NEHEMIA Bindu 3
Bindu 3
Manggogo ma nasida paulihon huta Jerusalem 1-32.
Halak Samaria marbulan naeng mangalo halak Jahudi 33-38.
I. 1Dung i hehe ma sintua ni malim Eliasib rap dohot angka malim hahaanggina i, pajongjongkon bahal birubiru, laos diparbadiai ma i jala dipajongjong angka pintuna, diparbadiai nasida ma i sahat ro di palaspalas Mea, sahat ro di palaspalas Hananel. #Neh 12:10; Sak 14:10; Joh 5:2 2Di lambungnasida muse mangula halak Jeriko, di lambung ni muse mangula si Sakur, anak ni si Imri. 3Alai anggo bahal pardengkean, pinompar ni si Sena pajongjongkon; dibahen nasida ma gulanggulangna, dipajongjong dohot angka pintuna ro di panggomalna dohot ransangransangna dipauli. 4Di lambungnasida muse mangumban si Meremot, anak ni si Uria, anak ni si Hakos; di lambungnasida muse mangumban si Mesulam, anak ni si Berekia, anak ni si Mesezabeel: Di lambungnasida muse mangumban si Sadok, anak ni si Baana. 5Di lambungnasida muse mangumban halak Tekoa, alai anggo halak na sangap sian nasida ndang ditarehon tangkuhukna mangunduk ulaon ni tuanna i. #Jer 27:8, 11; Rom 16:4 6Ia harbangan ni huta bagasan diumban si Joiada, anak ni si Pasea dohot si Mesulam, anak ni si Besodeia; digulanggulang nasida do i jala dipajongjong angka pintuna, ro di panggomalna dohot ransangransangna. 7Di lambungnasida muse mangumban si Melaja halak Gibeon i dohot si Jalon, halak Meronot i rap dohot angka baoa sian Gibeon dohot Mispa sahat ro di habangsa paruhuman ni pangarajai di bariba ni batang aek i. 8Di lambungna muse mangumban si Usiel, anak ni si Harhaia rap dohot halak panopa; di lambungna muse mangumban si Hanania, anak ni sada pande pauli miak na hushus; alai songon i dipasombu nasida Jerusalem sahat ro di parik na lambas. #Neh 12:38 9Di lambungnasida muse mangumban si Repaia, anak ni si Hur, induk ni satonga bagian Jerusalem. 10Di lambungnasida muse mangumban si Jedaia, anak ni si Harumap, tondong ni jabuna; di lambungna muse mangumban si Hantus, anak ni si Hasabneya. 11Alai dua talian do anggo diumban si Malkia, anak ni si Harim, dohot si Hasub, anak ni si Pahat-Moab, tole muse palaspalas pamurunan. #Neh 12:38 12Di lambungna muse mangumban si Sallum, anak ni si Hallohes, induk ni satonga bagian Jerusalem, ibana rap dohot angka boruna. #Neh 3:9 13Ia bahal rura diumban si Hanun dohot jolma isi ni Sanoa; dipajongjong nasida do i ro di pintuna, panggomalna dohot ransangransangna, pola saribu asta olat ni parik i sahat ro di bahal partangkalan. 14Alai anggo bahal partangkalan diumban si Malkia, anak ni si Rekab, induk ni bagian Bethakkerem; ibana pajongjongkon ro di pintuna panggomalna dohot ransangransangna. #Jer 6:1 15Ia bahal parmualan diumban si Sallum, anak ni si Kalhose, induk ni bagian Mispa; ibana pajongjongkonsa, manggulanggulangi, mambahen angka pintuna, panggomalna dohot ransangransangna; tole muse parik ni ambar Siloam mardonokkon porlak ni rajai, sahat ro di tagahambing angka na tuat sian huta ni si Daud. #2Raj 25:4; Neh 2:14, 12:37; Jes 8:6; Joh 9:7 16Dung ibana mangumban si Nehemia, anak ni si Asbuk, induk ni satonga bagian Betzur, sahat tu tondong ni parbandaan ni si Daud, sahat muse tu ambar na pinauli, sahat muse tu bagas ni angka ulubalang. 17Dung ibana mangumban halak Lepi, si Rehum, anak ni si Bani; di lambungna muse mangumban si Hasabya, induk ni satonga bagian Keila, bagianna i. 18Dung ibana mangumban angka hahaanggina si Baoa i, anak ni si Henadad, induk ni satonga bagian nari sian Keila. 