NEHEMIA Bindu 10
Bindu 10
Goargoar ni halak angka sibahen sahap tu surat padani 1-29.
Angka siingotonnasida 30-40.
I. 1Jadi dung salpu saluhutna i marsihohot rohanami paratahon padan na hot, pola tarsurat jala disahap angka induknami, halak Lepi dohot malimnami. #Jes 26:13 2On do goargoar ni jolma angka na mambahen sahapna: Pangarajai si Nehemia, anak ni si Hakalia dohot si Sedekia. #Neh 1:1, 8:9 3Si Seraia, si Azaria, si Jeremia. 4Si Pashur, si Amaria, si Malkia. 5Si Hantus, si Sebania, si Malluk. 6Si Harim, si Meremot, si Obaja. 7Si Daniel, si Gineton, si Baruk. 8Si Mesulam, si Abia, si Mijamin. 9Si Maseia, Bilgai dohot si Semaya; malim do luhutna i. 10Alai anggo halak Lepi on do: Si Jesua, anak ni si Azanya, si Binnui sian angka anak ni si Henadad dohot si Kadmiel. 11Ia hahaangginasida on do: Si Sebania, si Hodia, si Kelita, si Pelaia, si Hanan. 12Si Mika, si Rehob, si Hasabya. 13Si Sakur, si Serebia, si Sebania. 14Si Hodia, si Bani, si Beninu. 15Angka induk ni bangso i on do: Si Paras, si Pahat-Moab, si Elam, si Jattu, si Bani. 16Si Buni, si Asgad, si Bebai. 17Si Adonia, si Bigpai, si Adin. 18Si Ater, si Hiskia, si Assur. 19Si Hodia, si Hasum, si Bisia. 20Si Harip, si Anatot, si Nebai. 21Si Magpias, si Mesulam, si Hesir. 22Si Mesezabeel, si Sadok, si Jadua. 23Si Pelatia, si Hanan, si Anaya. 24Si Hosea, si Hanania, si Hasub. 25Si Halohes, si Pilha, si Sobek. 26Si Rehum, si Hasabna, si Maseia. 27Si Ahia, si Hanan, si Anan. 28Si Malluk, si Harim dohot si Baana. 29Tole muse pasipasi ni bangso i, angka malim, halak Lepi, angka sijaga pintu, angka parende, angka Netinim, ro di sude halak na pulik dirina sian angka bangso marluatluat, naeng mangihuthon tu patik ni Debata rap dohot jolmanasida, anaknasida dohot borunasida, sude tahe angka na umboto mangantusi patik i. #Esr 2:70, 6:21
II. 30Sude nasida marsahata dohot hahaangginasida i, angka na sangap i, rap ro nasida pola marbulan jala maruari, ingkon marparange nasida di bagasan patik ni Debata, naung nilehonna marhite sian pamangan ni si Musa, naposo ni Debata, jala ingkon radotan jala ulahononnasida sude tona ni Jahowa, Tuhanta i, angka uhumna pe dohot aturanna. #Esr 10:3, 5; Neh 10:1 31Jala na so tupa be lehononnami borunami tu angka bangso ni tano i, manang buaton ni anaknami borunasida i. #2Mus 34:16; 5Mus 7:3 32Jala tung sura dipamboan angka bangso ni luat i boniagana dohot tuhortuhoran marragamragam di ari Sabbat naeng gadisonna, na so tupa buatonnami sian nasida anggo di ari Sabbat manang di ari na badia pe; tole papitutaonhon ingkon taon haluaon do i, na so tupa hamu martunggu utang anggo disi. #2Mus 23:11; 5Mus 15:1-2; 2Kron 36:21; Neh 13:15-16; Am 8:5 33Angkup ni laos hami sandiri mambahen angka patik tu hami, ingkon lehononnami ganup taon sapartolu sekkel manumpak ulaon di joro ni Debatanta. #2Kron 24:6 34Pangkeon do i tu roti na marhadohoan, tu pelean sipanganon ariari dohot tu pelean situtungon ariari, di ari Sabbat, di poltak ni bulan, di angka ari raya dohot tu ulaon na badia angka na asing dohot tu pelean pardosaon bahen pardengganan di Israel, ro di sude ulaon di bagasan joro ni Debatanta i tumpahanna. #2Kron 2:3 35Angkup ni mandabu tondung do hami taringot tu soban silehonlehon ni angka malim, halak Lepi dohot situan na torop i, asa huboan hami do i tu joro ni Debatanta, mangihuthon partubunami marompuompu, di tingki angka na binuhul ganup taon, laho tutungon di atas langgatan ni Jahowa, Debatanta i songon na tarsurat di bagasan buku patik. #3Mus 6:5; Neh 13:31 36Tole muse ingkon boanonnami ganup taon patumonaan ni haumanami, dohot patumonaan ni nasa parbue ni hau ganup taon, tu joro ni Jahowa. #2Mus 23:19, 34:26; 3Mus 19:23; 4Mus 18:32; 5Mus 26:2-11 37Tole muse angka anak buhabajunami dohot buhabaju ni pinahannami, songon na tarsurat di bagasan buku patik; tole muse angka buhabaju ni lombunami dohot birubirunami, ingkon boanonnami do i tu joro ni Debatanta, tu malim angka na marhalado di bagasan joro ni Debatanta. #2Mus 13:2, 12-13 38Ingkon boanonnami huhut patumonaan sian itaknami dohot sian peleannami sitatingan dohot sian sude parbue ni hau, sian anggur dohot sian miak tu angka malim, tu bagasan angka bilut di joro ni Debatanta, tole muse saparsampulu sian gogo ni haumanami tu halak Lepi, alai ingkon halak Lepi sandiri papungupunguhon parsampuluan i di saluhut huta parhaumaannami. #3Mus 23:19; 4Mus 18:21; 5Mus 18:4; Neh 10:40, 12:44 39Malim pe, pinompar ni si Aron, ingkon dongan ni halak Lepi, molo laho halak Lepi mangido parsampuluan i, jala ingkon boanon ni halak Lepi muse saparsampulu sian parsampuluan i nangkok tu joro ni Debatanta, tu bagasan angka bilut ni bagas parpeopan arta. #4Mus 18:26, 28 40Ai ingkon tu bagasan angka bilut i boanon ni halak Israel dohot halak Lepi angka pelean tatingan sian eme, anggur dohot miak; ai disi do angka ulaula na badia i dohot malim angka na marulaon, tole angka sijaga pintu dohot angka parende; jala na so tupa tadingkononnami joro ni Debatanta i. #1Kron 22:19; Neh 13:9-11
Currently Selected:
NEHEMIA Bindu 10: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.