْ عٜ تِمٛتٜ، مِنْ طٛنْ مبِنْدَنَ عٛنْ، عٛنٛنْ جَمَعَارٜ نُطِّنْࢡٜ حَا تٜسَّلٛنِيکِ، ࢡٜ اَللَّه، بَابِرَاوٛ مٜىٰطٜنْ عٜ جَوْمِرَاوٛ مٜىٰطٜنْ عِيسَى اَلْمَسِيحُ#کُوطٜ نٜلَاࢡٜ 17:1؞:
2اَللَّه بَابِرَاوٛ عٜ جَوْمِرَاوٛ مٜىٰطٜنْ عِيسَى اَلْمَسِيحُ، ندٛکَّ عٛنْ مٛعّٜرٜ عٜ سَلَامَنْ؞
کِيتَ سَاعِ لٛرَاکِ اَلْمَسِيحُ
3عٛنٛنْ دٜىٰرْطِرَاࢡٜ، سٜيْ مِنْ نغٜتَّ اَللَّه ڢٛرٛيْ نغَمْ دَلِيلَ مٛوطٛنْ؞ طُمْ ݠٛتُّطُمْ، نغَمْ نُطِّنْکِ مٛوطٛنْ طٛنْ مَوْنَ مَسِنْ، يِيدٜ ندٜ مَرْطٛنْ حَکُّندٜ مٛوطٛنْ بٛو طٛنْ ࢡٜسْدٛ يٜىٰسٛ يٜىٰسٛ؞ 4کَنْجُمْ وَطِ مِنْ طٛنْ مَنْتٛرٛ عٛنْ ندٜرْ جَمَعَاجٜ يِمْࢡٜ اَللَّه غٛطّٜ، نغَمْ عٛنْ طٛنْ تَبِتِ ندٜرْ نُطِّنْکِ مٛوطٛنْ، کٛو ندٜ عٛنْ طٛنْ مُࢩَنَ تٛوࢩَانغٜ عٜ بٛنٜىٰجِ؞
5بٛنٜىٰجِ طِعِ نغٛنِ عَلَامَ کِيتَ اَللَّه نغٛونغْطُکَ؞ کَنْجِ لَاتِنْتَ عٛنْ حٜࢨِيࢡٜ نَسْتُغٛ لَامُ اَللَّه، نغُ نجَرٛتٛنْ بٛنٜ دَلِيلَ مُمْ؞ 6اَللَّه عٛ عَدِلِيجٛ: عٛتٛرَّنْ تٛرَّنْࢡٜ عٛنْ؞ 7عٛحٛکَّنْ عٛنْ سِوْتَارٜ، عٛنٛنْ تٛرَّاࢡٜ حَوْتَادٜ بٜى عَمِنْ سَاعِ جَوْمِرَاوٛ مٜىٰطٜنْ عِيسَى وَنغَتَ دِغَ عَسَمَ عٜ مَلَاعِکَعٜنْ مَاکٛ سٜمْبِطْࢡٜ؞ 8عٛوَرْدَنْ بٜى يِيتٜ حُࢡَّنْنغٜ نغَمْ حِيتَاغٛ حٜىٰڢٜىٰرْࢡٜ ࢡٜعَنْدَا اَللَّه عٜ ࢡٜطٛوْتَنَاکِ لِنْجِيلَ جَوْمِرَاوٛ مٜىٰطٜنْ عِيسَى؞ 9ࢡٜ حَلْکٜتٜىٰࢡٜ حَلْکٜرٜ دُومِيندٜ، ࢡٜ سٜنْدٜتٜىٰࢡٜ دَايِيطُمْ بٜى جَوْمِرَاوٛ عٜ بَاوْطٜ مُمْ تٜدُّطٜ؞ 10طُمْ لَاتٛتٛ ࢩَلَادٜ ندٜ عٛوَرَتَ؞ ندٜنْ سٜنَاࢡٜ تٜدِّنَنْ مٛ، نُطِّنْࢡٜ مٛ ڢُو کَيْطِنَنْ لَارُغٛ مٛ؞ عٛنٛنْ بٛو عٛنْ نُطِّنِ سٜىٰدَمْکُ عَمِنْ؞
11نغَمْ مَنْ مِنْ طٛنْ تٛرَنٛ عٛنْ ڢٛرٛيْ، نغَمْ حَا اَللَّه مٜىٰطٜنْ تَوَ عٛنْ حٜࢨِيࢡٜ نغَمْ عٜوْنَاندُ ندُ عٛعٜوْنٛرِ عٛنْ؞ بٜى بَاوْطٜ مَاکٛ، عٛوَلَّ عٛنْ حٜبِّتِنغٛ عَنِّيَاجِ مٛوطٛنْ بٛوطِّ ڢُو، عٛتِمِّتِنَ کُوغَلْ نُطِّنْکِ مٛوطٛنْ ڢُو بٛو؞ 12بَنَ نِي عِنْدٜ جَوْمِرَاوٛ مٜىٰطٜنْ عِيسَى تٜدِّنِرْتٜ ندٜرْ مٛوطٛنْ، عٛنٛنْ بٛو عٛنْ تٜدِّنْتٜ ندٜرْ مَاکٛ؞ طُمْ ڢُو طُمْ لَاتٛتٛ دَلِيلَ مٛعّٜرٜ اَللَّه مٜىٰطٜنْ عٜ جَوْمِرَاوٛ مٜىٰطٜنْ عِيسَى اَلْمَسِيحُ؞
Currently Selected:
2 تٜسَّلٛنِکِعٜنْ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.