PANURIRANG MALEAKI Bindu 3
Bindu 3
Panurirangon taringot tu haroro ni na pinorbagabaga ni Debata sogot dohot sitotas dalanna 1-4.
Sai na ro do Jahowa sogot mandabu uhum. Dibahen i digogo do mandokkon paubahon roha dohot mangalehon saparsampulu ro di pelean 5-12.
Pamelok ni Debata di halak na daulat roha sian halak parjahat 13-18.
Porsirangan bolon di haroro ni na pinorbagabaga ni Debata 19-22.
Haroro ni Elia sogot 23-24.
I. 1Ida ma, * suruanku ma suruanku, asa dipadiri dalan di jolongku. Dung i tompu ma ro tumopot jorona Tuhan, na niluluanmuna dohot suruan ni parpadanan na hinalungunhonmuna. Ida ma, na ro ma ibana, ninna Jahowa Zebaot. #* Mat 11:10; Mrk 1:2; Luk 1:17, 75, 7:27 2Alai tung ise ma manahan di ari harorona i? Jala tung ise ma manahan jongjong, molo dipataridahon ibana dirina? * Ai songon api na panopa do ibana, jala songon + sabun ni panunsi. #* Jes 1:25; Sak 13:9; + Jer 2:22 3Jadi hundul ma ibana hira sipangalala dohot sipapita perak, asa papitaonna * halak Lepi, jala lalaonna nasida laho papitahon songon sere dohot songon perak, asa gabe siboan + pelean sipanganon nasida tu Jahowa di bagasan hatigoran. #* Hes 44:15; + Ps 51:21 4Jadi tarbahen Jahowa ma mangkalomohon pelean sipanganon binahen ni Juda dohot Jerusalem, songon uju di angka taon mulamula.
II. 5Jadi jumonok ma ahu tu hamu laho manguhum, gabe sitindangi na doras dompak halak parsibalik mata dohot dompak halak pangalangkup dohot dompak halak sitolon na tutu dohot dompak * halak pangarupa umpogo upa ni halak sipangan gaji dohot dompak halak na paeleng uhum tu na mabalu dohot na tading di lampin ro di halak na buro, ia ahu ndang dihabiari, ninna Jahowa Zebaot. #* 2Mus 22:22; 3Mus 19:13; Jak 5:4 6Ai * ndang mubauba anggo ahu Jahowa, hamu pe ale angka anak ni si Jakkob, ndang tagamon sun siap hamu. #* 4Mus 23:19; Ps 33:11; Poda 19:21 7Olat ni ariari ni ompumuna, sai manimbil do hamu sian angka patikku, jala ndang diradoti hamu; * mulak ma hamu tu ahu, asa mulak ahu tu hamu, ninna Jahowa Zebaot. Hape didok hamu do: Taringot tu aha hami mulak? #* Sak 1:3 8Tung tarpaotooto jolma ma Debata, umbahen naeng paotootoonmuna ahu? Hape didok hamu dope taringot tu aha hupaotooto hami ho? Taringot tu * pangalehon di saparsampulu dohot di pelean santisanti. #* Neh 13:10 9Tung di bagasan * panginonaan ni bura do hamu ala dipaotooto hamu ahu, tung sandok bangso i do. #* Hag 1:6 10Taruhon hamu ma sintong parsampuluan i tu * bagas parpeopan, asa adong bohal di bagasan jabungku, jala unjuni hamu ahu taringot tusi, ninna Jahowa Zebaot, manang so ungkaponku di hamu angka + pandiloan ni langit, jala mangusehon tu hamu gabe maradu marlobilobi. #* Neh 13:5; + 1Mus 7:11; 2Raj 7:2, 19 11Jadi manorui ma ahu tu sihapor panggagat manatap hamu, asa unang be diago parbue ni tano i di hamu, jala unang mago partaonan ni hau anggur di ladang manatap hamu ninna Jahowa Zebaot. 12Jadi parhatuaon ni saluhut bangso parbegu ma hamu, ai gabe * tano hasudungan do hamu, ninna Jahowa Zebaot. #* Jes 62:4; Dan 11:16; Sak 7:14
III. 13Dipabalga hamu do hatahatamuna dompak ahu ninna Jahowa. Hape lam didok hamu dope: Tung aha ma hatahatanami dompak ho? 14Didok hamu do: Ndang adong labana oloan Debata, tung aha ma parlabaannami ala huradoti hami tonana, jala martujung hami di adopan ni Jahowa Zebaot? #2Raj 6:33; Job 21:15; Ps 73:13-14; Sak 3:7 15Nuaeng pe ianggo hami angka halak na jungkat do huparhatua hami; tongon tahe, lam mardohar do angka siulahon hajahaton; gari Debata di unjuni nasida do, hape malua do nasida sian jea. 16Alai tahe masipaingotan ma angka sihabiari Jahowa sama nasida; gabe ditatap Jahowa nasida jala ditangihon, jala tarsurat di adopanna * sada buku parningotan di halak angka sihabiari Jahowa dohot angka na pasangap goarna. #* Pgk 20:12 17Jadi ahu ma * nampuna nasida, ninna Jahowa Zebaot, ** di ari sijadionku, jala marpangkehe ahu tu nasida, songon + pangkaehe ni amaama tu anakna na mangoloi ibana. #* 2Mus 19:5; 5Mus 7:6; ** Ps 118:24; Sak 14:7; + 5Mus 8:5 18Dung i mulak ma rohamuna, jadi idaonmuna ma hasurungan ni halak partigor martimbangkon halak parjahat, hasurungan ni halak sioloi Debata, martimbangkon halak na so mangoloi ibana.
IV. 19Ai ida ma, na ro ma ari na marsigorgor, songon pamurunan, jadi doshon durame sude halak na jungkat dohot halak siulahon hajahaton, gabe marsijembur ma nasida bahenon ni ari na ro sogot, ninna Jahowa Zebaot, ndang adong tadingkononna di nasida nang urat, nang ranting. #Mal 3:2 20Alai binsar ma anggo di hamu, angka na mangkabiari goarhu * mata ni ari ni hatigoran mardongan hahisaron di linggom ni habongna, gabe ruar ma hamu jala panihalnihalon songon anak ni lombu, angka na ruar sian bara. #* Jer 23:6; Luk 1:78 21Jadi degedegeonmuna ma halak parjahat, ai doshon sirabun nasida sogot ditoru ni palak ni patmuna, * di ari sibahenonku, ninna Jahowa Zebaot. #* Mal 3:17 22Sai paingotingot hamu ma patik ni si Musa, naposongki, na hupatolhas tu ibana uju di * Horeb tu sandok Israel, angka patik dohot uhum. #* 5Mus 4:10
V. 23Ida ma, * suruanku ma tu hamu panurirang Elia, + patujolo ni haroro ni ari ni Jahowa na bolon, jala na songkal i. #* Mat 11:14, 17:11-13; Mrk 9:11; + Joel 3:4 24Asa * ibana paulakkon roha ni amaama tu angka anakna, jala roha ni angka dakdanak tu amanasida, asa unang ro ahu mangkonahon uhum hamagoan tu tano on. #* Luk 1:17
Currently Selected:
PANURIRANG MALEAKI Bindu 3: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.