PANGUNGKAPON Bindu 15
Bindu 15
Ende ni angka naung monang 1-4.
Pitu saoan pangarimasan 5-8.
I. 1Dung i huida ma di banua ginjang tanda na asing na balga jala halongangan: Adong ma pitu surusuruan, na umpeop pitu haporsuhon na parpudi; ai di bagasan i do marujung rimas ni Debata. #3Mus 26:21; Pgk 12:1, 3 2Jadi huida ma laut sada songon sorminan, na marsaor api; na jongjong do di topi laut sorminan i angka naung monang maralohon binatang i nang taringot tu gombaranna dohot bilangan ni goarna, ditiop do angka hasapi ni Debata. #Pgk 4:6, 5:8, 13:15, 18 3Jadi diendehon nasida ma ende ni Musa, naposo ni Debata, dohot ende ni Birubiru i, angka ninna ma: Na balga jala halongangan do angka ulaonmu, ale Tuhan Debata. Sigomgom saluhutna; na tigor jala na sintong do angka dalanmu, ale Raja ni angka bangso! #2Mus 15:1-27; Ps 111:2, 139:14, 145:17 4Tung ise ma na so mangkabiari Ho, ale Tuhan, dohot pasangaphon Goarmu? Ai sasada Ho do na badia; ai na ro ma saluhut bangso marsomba tu jolom, ai nunga gabe patar angka panguhummu na tigor i! #Ps 86:9
II. 5Dung i huida ma, mungkap ma joro ni undungundung panindangion na di banua ginjang i. #Pgk 11:19 6Jadi ruar ma sian joro i na pitu surusuruan na umpeop haporsuhon na pitu i; haen na ias na marlinanglinang do diuloshon nasida, jala marhohos sere di pamatangna. #3Mus 26:21; Pgk 1:13 7Gabe dilehon sada sian na opat parngolu i ma tu na pitu surusuruan i pitu saoan sere, angka na gok rimas ni Debata, na mangolu ro di salelenglelengna. #Pgk 4:6-8, 14:10 8Jadi gok timus ma joro i, dibahen hasangapon ni Debata dohot hagogoonna; ndang tarbahen manang ise mambongoti joro i, paima marujung na pitu haporsuhon, sipatupaon ni surusuruan na pitu i. #2Mus 40:34; Jes 6:4; Hes 44:4
Currently Selected:
PANGUNGKAPON Bindu 15: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.