PSALMEN Bindu 1
Bindu 1
Jambar hatuaon ni angka partigor 1-3.
Hamagoan ni angka parjahat sogot 4-6.
I. 1Martua * ma halak, na so olo ** mangihuthon tahi ni angka parjahat, jala na so olo jongjong tu dalan ni angka pardosa, jala na so olo + sahundulan dohot angka pangarehei. #* Ps 119:1; ** Job 21:16, 34:8; Poda 4:14; + Ps 26:4; Jer 15:17 2Sai * patik ni Jahowa do lomo ni rohana, jala sai i do + dipingkiri rohana arian dohot borngin. #* Ps 112:1, 119:35, 47, 70, 97; + 5Mus 6:7; Jos 1:8 3Songon * hau do ibana, na sinuan di topi ni batang aek, na marparbuehon parbuena di hajujumpang ni tingkina + bulungna pe ndang olo malos, jala sude na niulana manjadi do. #* Ps 92:13-16; Jer 17:8; + Hes 47:12
II. 4Alai ndang songon i anggo pangalaho ni angka parjahat, songon orbuk, na hinabangkon ni alogo do nasida. #Job 21:18; Ps 35:5; Hos 13:13 5Dibahen i ndang manahan angka parjahat i maradophon paruhuman, manang tarbahen angka pardosa jongjong di luhutan ni angka na tigor roha. #Mat 25:32, 41 6Ai * ditanda Jahowa do dalan ni angka na tigor roha i; alai matua laho lonong do anggo dalan ni angka parjahat. #* Job 23:10; Ps 37:18; 2Tim 2:19
Currently Selected:
PSALMEN Bindu 1: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.