19Di lambungna muse mangumban si Eser, anak ni si Jesua, induk di Mispa dua talianna patondong be laho nangkok tu bagas parsinjataan tungkan suhisuhi. 20Dung ibana mangumban mansai jugul si Baruk; anak ni si Sabai dua talianna sian suhisuhi sahat ro di pintu bagas ni sintua ni malim Eliasib. 21Dung ibana mangumban si Meremot, anak ni si Uria, tubu ni si Hakos dua talianna sian pintu jabu ni si Eliasib sahat ro di ujung ni jabu ni si Eliasib. #Esr 8:33 22Dung ibana mangumban malim, angka na maringan di tano adaran. 23Dung nasida mangumban si Benjamin dohot si Hasub tondong ni bagasna; dung nasida mangumban si Azaria, anak ni si Maaseia, tubu ni si Anania di lambung jabuna sandiri. 24Dung ibana mangumban si Binnui, anak ni si Henadad, dua talianna, olat ni jabu ni si Azaria, sahat ro di ujung ni suhisuhi. 25Ia si Palal, anak ni si Usai mangumban tondong ni suhisuhi dohot palaspalas, na tumimbo sian jabu ni rajai, mardonokkon alaman ni hurungan; dung ibana si Pedaya, anak ni si Paras. #Jer 32:2, 33:1 (26Alai anggo halak Netinim maringan do di Opel sahat ro di tondong ni bahal partuaehan tungkan hasundutan, sahat ro di palaspalas na timbo.) #Esr 7:7 27Dung nasida mangumban halak Tekoa, dua talianna, olat ni palaspalas na timbo i sahat ro di parik Opel. 28Olat ni bahal hoda mangumban angka malim, ganup tondong ni jabuna be. #2Raj 11:16 29Dung ibana mangumban si Sadok, anak ni si Immer tondong ni jabuna; dung ibana mangumban si Semaya, anak ni si Sekania, sijaga bahal habinsaran. 30Dung ibana mangumban si Hanania, anak ni si Selemia dohot si Hanun, anak ni si Salap paionom dua talianna. Dung ibana mangumban si Mesulam, anak ni si Berekia, tondong ni bilutna. 31Dung ibana mangumban si Malkia, anak ni panopa i sahat ro di jabu ni halak Netinim dohot partigatiga, tondong ni bahal parhalan, sahat tu bilut parginjang di suhisuhi. 32Anggo di holangholang ni bilut parginjang di suhisuhi dohot bahal birubiru mangumban angka panopa dohot partigatiga.
II. 33Alai dung dibege si Sambalat, tole hita hape pauli parik i, marsigorgor ma rimasna jala gusar situtu jala mangelak ma ibana di halak Jahudi. #Neh 2:19 34Ninna ma di adopan ni hahaanggina dohot angka parangan di Samaria, didok ma: Aha do ulaning na binahen ni halak Jahudi, angka na malasi? Pasombuonta nasida ulaning? Saut do ulaning nasida mamele? Marujung do i ulaning bahenonna manang andigan? Huaranna muse ulaning angka batu sian timbunan, angka naung minosokkon? #Ps 102:15 35Alai di lambungna do anggo si Tobia, halak Amoni, jala ninna ma: Loas didatdati nasida pauliulihon, sada pe antuasu manimbung parik batu i, pintor magargar do bahenonna. #And 5:18 36Iale Debatanami! Sai tangihon ma pangaleaina i di hami, jala baloshon tu ulunasida leanasida i, jala pasahat nasida ripe pupuson di bagasan tano habuangan! #Ps 7:17; Jes 37:17; And 3:61 37Jala unang ma marpangulahi roham mida hajahatonnasida i, jala unang nian sesa dosanasida i sian adopanmu! Ai nunga dipahehe nasida rimasmu di adopan ni halak na mangula. #Ps 32:1, 109:7, 14 38Alai sai hudatdati hami do pajongjongkon parik i, nunga pola mardomu sandok parik i satonga timbona, ai lam dihamurukkon situan na torop i ulaon i.
Currently Selected:
NEHEMIA Bindu 3: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.