PANURIRANG JESAYA Bindu 50
Bindu 50
Bolong pe Israel ala ni dosana do 1-3.
Urupan ni Jahowa do naposona na burju mangoloi ibana 4-11.
I. 1Songon on do hata ni Jahowa: Didia do * surat parsirangan ni inamuna, paboa naung hupaulak Ibana? Manang tung ise ma parutanganku, + panggadisanku di hamu? Ida ma, ala ni hajahatonmuna do hamu targadis, jala binahen ni pangalaosionmuna pinaulak inamuna i. #* 5Mus 24:1; Jes 54:6; + Jes 52:3 2Boasa tung ro ahu, hape ndang adong manang ise hudapot? Joujou ahu, hape ndang adong na mangalusi? Tung * na majempekku do huroha tanganku mambahen haluaon? Manang tung na so margogo ahu huroha paluahon? Ida ma, marhitehite pangasupingku + huarsik do laut, hubahen do angka batang aek gabe halongonan, gabe bau do angka dengke di bagasan, sian na soada aek, jala marmatean dibahen uas. #* 4Mus 11:23; Jes 59:1; + 2Mus 14:21 3Marulos haholomon hubahen angka langit, jala hori hubahen bulusanna. #2Mus 10:21
II. 4Nunga dilehon Tuhan Jahowa tu ahu * dila sisean, asa huboto pasabam roha ni na loja marhite sian hata i. Sai disungguli do ahu ganup sogot, dipatinggil pinggolhu marbinege, songon sisean. #* Mat 7:28-29, 11:28; Joh 8:28 5Nunga * dibungka Tuhan Jahowa pinggolhu, jala ndang manjengkeljengkel ahu, ndang sumurut ahu tu pudi. #* Ps 40:7 6Hutarehon do balik tanggurungku tu halak na mangalinsingi ahu dohot hurumhu tu halak na mamastapi, ndang hutabunihon bohingku maradophon haurahon dohot tijur. #Mat 26:67-68; Joh 19:1; Plp 2:8 7Alai Tuhan Jahowa do mangurupi ahu, dibahen i ndang tarurak ahu; ala ni hubahen do bohingku songon batu ping; ai huboto hian na so tagamon tarurak ahu. #Hes 3:8-9 8Jonok do ibana * na mamintori Ahu; ise naeng maruhum dohot ahu? Antong marluhut ma hita, ise suhut alongku maruhum? Dipajonok ma tu ahu. #* Rom 8:33 9Ida ma, sai urupan ni Tuhan Jahowa do ahu, tung ise ma na tuk manorui ahu? Ida ma, sude do nasida matua songon ulos, ngitngit manganhon nasida. 10Ise ma sian hamu na mabiar mida Jahowa, na tumangihon soara ni naposona, na mardalani di angka haholomon, jala ndang adong hatiuron di ibana? Dihaposi ma goar ni Jahowa jala marparsigantungan ibana tu Debatana. 11Ida ma, sude hamu angka na pagalak api, angka na marhampilhon sumbia na ginarahon, laho ma hamu tu bagasan apimuna na marjillamjillam i dohot tu angka sumbia na ginarahon, angka na pinagalakmuna. Sian tanganku masa songon i tu hamu; peak di bagasan angka haporsuhon do anggo hamu. #Jer 17:4
Currently Selected:
PANURIRANG JESAYA Bindu 50: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.