1 کٛرِنْتُعٜنْ 16

وَلِّيندٜ نغَمْ نُطِّنْࢡٜ حَا عُرُسَلِيمَ

1کٛ لَارَنِ شٜىٰدٜ مٛوࢡْتٜتٜىٰطٜ نغَمْ وَلُّغٛ سٜنَاࢡٜ حَا عُرُسَلِيمَ، مبَطٜ عٛنٛنْ بٛو بَنَ نٛ عُمْرُمِ جَمَعَاجٜ نُطِّنْࢡٜ ندٜرْ غَلَاتِيَ#رٛمَعٜنْ 15‏:25‏-26؞؞ 2ࢩَلَادٜ عَلَتْ ڢُو سٜيْ کٛو مٛيْ مٛوطٛنْ رٜسَ شٜىٰدٜ سٜطَّ حَا مُوطُمْ بَاکِنْ نٛ عٛوَاوِ؞ تَا ندٜىٰنٜ نِي حَا تٛ مِوَرِ ندٜنْ ݠُطّٛنْ مٛوࢡْتُغٛ دٛکّٜ مَاجُمْ؞ 3تٛ مِيٛتَّکٜ، مِنٜلَنْ سُࢡَاࢡٜ مٛوطٛنْ بٜى بَتَاکٜىٰجِ حَا عُرُسَلِيمَ، حَا ࢡٜنجَحْرَ دٛکَّلْ مٛوطٛنْ تٛنْ؞ 4تٛ کَاندُطُمْ مِنْ بٛو مِيَحَ، ندٜنْ کَمْ ࢡٜنجَحْدَنْ بٜى عَمْ؞

عَنِّيَاجِ ݠٛلْ

5مِتَمِّ وَرْغٛ حَا مٛوطٛنْ، مِتٛکّٛرْتٛ مَکٜدٛنِيَ، نغَمْ مِسَالٛتٛ تٛنْ#کُوطٜ نٜلَاࢡٜ 19‏:21؞؞ 6مِڢَࢡَّنْ حَا مٛوطٛنْ، تٜىٰمَ تٛ حٜࢡٛتٛ مَا مِسَالِنَ وَکَّتِ جَانغٛلْ حَا مٛوطٛنْ؞ ندٜنْ عٛنْ مبَلَّتَمْ ندٜرْ حَاجٜ جَحَانغَلْ عَمْ کٛو تٛيْ نغِطْمِ يَحُغٛ؞ 7مِيِطَا مِيَالَ تَنْ مِسَالٛ، تٛ مِوَرِ لَارُغٛ عٛنْ؞ مِيِطِ ڢَࢡُّغٛ حَا مٛوطٛنْ سٜطَّ، تٛ جَوْمِرَاوٛ دُنغَنَکٜ يَمْ؞ 8عَمَّا مِجٛوطٛتٛ حَا عٜڢٜسُسْ حَا يٛتّٛ جُولْدٜ ݠَنْتٜکٛسْتَ؞#ڢَرِلَّاجِ لٜوِعٜنْ 23‏:15‏-21؛ تٛوکْتَاکِ تَوْرٜىٰتَ 16‏:9‏-11؞ 9نغَمْ مِحٜࢡِ لَاوٛلْ حُووُغٛ کُوغَلْ مَنغَلْ نَڢٛووَلْ حَا طٛ، کٛو ندٜ کٛنّٜعٜنْ طُوطَنِ يَمْ بٛو#کُوطٜ نٜلَاࢡٜ 19‏:8‏-10؞؞

10تٛ تِمٛتٜ وَرِ حَا مٛوطٛنْ، نجَࢡّٜ مٛ بٛوطُّمْ حَا عٛجٛوطٛ شَکَ مٛوطٛنْ بِلَا کُلٛلْ؞ نغَمْ کَنغْکٛ بٛو عٛطٛنْ حُووَنَ جَوْمِرَاوٛ بَنَ عَمْ#1 کٛرِنْتُعٜنْ 4‏:17؞؞ 11تَا غٛطّٛ يَوٛ مٛ؞ مبَلّٜ مٛ حَا عٛتِمِّنَ جَحَانغَلْ مَاکٛ بٜى جَمْ، نغَمْ حَا عٛوَرْتَ حَا عَمْ؞ مِنْ عٜ دٜىٰرْطِرَاࢡٜ، مِنْ طٛنْ ندٜىٰنِمٛ؞

