1 TESSALONIK Bindu 1
Bindu 1
Mauliate ni apostel i ala ni haporseaon ni huria i na tarbarita 1-10.
1Ahu surat tinongos ni si Paulus, si Silwanus dohot Timoteus mandapothon huria Tessalonik na di bagasan Debata Ama dohot Tuhan Jesus Kristus: Asi ni roha ma di hamu dohot dame! #Ul 16:19, 17:1, 10; 2Tes 1:1 2Na mandok mauliate do hami tongtong tu Debata siala hamu saluhutna; ai hutaringoti hami do hamu di tangiangnami. 3Ai ndang mansadi hami marningot ulaonmuna na sian haporseaon dohot halojaonmuna na sian holong ni roha i ro di habengetonmuna na sian roha na mangkirim di Tuhanta Jesus kristus, i ma maradophon Debata Amanta. #1Kor 13:13 4Ai huboto hami do, ale angka dongan na hinaholongan ni Debata: Angka naung tarpillit do hamu. #Kol 3:12 5Ai ndada marhitehite hata sambing ro barita na uli, na hupaboa hami tu hamu, tung mardongan hagogoon do dohot Tondi Parbadia, angkup ni hiras ni roha godang; ai diboto hamu do antong pangalaho ni hami na ro i tu hamu humongkop hamu. #1Kor 2:5 6Jadi nunga gabe paniru hamu di hami dohot di Tuhan i, ai marlas ni roha na sian Tondi Parbadia do hamu manjalo hata i di bagasan haporsuhon godang. #1Kor 4:16 7Pola gabe sitiruon hamu di saluhut dongan na porsea, angka na di luat Makedonia dohot Akaya. #1Tes 4:10 8Ai sian hamu do marlupuk hata ni Tuhan i, ndada holan tu luat Makedonia dohot Akaya; tung tu saluhut luat do tarbarita haporseaonmuna di Debata, asa ndang pola be taringotannami anggo i. #Rom 1:8 9Ai dibaritahon nasida do nang dalannami masuk tu hamu, nang dalanmuna mulak tu Debata, tumadingkon angka ajiajian laho mangoloi Debata na mangolu jala na sintong i. #Ul 14:15; 1Kor 12:2 10Na maimaima nama hamu di haroro ni Anakna sian banua ginjang i, dung dipahehe sian angka na mate, i ma Jesus, na paluahon hita sian rimas na naeng ro i. #Tit 2:13
Currently Selected:
1 TESSALONIK Bindu 1: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.