2 کٛرِنْتُعٜنْ 7
7
1سٛوبِرَاࢡٜ عَمْ يِطَاࢡٜ، عِينَاجِ اَللَّه طِعِ ڢُو لَاتَنَکٜ عٜنْ؞ نغَمْ مَاجُمْ لَࢡِّنٜنْ کٛعٜ مٜىٰطٜنْ دِغَ کٛ سٛࢡْنَتَ ࢡَنْدُ عٜ رُوحُ ڢُو؞ سٜيْ عٜنْ لَاتٛ سٜنَاࢡٜ تِمُّࢡٜ ندٜرْ کُلٛلْ اَللَّه؞
سُنٛ عٜ سٜيٛ
2مَࢡِّتَنٜ مِنْ ࢡٜرْطٜ مٛوطٛنْ؞ مِنْ مبَطَايْ کٛو غٛوتٛ مٛوطٛنْ عَيْبٜ#7:2 عَيْبٜ مَلَّ غَشّٜ؞، مِنْ مبٛنَّايْ کٛو غٛوتٛ مٛنْ، مِنْ کٛوشَايْ حُوندٜ غٛطّٛ بٜى ࢨٛيْرٜ؞ 3مِوِعَايْ طُمْ نغَمْ حَا مِحِيتٛ عٛنْ؞ مِعَارْتُنٛ وِعْغٛ طُمْ: ࢡٜرْطٜ عَمِنْ مَࢡِّتَنِ عٛنْ نغَمْ حَا عٜنْ نغٛنْدَ کٛو ندٜرْ مَايْدٜ کٛو ندٜرْ نغٜىٰندَمْ؞ 4مِطٛنْ حٛولِ عٛنْ مَسِنْ، مِطٛنْ سٜيٛرٛ عٛنْ طُوطُّمْ، مِطٛنْ حٜىٰوِ دٜعّٜرٜ؞ ندٜرْ ࢡِلَّاجٜ عَمِنْ ڢُو مِطٛنْ حٜىٰوِ سٜيٛ مَنغٛ؞
5کٛو وَکَّتِ مِنْ نجٛتِّ مَکٜدٛنِيَ بٛو، مِنْ کٜࢡَايْ سِوْتَاغٛ سَمْ؞ مِنْ ݠٛتِّ بٜى شَطٜىٰلٜ طُوطّٜ: وٛودِنٛ جٛکِّرْلِ بٜى يِمْࢡٜ عٜ کُلٛلْ ندٜرْ ࢡٜرْطٜ عَمِنْ#2 کٛرِنْتُعٜنْ 2:13؞؞ 6عَمَّا اَللَّه، دٜعِّتِنٛووٛ سَکْلِيࢡٜ، دٜعِّتِنِ مِنْ بٜى غَرْکِ تِتُسْ؞ 7نَا غَرْکِ مَاکٛ تَنْ دٜعِّتِنِ مِنْ، عَمَّا عٛيٜشِّ مِنْ بٛو نٛ عٛنْ ندٜعِّتِنِرِمٛ؞ کُبَرُوٛلْ نغٛعٛلْ بٛو دٜعِّتِنِ مِنْ؞ عٛيٜشِّ مِنْ نٛ عٛنْ نغٜنْوِرِ مِنْ، نٛنْ بٛو مٜتّٜىٰنغَ نغَ عٛنْ نغٛنْتِرِ عٜ نٛ عٛنْ تِينٛرِ جِنغُغٛ يَمْ؞ کَنْجُمْ طُمْ سٜيْنِ يَمْ مَسِنْ؞
8کٛو تٛ بَتَاکٜوٛلْ نغٛلْ مِوِنْدَنِ عٛنْ مٜتِّنِ عٛنْ ࢡٜرْطٜ، مِمِمْسِتِتَّاکٛ طُمْ؞ عَرَنْ ندٜ نغِعْمِ نٛ نغٛلْ مٜتِّنِرِ عٛنْ ࢡٜرْطٜ، مِࢡَدَکٜنٛ مِمْسِتَاغٛ؞ 9عَمَّا جٛنْتَ کَمْ مِطٛنْ سٜيٛ؞ مِسٜيٛرَاکِ مٜتَّمْࢡٜرَمْ مٛوطٛنْ، عَمَّا