12نغَمْ دٜىٰرْطِرَاوٛ مٜىٰطٜنْ عَݠٛلّٛسْ کَمْ، مِتِطِّنِمٛ طُوطُّمْ حَا عٛيَحَ حَا مٛوطٛنْ بٜى دٜىٰرْطِرَاࢡٜ وٛطْࢡٜ؞ عَمَّا عٛسَلِ يَحُغٛ جٛنْتَ؞ عٛيَحَنْ تٛ عٛحٜࢡِ لَاوٛلْ؞

وَسُيٜىٰجِ رَغَرٜىٰجِ عٜ کٛوڢْلِ

13عَيْنٜ‏! تَبِتٜ ندٜرْ نُطِّنْکِ‏! تِطِّنٜ ࢡٜرْطٜ مٛوطٛنْ‏! لَاتٜ عٛنْ سٜمْبِطْࢡٜ‏! 14مبَطٜ کٛو طُمٜ ڢُو بٜى يِيدٜ؞

15‏-16دٜىٰرْطِرَاࢡٜ عَمْ، عٛنْ عَنْدِ عٜسْتٜڢَنَسْ عٜ سَارٜ مُوطُمْ؞ کَمْࢡٜ نغٛنِ نُطِّنْࢡٜ عَارْتُࢡٜ شَکَ عَکَيَعٜنْ؞ ࢡٜندٛکِّ کٛعٜ مَࢡّٜ بٛو نغَمْ حُووَنْغٛ سٜنَاࢡٜ؞ مِطٛنْ تٛرٛ عٛنْ عٛنْ طٛوْتَنٛ عِرِنْ مَࢡّٜ، کَمْࢡٜ عٜ حُووْدٛوࢡٜ بٜى مَࢡّٜ ڢُو ندٜرْ تٛرَّ#1 کٛرِنْتُعٜنْ 1‏:16؞؞

17مِطٛنْ سٜيٛرٛ غَرْکِ عٜسْتٜڢَنَسْ عٜ ڢٛرْتُنَتُسْ عٜ عَکَعِکُسْ؞ ࢡٜندٛکِّ يَمْ کٛ نغَکَّنِ يَمْ ندٜ عٛنْ دَايِيࢡٜ؞ 18ࢡٜندٜعِّتِنِ يَمْ بَنَ ࢡٜندٜعِّتِنّٛ عٛنْ بٛو؞ شَمْطِنٜ عِرِنْ مَࢡّٜ؞

19جَمَعَاجٜ نُطِّنْࢡٜ ندٜرْ لٜسْدِ عَسِيَ ڢُو کٛوڢْنِ عٛنْ؞ عَکِلَسْ عٜ ݠِرِسْکِلَّ عٜ نُطِّنْࢡٜ مٛوࢡْتٛتٛوࢡٜ ندٜرْ سَارٜ مَࢡّٜ ڢُو کٛوڢْنِ عٛنْ بٛوطُّمْ بٜى عِنْدٜ جَوْمِرَاوٛ#کُوطٜ نٜلَاࢡٜ 18‏:2؞؞ 20دٜىٰرْطِرَاࢡٜ وٛنْࢡٜ حَا طٛ ڢُو کٛوڢْنِ عٛنْ؞

کٛوڢْنِنْدِرٜ، کَرْلٛتِرٜ بَنَ نٛ طُمْ حَانْدَنِ سٜنَاࢡٜ؞

21ندَا کٛ مبِنْدُمِ بٜى جُنغٛ عَمْ‏: مِنْ ݠٛلْ مِحٛوڢْنِ عٛنْ؞

22تٛ غٛطّٛ يِطَا جَوْمِرَاوٛ بٜى ࢡٜرْندٜ وٛورٜ، عٛلَاتٛ نَالَاطٛ‏! «مَرَنَتَ» وَاتٛ وَرْ، يَا جَوْمِرَاوٛ عَمِنْ‏!

23مٛعّٜرٜ جَوْمِرَاوٛ مٜىٰطٜنْ عِيسَى وٛنْدُ بٜى مٛوطٛنْ؞ 24يِيدٜ عَمْ طٛنْ تَبِتَنِ عٛنْ ڢُو ندٜرْ عِيسَى اَلْمَسِيحُ؞

Currently Selected:

1 کٛرِنْتُعٜنْ 16: داَ

Highlight

Copy