PANURIRANG JESAYA Bindu 53
Bindu 53
Panurirangon taringot tu parniahapan ni Messias i humongkop donganna 1-7.
Taringot tu hasusun ni ulaonna na sumurung i 8-12.
I. 1* Tung ise ma nuaeng porsea di jamitanami? Jala + tangan ni Jahowa, tung ise ma naung tumandasa? #* Joh 12:38; Rom 10:16; + Jes 52:10 2Ai simbur do ibana tubu * songon tumbur di adopan ni bohina, jala songon tunas sian tano na mahiang. Ndang adong hinauli ni rupana manang hamuliaonna; ia huida hami ibana, ndang adong rupana umbahen sihalomohononhon ibana. #* Jes 11:1 3* Dileai jala dipasiding jolma do ibana, baoa na somal mangae pardangolan dohot sahit ibana, pola + ditabunihon halak bohina maradophon ibana, dibahen leana, jadi ndang pola hurajumi hami ibana. #* Ps 22:7-8; Jes 49:7; Mrk 9:12; + Job 19:13-15 4Tongon do angka sahitta * diusung ibana, jala angka pardangolanta diporsan; alai anggo rohanta mandok: + Debata do maminsang, mamungkul dohot pasipal ibana. #* Mat 8:17; Joh 1:29; + Ps 69:27 5Hape ala ni pangalaosinta ibana tartullang, binahen ni hajahatonta ibana mabugang. Ampe tu ibana pinsangpinsang parhitean ni hasonanganta, jala binahen ni bugangna malum itahilala. #Rom 4:25; 1Kor 15:3; 1Ptr 2:24 6Luhut do hita * lilu songon birubiru, ** ganup masitondong dalanna be, alai hajahaton ni hita sudena + dihonahon Jahowa tu ibana. #* 1Ptr 2:25; ** Jes 56:11; + 3Mus 16:21-22; 2Kor 5:21 7Dipasipal pe ibana, sai manaonnaon do anggo ibana, ndang manang mangkuling pamanganna, songon birubiru do ibana na tinogu tu pamotongan, jala songon anak ni birubiru na hohom maradophon jolma sigusting ibana, tung na so dibungka do pamanganna. #Ps 38:14; Jer 11:19; Mat 26:63; Joh 1:29; Ul 8:32-33; 1Ptr 2:23-25
II. 8Dung malua ibana sian pardangolan dohot sian uhum, tung ise ma na tuk * manjujur sundutna i? Ai + sirang pe ibana sian tano ni halak na mangolu, binahen ni pangalaosion ni bangsongku do mangonai pinsangpinsang i tu ibana. #* Rom 6:9; Heb 7:24-28; + Jer 11:19; 1Kor 15:3 9Rap dohot halak * parjahat hian tanomanna dilehon, hape rap dohot halak na mora ibana dung mate, ala na so + adong na so uhum diula jala ndang adong sipaotooto di bagasan pamanganna. #* Jer 26:23; Mat 27:57; + 1Ptr 2:22; 1Joh 3:5 10Alai dihalomohon Jahowa do parsipalna mangae sahit! Ia dung * dilehon hosana bahen pelean pardengganan, idaonna ma + boni jala paganjangonna ariarina, jala manjadi ma lomo ni roha ni Jahowa marhitehite tanganna. #* Mat 20:28; 2Kor 5:21; + 3Mus 5:1-26, 7:1-10; Ps 22:31 11Dung malua rohana sian halojaon, idaonna ma na pasabam rohana; torop ma halak * pintoran ni naposongku na tigor i marhitehite parbinotoanna, jala + porsanonna ma hajahatonnasida i. #* Rom 10:4; 1Kor 1:30; 2Kor 5:21; Plp 3:9; + Joh 1:29 12Dibahen i torop halak * lehononku bahen jambarna, jala marbagi tabantaban ibana rap dohot halak na marhuaso, ala naung ** sineahonna i hosana tu hamatean, jala + tarrajum ibana tu halak parjahat; ala naung ibana mangusung dosa ni torop halak, jala ++ diondihon halak parjahat. #* Ps 2:8; ** Jes 53:10; Joh 10:18; + Mrk 15:28; Luk 22:37; Joh 18:30; ++ Jes 59:16; Luk 23:34
Currently Selected:
PANURIRANG JESAYA Bindu 53: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.