1 تٜسَّلٛنِکِعٜنْ 4
4
ڢٛتَّنْغٛ اَللَّه
1کٛ لُتِّ وِعُغٛ عٛنْ، عٛنٛنْ دٜىٰرْطِرَاࢡٜ، مِنْ طٛنْ تٛرٛ عٛنْ، مِنْ طٛنْ تِطِّنَ عٛنْ بٜى عِنْدٜ جَوْمِرَاوٛ مٜىٰطٜنْ عِيسَى: ندٜ عٛنْ عٜکِّتَکٜ حَا عَمِنْ نٛ عٛنْ نجٛوطٛرْتٛ، حَا عٛنْ ݠٛتَّنَ اَللَّه، بَنَ نٛنْ مبَطٛتٛنْ بٛو، ࢡٜسْدٜ وَطُغٛ طُمْ يٜىٰسٛ يٜىٰسٛ؞ 2عٛنْ عَنْدِ عُمْرٛوجٜ طٜ مِنْ ندٛکِّ عٛنْ ڢٛدّٜ جَوْمِرَاوٛ عِيسَى؞ 3نغَمْ ندَا مُويٛ اَللَّه: عٛيِطِ عٛنْ لَاتٛ لَاࢡّٜ، عٛنْ ندَايٛ دَاکَارٜىٰکُ؞ 4کٛو مٛيْ غٛرْکٛ حَا مٛوطٛنْ عٜکِّتٛ وٛنْدُغٛ بٜى دٜبّٛ مُمْ بٜى سٜنَارٜ عٜ نٜطَّاکُ، 5تَا عَشّٜ سُونٛوجِ کَلُّطِ لَامَنٛ عٛنْ بَنَ يِمْࢡٜ ࢡٜعَنْدَا اَللَّه؞ 6تَا کٛو مٛيْ وَطَنَ دٜىٰرْطُمْ عَيْبٜ#4:6 عَيْبٜ مَلَّ غَشّٜ؞ دٛوْ حَالَ کَعَ، تَا عٛتٛسْکِنَ مٛ؞ مِنْ مبِعِ عٛنْ طُمْ دِغَ ࢡٛويْمَ، مِنْ ندٜىٰنْتِنِ#4:6 مِنْ ندٜىٰنْتِنِ عٛنْ مَلَّ مِنْ مبَرِّ عٛنْ؞ عٛنْ بٛو: جَوْمِرَاوٛ حِيتٛتٛ طُمْ ڢُو؞ 7نغَمْ اَللَّه عٜوْنَاکِ عٜنْ حَا عٜنْ نغٜىٰطَ ندٜرْ دَاکَارٜىٰکُ، عَمَّا حَا عٜنْ نغٜىٰطَ ندٜرْ سٜنَارٜ؞ 8نغَمْ مَنْ، تٛ غٛطّٛ سَلَکٜ عُمْرٛوجٜ طٜعٜ، نَا نٜطّٛ عٛسَلِ، عَمَّا اَللَّه، دٛکُّطٛ عٛنْ رُوحُ مُمْ شٜنِيطٛ؞
9عٛنْ نغَلَا حَاجٜ غٛطّٛ وِنْدَنَ عٛنْ حَالَ يِيدٜ حَکُّندٜ دٜىٰرْطِرَاࢡٜ؞ نغَمْ عٛنٛنْ بٜى کٛعٜ مٛوطٛنْ اَللَّه عٜکِّتِنِ عٛنْ يِطِنْدِرْغٛ؞ 10کَنْجُمْ نغَطٛتٛنْ حٜىٰدِ دٜىٰرْطِرَاࢡٜ ڢُو ندٜرْ لٜسْدِ مَکٜدٛنِيَ؞ عَمَّا مِنْ طٛنْ تِطِّنَ عٛنْ ࢡٜسْدَاغٛ يٜىٰسٛ يٜىٰسٛ؞ 11تِينٜ جٛوطَاغٛ عٛنْ دٜعِّتْࢡٜ، شُکْلَنٜ کُوطٜ مٛوطٛنْ، کُووٜ نغَمْ نغُورٜ مٛوطٛنْ بٜى جُوطٜ مٛوطٛنْ، بَنَ نٛ مِنْ مبِعْنٛ عٛنْ دِغَ ࢡٛويْمَ؞ 12ندٜنْ کَمْ جٛوندٜ مٛوطٛنْ ڢٛتَّنَنْ يِمْࢡٜ ࢡٜنُطِّنَايْ، عٛنْ مَرَتَا حَاجٜ غٛطّٛ وَلَّ عٛنْ سَمْ؞
لٛرَاکِ جَوْمِرَاوٛ
13عٛنٛنْ دٜىٰرْطِرَاࢡٜ، مِنْ نغِطِ عٛنْ ݠَامَ غٛونغَ دٛوْ مَايْࢡٜ، نغَمْ تَا عٛنْ لَاتٛ سُنِيࢡٜ بَنَ يِمْࢡٜ ࢡٜنغَلَا تَمُّندٜ؞ 14عٜنْ نُطِّنِ عِيسَى مَايِ، عُمِّتِ؞ بَنَ نٛنْ بٛو مَايْࢡٜ نُطِّنْࢡٜ عِيسَى، اَللَّه وَرْتِرَنْ ࢡٜ حَوْتَادٜ بٜى عِيسَى؞
15ندَا کٛ مِنْ مبِعَتَ عٛنْ جٛنْتَ ڢٛدّٜ کٛ جَوْمِرَاوٛ وِعِ: عٜنٜنْ لُتُّࢡٜ بٜى يٛنغْکِ حَا ࢩَلَادٜ لٛرَاکِ جَوْمِرَاوٛ، عٜنْ عَارْتَتَا مَايْࢡٜ ڢٛتُّغٛ بٜى مَاکٛ؞ 16تٛ سَوْتُ جَوْمِرَاوٛ نَنَامَ بٜى حُنْدُکٛ عَرْدِيطٛ مَلَاعِکَعٜنْ، لُوَلْ اَللَّه بٛو ڢُوڢَامَ، جَوْمِرَاوٛ جِݠّٛتٛ دِغَ عَسَمَ؞ مَايْࢡٜ نُطِّنْࢡٜ اَلْمَسِيحُ عَارْتَنْ عُمِّتَاغٛ؞ 17ࢡَاوٛطٛنْ، عٜنٜنْ لُتُّࢡٜ بٜى يٛنغْکِ سَاعِ مَنْ عٜنْ عٜىٰنغِنْتٜىٰࢡٜ بٜى مَࢡّٜ ندٜرْ دُولٜ، نغَمْ حَا عٜنْ ݠٛتّٛيَ بٜى جَوْمِرَاوٛ ندٜرْ حَوَ؞ بَنَ نِي نغٛنْدِرْتٜنْ بٜى جَوْمِرَاوٛ حَا ڢٛرٛيْ#1 کٛرِنْتُعٜنْ 15:51-52؞؞ 18کَدِ، شٜمْبِطِندِرٜ بٜى بٛلّٜ طٜعٜ؞
Currently Selected:
1 تٜسَّلٛنِکِعٜنْ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
