PANURIRANG HOSEA Bindu 8
Bindu 8
Paminsangon di pardebataon sileban ni Samaria 1-10.
Ndang lomo roha ni Debata mida pameleon na marsipaulaula 11-14.
I. 1* Bahen tu pamanganmu sarune i: ** Songon panoro ni lali songgop musu tu bagas ni Jahowa; + ala dilaosi nasida padan na hubahen i, jala manjahati nasida dompak patikki. #* Jes 58:1; Hos 5:8; ** 5Mus 28:49; + Hos 6:7 2Mangangguhi do nian Israel tu ahu: Ale Debatangku, hutanda hami do ho. 3Alai nunga ditulakkon Israel na denggan i: Leleon ni musu ma ibana nuaeng. 4Nunga dipampe nasida raja, alai * ndang marhite sian ahu; nunga dipabangkit nasida angka induk, hape ndang hutanda nasida. Perakna dohot serena dipauli nasida bahen ganaganaan di dirina ala ni siaphononhon do nasida. #* 1Raj 12:20; 2Raj 15:10, 14, 25, 30; Hos 2:10 5Nunga dibolongkon ibana * lombumu, ale Samaria! Nunga marsigorgor rimashu dompak nasida. Sadia leleng on tagamon so tarbahen nasida pita. #* 1Raj 12:28 6Ai sian Israel do haroroan ni, panompa i do mambahensa, jala ndada i Debata, * ai gabe tanggotanggo do sogot lombu ni Samaria. #* 2Mus 32:20 7Ai nunga * disaburhon nasida alogo, jadi habahaba gotilonna sogot, ndang marbiur emena i, ndang maritak biurna i; tung sura pe adong diparbuehon, halak sileban do umpolgaksa sogot. #* Jer 12:13 8Nunga tarbondut Israel tahe! Gari nuaeng nunga nasida di tongatonga ni angka parbegu, * songon ulaula na so tarhalomohon roha ni jolma. #* Jes 30:14; Jer 22:28 9Ala na nangkok i nasida tu * Assur, songon halode harangan na riar, na so tarpajinak; mangalehon + upa parmainanon do anggo Epraim. #* Hos 5:13, 7:11; + Hes 16:33 10Alai atik pe mangalehon upa nasida tu angka bangso parbegu, magira ma papunguonku nasida, asa mamungka otik nasida binahen ni rodi ni raja ni angka pangarajai.
II. 11Ala naung ditambai Epraim angka langgatan laho mardosa, mangala dosa ma angka langgatan i tu ibana. 12Marloksaloksa pe patikku husurathon tu ibana, hira hata sileban do i dietongi rohanasida. 13Dipotongi nasida * angka pelean situtungon tu ahu, hira jagal hian, laos nasida manganhon, alai ndang dihalomohon Jahowa nasida. Ingotonna ma nuaeng hajahatonnasida, jala luluhononna dosanasida: + Mulak tu Misir ma nasida. #* Jes 1:11, 66:3; Hos 6:6; + 5Mus 28:68; Hos 9:3 14Ai nunga dihalupahon Israel sitompa ibana, jala dipauli angka joro tu begu, jala nunga dipatamba Juda huta angka na gonting. Jadi tongosonku ma * api tu bagasan angka hutana, laos suda panganonna bagasna angka na bolon i. #* Jer 17:27; Am 2:5
Batak Toba Bible Revised Edition © Indonesian Bible Society, 1998.