PODA SIAN RAJA SALOMO Bindu 10
Bindu 10
Pamusatan ni angka torsa sipaingot. Angka poda hatigoran 1-32.
Angka torsa ni si Salomo.
1Anak na pistar palas roha ni amana, alai anggo anak na bodo arsak ni roha ni inana. #Poda 15:20, 17:21, 25 2Ndang marguna angka arta hajahaton, alai anggo hatigoran paluahon sian hamatean. #Poda 11:4; Hes 7:19 3Ndang tagamon * haraparon tondi ni partigor loason ni Jahowa, alai anggo hisap ni angka parjahat, disundati do. #* Ps 37:19, 25 4Marpogospogos ma manang ise na langgus mulaulaon, alai anggo tangan ni angka na padot parohon hamoraon. #Poda 6:6-11, 12:24, 27, 19:15, 28:19 5Manang ise na papungupunguhon di partaonan logo ni ari, i ma anak na marroha; alai manang ise na redem di hamamasa ni gotilon, i ma anak jea. 6Angka pasupasu do songgop tu ulu ni partigor; alai anggo pamangan ni halak parjahat hungkupan ni haurahon do. 7Parningotan ni partigor mangkorhon pasupasu, alai anggo * barita ni halak parjahat, sai na busuk do. #* Job 18:17; Ps 9:6, 112:2 8Parroha na bisuk manjalo pangajaran, alai anggo pardila na oto sai na pidom do. 9Manang ise ma marpangalahohon hadaulaton, sai na marsihohot di dalanna, alai manang ise na pageduk dalanna botoon ni halak do i. 10Manang ise na * mangkidophidopi mambahen hajepolon; jala pardila na oto, sai na pidom do. #* Poda 6:13 11Mual ni hangoluan do ianggo pamangan ni partigor; alai anggo pamangan ni halak parjahat hungkupan ni haurahon do. #Poda 10:31, 13:14 12Hosom pahehe parbadaan, alai * saluhutna hasalaan di hungkupi roha holongi do. #* 1Kor 13:4; 1Ptr 4:8 13Di bibir ni halak na marroha i jumpang halak habisuhon, alai matua hotang tama tu tanggurung ni na hurang roha. 14Ia halak na bisuk marhohomhon parbinotoan, alai anggo pamangan ni na oto manahopi hamagoan. 15Artana i do huta na gonting di roha ni na mora, alai hapipidom ni angka na parir do hapogosonnasida i. #Poda 18:11 16Na niula ni partigor gabe hangoluan, alai anggo na niomo ni * parjahat gabe dosa do. #* Luk 16:19 17Mardalan di * lapang tu hangoluan do manang ise na mangaramoti pangajaran, alai manang ise na manjua pinsangpinsang, na mangaliluhon do. #* Poda 2:19, 5:6 18Manang ise na mananom roha hosom, pardila sipaotooto do i; alai manang ise na pararat pangkataon tundal, halak na oto do i. 19Di bagasan hinadeak ni hatahata, ndang holang adong sala; alai manang ise na mangkongkangi bibirna, i ma na marroha. #Mat 12:36 20Tudoshon perak na pita do dila ni partigor, alai anggo roha ni halak parjahat, ndang hanopan. 21Bibir ni partigor marmahan torop halak, alai anggo halak na oto i haotoon ni rohana do di hamatehon. 22Pasupasu ni Jahowa do mambahen mamora, jala ndang mardongan hangaluton dibahen. #Ps 37:22, 127:2 23Hira meammeam do di roha ni na oto mangulahon getegete, suang songon i do halak parhapistaran mangulahon habisuhon. #Poda 14:9 24Na * hinabiaran ni parjahat, i do songgop tu ibana, alai + pinangido ni roha ni partigor dilehon Jahowa do. #* Poda 1:27; + Ps 37:4 25Songon pamolus ni habahaba, tompuna pesan parjahat i, alai anggo partigor i, hot do ro di salelenglelengna. 26Songon pangkorhon ni na asom tu ipon, jala songon timus tu mata, songon i do sigurbak ulu tu na marsuru ibana. 27Biar mida Jahowa mangudut ariari, alai jempek do anggo angka taon ni parjahat. #Poda 9:11, 14:27 28* Arop ni roha ni halak partigor manjadi las ni roha, alai tarhirim do ianggo + halak parjahat i di na niaropna. #* Ps 9:19; + Job 8:13 29Partanobatoan do di halak na daulat roha dalan ni Jahowa, alai hamagoan do ianggo di halak siulahon hajahaton. #Poda 3:26 30Ndang tarhutik * partigor i ro di saleleng ni lelengna, alai anggo + parjahat i, ndang maringan di tano on. #* Ps 112:6, 125:1; + Poda 2:22 31Pamangan ni partigor martumburhon hapistaran, alai anggo dila ni panggetegete ginsiron do. #Ps 37:30; Poda 10:11 32Angka bibir ni partigor umboto na patut dohononna, alai anggo pamangan ni halak parjahat getegete sambing do dihatahon.
Currently Selected:
PODA SIAN RAJA SALOMO Bindu 10: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.