PSALMEN Bindu 149
Bindu 149
Ende pujipujian ni huria ni Jahowa na monang i 1-9.
1Halleluya.
Endehon hamu ma * di Jahowa sada ende na imbaru, pujipujianna di bagasan luhutan ni angka na niasian! #* Ps 96:1 2Marlas ni roha ma Israel mida * Sitompa ibana, marolopolop ma angka anak ni Sion mida + rajanasida i! #* Ps 100:3; + Ps 93:1 3Ingkon pujionnasida ma goarna marhaliang arbap, mardongan sordam dohot sarune pujionnasida Ibana! 4Ai lomo do roha ni Jahowa mida bangsona, dipahei do angka na dangol marhitehite hatuaon. #Ps 147:11; Jes 62:4 5Marolopolop ma sogot angka na niasian di bagasan hamuliaon, mariaia ma nasida di atas podomannasida i. 6Angka ende hatimbulon ni Debata do di bagasan aruarunasida, jala podang sidua baba do di tangannasida. 7Laho patupahon partubolon tu angka parbegu, angka paminsangon tu angka bangso. #Pgk 2:26 8Laho tarihot angka rajanasida dohot rante, jala angka na sangap sian nasida dohot angka bostang bosi. 9Asa pasonggophon tu nasida uhum na tarsurat i. Hamuliaon ma i di sude angka na niasianna. Halleluya!
Currently Selected:
PSALMEN Bindu 149: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.