PSALMEN Bindu 4
Bindu 4
Si Daud mangido haluaon. Pamangkulingina tu musuna 2-6.
Nalom ni rohana mida Debata 7-9.
1Ende sian si Daud.
I. 2Sai alusi ma ahu, ale Debata ni * hatigoranku, ia hujou Ho, jala palumbang ahu jumpa hagogotan, asi ma roham di ahu, jala tangihon ma tangiangki. #* Ps 31:3, 71:2 3Ia hamu, * pinompar ni jolma, sadia leleng on do lea rohamu di hasahalaonki, sadia leleng on do haholongan ni rohamuna + na so hasea, jala dioronmuna gabus. Sela. #* Ps 62:10; + 1Sam 12:21 4Unang so boto hamu: * Marhasurungan do dibahen Jahowa angka hasianna, matua ditangihon Jahowa do, molo hujou Ibana. #* Ps 17:7 5Holsohon hamu hian ma, asa * unang dapotan dosa, ** marhusari ma rohamuna, dung ro + di podoman hamu, asa sonang hamu. Sela. #* Eps 4:26; ** Ps 77:7; + Ps 16:7 6Pelehon hamu ma * pelean hatigoran, jala + marhaposan tu Jahowa ma hamu. #* 5Mus 33:19; Ps 51:19, 21; + Ps 62:9
II. 7* Lan do angka ma mandok: Tung ise ma manumpakkon na denggan tu hita? Alai ale Jahowa, sai + pasondangkon ma tu hami sondang ni bohim! #* Ps 3:3, 30:8; + 4Mus 6:26 8Gumodang do las ni rohangku dilehon Ho, sian di nasida di hamamasa ni gotilon * eme dohot anggur na gabe situtu. #* Sak 9:17 9Sonang do ahu * hupapeak huhut mamintor nok; ai sasada Ho do, ale Jahowa, pasonang ahu maringanan. #3Mus 26:6; Ps 3:6
Currently Selected:
PSALMEN Bindu 4: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.