نغَمْ تُوبُ نغُ بَتَاکٜوٛلْ نغٛعٛلْ وَطِ ندٜرْ ࢡٜرْطٜ مٛوطٛنْ؞ مٜتّٜىٰنغَ مٛوطٛنْ ڢٛتَّنِ اَللَّه، نغَمْ مَاجُمْ مِنْ مبَطَايْ عٛنْ سَرُّ سَمْ؞ 10نغَمْ مٜتّٜىٰنغَ ڢٛدّٜ مُويٛ اَللَّه طٛنْ وَطَ تُوبُ، تُوبُ نغُعُ بٛو وَطَنْ کِسْندَمْ؞ وَلَا حَاجٜ مِمْسِتَاغٛ عِرِنْ مٜتّٜىٰنغَ نغَعَ؞ عَمَّا مٜتّٜىٰنغَ ڢٛدّٜ طَبِيَ دُنِيَارُ يَحْرَنْ حَا مَايْدٜ؞ 11ندَارٜ! مٜتّٜىٰنغَ مٛوطٛنْ ڢٛدّٜ مُويٛ اَللَّه وَدَّنِ عٛنْ تِينَارٜ طُوطْندٜ، عٛنْ طٛنْ طَࢡَّ لَࢡِّنْغٛ کٛعٜ مٛوطٛنْ دِغَ عَيْبٜ، حَکِّيلٛوجِ مٛوطٛنْ عُمَّکٜ، کُلٛلْ مٛوطٛنْ طُوطِ، عٛنْ طٛنْ نغٜنْوَمِّ، عٛنْ طٛنْ تِينٛ حِيتَاغٛ حَلّٜىٰندٜ؞ بٜى نٛيْ ڢُو عٛنْ مبَنغِنِ کٛعٜ مٛوطٛنْ عٛنْ لَاࢡّٜ ندٜرْ حَالَ کَعَ؞
12ندٜ مِوِنْدَنِ عٛنْ، مِوِنْدَايْ نغَمْ دَلِيلَ بَطّٛ عَيْبٜ مَلَّ نغَمْ بَطَنَاطٛ عَيْبٜ؞ عَمَّا مِوِنْدِ نغَمْ حَا عٛنْ ݠَامَ، حَا عٛنْ مبَنغِنَ يٜىٰسٛ اَللَّه بٛو نٛ عٛنْ تِينٛرْتٛ نغَمْ عَمِنْ؞ 13کَنْجُمْ دٜعِّتِنِ مِنْ؞
کٛ ࢡُرِ دٜعِّتِنْکِ مَنْ، مِنْ شٜيِ مَسِنْ دَلِيلَ سٜيٛ نغٛ تِتُسْ حٜࢡِ، نغَمْ عٛنٛنْ ڢُو عٛنْ شِوْتِنِ ࢡٜرْندٜ مَاکٛ؞ 14مِمَنْتٛرِنٛ عٛنْ يٜىٰسٛ مَاکٛ، عٛنٛنْ بٛو عٛنْ شٜمْتِنَايْ يَمْ؞ عَمَّا ڢٛرٛيْ مِنْ مبٛلْوَنِ عٛنْ غٛونغَ، نٛنْ بٛو کٛ مِنْ مَنْتٛرِ عٛنْ يٜىٰسٛ تِتُسْ لَاتَکٜ غٛونغَ؞ 15يِيدٜ مَاکٛ دٛوْ مٛوطٛنْ ࢡٜسْدِ کٛو ندٜيْ عٛسِڢْتٛرِ طٛوْتَارٜ مٛوطٛنْ، نغَمْ عٛنْ نجَࢡّٛرِمٛ بٜى کُلٛلْ عٜ دِوْنغٛلْ؞ 16وَلَا کٛ حَطَتَمِّ حٛولَاغٛ عٛنْ، کَنْجُمْ مِسٜيٛرْتٛ؞
Currently Selected:
2 کٛرِنْتُعٜنْ 7: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
