JOB Bindu 12
Bindu 12
Sulam ni si Job patoluhalihon:
Dielak ibana habisuhon ni angka alealena 1-12.
Dipatorang habisuhon dohot sun ni hinagogo ni Debata tumangkas sian donganna 13-25.
I. 1Dung i ninna si Job ma mangalusi: 2Tongon tahe, hombal hamu do jolma, mate do habisukon i rap dohot hamu! 3Ahu pe marroha do, suang songon hamu, ndang pola talu ahu martimbangkon hamu, tung ise ma na so umboto mandok angka sisongon i? 4Ingkon gabe sirehereheon ni alealena sandiri do anggo ahu on, ahu na joujou tu Debata, jala na nialusanna antong, sireherehean do tongon ahu jolma na bonar jala na daulat marroha. #Poda 11:2 5Marro ni lea do tutu halak na dohar mida halak na marhinamago, rade do haleaon di halak naung tarsulandit totna. 6* Marhasonangan do undungundung ni halak pandobo, jala marpangatauan tu debata na binoanna di bagasan + tanganna do halak angka na pauruuru Debata. #* Ps 37:1, 73:12, 92:8; Jes 10:13-14; Hab 1:11, 16; + Jer 12:1 7Ua marpanungkun ma ho nian tu angka pinahan, asa nasida mangajari ho; tu pidong angka na di toru ni langit, asa nasida pabotohon tu ho. 8Pangkulingi nian tano on, asa i ma mangajari ho, dengke angka na di bagasan laut nian pajojorhonsa tu ho. 9Tung ise nian na so umbotosa taringot tu saluhutna i, paboa tangan ni Jahowa manjadihon luhutna i. 10Di bagasan tanganna do hosa ni nasa na mangolu dohot tondi ni nasa daging ni jolma. #4Mus 16:22 11Nda pinggol do tumanda hata, jala pamangan umboto dai ni sipanganon? #Job 34:2 12Matua di halak na tuatua nian luluan habisuhon, jala halak sigodang umur panungkunan poda. #Job 8:8
II. 13Mandapot di Ibana habisuhon dohot hagogoon, di Ibana do panuturion dohot panimbangon. #Poda 8:14 14Ida ma, Ibana mangarumpakkon, * gabe ndang be dapot paulion, Ibana + mangkurungkon sada baoa, gabe ndang adong na tuk paluahon. #* Mal 1:4; + Job 11:10; Jes 22:22; Pgk 3:7 15Ida ma, * Ibana maniopi aek gabe marsik luhutna i, Ibana muse + palungkashon, gabe marbalik tano on dibahen. #* 1Raj 17:1, 7; + 1Mus 7:19-23; Jes 44:27 16Mandapot di Ibana do hagogoon dohot hapantason, guru di Ibana jolma na lilu dohot na mangaliluhon. 17Ibana manogihon angka panuturi hira tabantaban, jala maoto angka panguhumi dibahen. #2Sam 17:14; Job 5:13; Jes 29:14, 44:25; Poda 21:30; 1Kor 1:20 18Ibana mangkarhari uhum roharoha ni angka raja, jala dihohoshon rante tu gontingnasida. 19Ibana manogihon angka malim bahen tabantaban, jala ditinggangkon tu tano halak na marhuaso. 20Ibana mangunsat pamollungon sian halak na pir tahak, jala dibuat panuturion sian halak na tuatua. #Job 12:12; Poda 16:1 21Ibana mangusehon * haleaon tu angka raja, jala + dipahondur hohos ni halak na begu. #* Ps 107:40; Jes 40:23; + Job 12:18 22Ibana papatarhon angka na buni sian haholomon, jala diboan do tu hatiuron linggoman ni hamatean. #Jes 29:15; Mat 10:26; Rom 13:12; 1Kor 4:5; 1Tes 5:5 23Ibana patimbulhon angka bangso, jala diago muse; Ibana pararathon angka bangso jala dipaundar muse. #Ul 17:26 24Ibana mangunsat roha sian angka partogi ni bangso di tano on, jala dililuhon nasida di halongonan soada dalan. #Ps 76:13, 107:4 25Jadi dadapdadap nasida di haholomon so marhatiuron, jala rabatrabat nasida dibahen songon halak na mabuk. #Job 5:14; Jes 19:14, 29:10
Currently Selected:
JOB Bindu 12: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.