JOB Bindu 42
Bindu 42
Si Job paunduk jala manolsoli rohana ala pambahenanna na sai laon 1-6.
Mangonai hata Debata tu aleale ni si Job sitolu halak i, tangiang ni si Job na ma hangoluannasida 7-9.
Si Job mangulahi mardohar situtu 10-17.
I 1Dung i ninna si Job ma mangalusi Jahowa: 2Nuaeng pe asa huboto, tung * guru dokmu do luhutna, jala ndang hasundatan sangkap ni roham nanggo sada. #* Ps 135:5-6; Jer 32:17 3* Ise do ibana na paholom tuptupan so marpanimbangaon? ** Tongon tahe, nunga huhatahon tutu na so huantusi; halongangan do angka i, + salpu sian rohangku jala na so huboto. #* Job 38:2; ** Poda 28:13; 1Joh 1:9; + Ps 40:6, 73:16, 131:1 4Ua tangihon ma, naeng ahu mangkatai; adong do naeng sungkunonku tu Ho, asa Ho pabotohon tu ahu. #Job 13:22, 38:3, 40:7 5Nunga nian dibege pinggolhon lingona taringot tu Ho, alai anggo nuaeng nunga dohot * matangku marnida Ho. #* Job 38:1; Rom 1:19-20 6Dibahen i jora ma ahu jala husolsoli dagingku hundul di bagasan orbuk dohot sirabun. #Mat 11:21
II 7Jadi dung sun dihatahon Jahowa angka hata ondeng tu si Job, ninna Jahowa ma mandok si Elipas sian Teman: Nunga tung marsigorgor rimashu mida ho dohot mida alealem sidua halak i; ai ndang hata sintong dipaboa hamu taringot tu Ahu, songon na pinaboa ni * naposongku si Job i? #* Job 1:8, 2:3, 16:21 8Nuaeng pe, buat hamu ma di hamu * pitu lombu tombur dohot pitu birubiru tunggal, jala laho ma hamu manopot naposongku si Job, asa dipelehon hamu sada pelean situtungon manguras hamu, jala ** ditangiangkon naposongku si Jobi hamu. Jadi tataponku ma ibana, gabe ndang bahenonku tu hamu hombar tu haotoon binahenmuna i, ai ndang hata sintong dipaboa hamu taringot tu Ahu, songon na pinaboa ni naposongku si Jobi. #* 4Mus 23:1; ** 1Mus 19:21, 20:7; Job 22:30; Hes 14:14 9Dung i laho ma si Elipas sian Teman dohot si Bildad sian Sua dohot si Sopar sian Naema, jala dibahen nasida ma hombar tu hata ni Jahowa tu nasida. Jadi marpamuati ma roha ni Jahowa ala si Job.
III 10Dung i humosing ma dibahen Jahowa * parsorion ni si Job, uju na martangiang ibana mangondihon alealena, jala nasa arta na di si Job na jolo + silompit dua ditambai Jahowa. #* Job 7:12, 13:27; + Job 8:7 11Dung i ro be ma * sude hahaanggina dohot angka ibotona ro di sude donganna magodang manopot ibana, laos ** mangan sagusagu rap dohot ibana di bagasan jabuna, jala didok hata sipir ni tondina, huhut diapulapuli ibana taringot tu saluhut hinamago na pinaro ni Jahowa tu ibana, jala dilehon be tu ibana + sakesita dohot tintin sere sada be. #* Job 19:13-19; Luk 14:1; ** 1Mus 33:19; Jos 24:32; + 1Mus 24:22; 2Mus 32:3 12Dung i gumodang dipasupasu Jahowa si Job di ujungna sian na di mulana; ai sampulu opat ribu birubiruna, onom ribu untona, saribu pasang horbona, jala saribu halodena boruboru. #Job 1:3, 42:10; Hes 36:11 13Tubu muse pitu anakna dohot tolu boruna. 14Goar ni boruna sihahaan, i ma si Jemima, ia goar ni paidua si Kesia, ia goar ni paitolu si Keren-Hapuk. 15Dung i di sandok tano i ndang adong jumpang parompuan songon hinauli ni boru ni si Job i, jala dilehon amanasida tu nasida hauma bangunan di tongatonga ni angka ibotonasida. #4Mus 27:9-11 16Dung i mangolu dope si Job i saratus opatpulu taonnari, gabe sanga dope diida pahompuna dohot ninina pola opat sundut. #1Mus 50:23; Ps 128:6 17Dung i mate sarimatua ma si Job i jala mahap rohana di hangoluan on. #1Mus 25:8, 35:29
Currently Selected:
JOB Bindu 42: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.