PSALMEN Bindu 132
Bindu 132
Pangkalungunhon ni si Daud pajongjongkon sada joro Debata 1-10.
Bagabaga ni Debata tu si Daud 11-18.
(Patud. 2Sam 7:12-16)
Ende hananangkok.
I. 1Sai ingot ma, ale Jahowa, di si Daud sude angka parniahapanna! 2Na marmangmang i ibana tu Jahowa, marbagabagahon tu Sipargogoi Jakkob: #2Sam 7:1-29 3Molo tung bongotanku undungundung ni bagashu, molo tung panaehonku podoman hapeahanku. 4Molo tung loasonku tarnono matangku manang tung podompodom bolak langkop ni matangku. #Poda 6:4 5Paima jumpang ahu sada ojahan di Jahowa, sada inganan di Sipargogoi Jakkob. #Ul 7:46 6Ida ma, nunga itabege barita ni poti parpadanan di Eprata, nunga jumpang hita di * ladang ni si Jaar. #* 1Sam 7:16; 2Sam 6:13 7Antong itabongoti ma angka ingananna i, marsomba ma hita tu jolo ni sidegedegean ni totna! #Ps 99:5 8Hehe ma Ho, ale Jahowa, mandapothon paradiananmu, Ho dohot poti hamuliaonmu! #4Mus 10:35-36; 2Kron 6:41-42 9Sai marpangkean hatigoran ma angka malimmi jala marolopolop angka na niasianmu. #Jes 61:10 10Ala ni si Daud, naposomi, unang tulakkon bohi ni na miniahanmu! #Ps 84:10
II. 11Nunga pola * diuarihon Jahowa hasintongan tu si Daud, ndang tagamon ubaonna: Sian pinomparmi do pabangkitonku di ho nampuna habangsa i. #* 2Sam 7:12-13; Ps 89:4-5 12Molo tung diradoti angka anakmu padan na hubahen i, dohot panindangionku na huajarhon tu nasida, anaknasida pe sai hundul do di habangsam ro di salelenglelengna. 13Ai nunga dipillit Jahowa Sion, dipangido rohana naeng maringanan disi. #Ps 68:17, 76:3, 78:68-72 14On do paradiananku ro di salelenglelengna, dison do Ahu naeng maringan, ai hasudungan ni rohangku do i. 15Sai pasupasuonku do bohalna i, pamahaponku do angka na pogosna i mangan roti. 16Jala bahenonku do angka malimna i marpangkean hatuaon, jala ingkon mariaia do angka na niasianna i. 17Patimbulonku ma disi sada * tanduk di si Daud, paradehon sada + palito di na miniahanku na miniahan. #* Ps 89:25; Luk 1:69; + 1Raj 11:36 18Bahenonku ma ianggo angka musuna * marulos haurahon, alai marlinanglinang ma ianggo di uluna tumpalna i. #* Job 8:22
Currently Selected:
PSALMEN Bindu 132: BBC
Highlight
Share
Compare
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.