1 KORINT Bindu 5
Bindu 5
Sipaduruon do parmainan tu balian ni huria 1-5.
Sipasidingon do hajahaton 6-13.
I. 1Tarbege do, masa parmainanon di hamu; jala gari di sipelebegu, gari so masa sisongon i, pola diparjolma nioli ni amana. #3Mus 18:7-8 2Tong dipatimbo hamu do dirimu; nda balik marsak ma nian hamu, asa pinabali sian tongatongamuna na mangulahon na songon i! 3Ai anggo ahu, nang holang pamatangku, di tongatongamuna do ahu mangihuthon partondion: Nunga songon na di tongatongamuna ahu, manguhum na mangulahon sisongon i: #Kol 2:5 4Marhitehite Goar ni Tuhan Jesus, di na pungu hamu dohot tondingku, mardongan hagogoon ni Tuhanta Jesus. #Mat 16:19, 18:18; 2Kor 13:10 5Pasahaton ibana tu sibolis, laho mangago dagingna, anggiat malua tondina di ari ni Tuhan Jesus. #1Tim 1:20
II. 6Ndang denggan baritamuna. Ndang diboto hamu: Otik pe na asom i, diasomi do sude na niudi i? #Gal 5:9 7Ias ma pabali hamu asom naung leleng i, asa na niudi na imbaru hamu, ai ndang na niasoman hamu. Ai nunga pola dibunu Birubiru paska humongkop hita, i ma Kristus. #2Mus 13:7; 1Ptr 1:19 8Onpe, marpesta ma hita di bagasan hapolinon dohot hasintongan, unang ma marhitehite pangasomi hajahaton jala haroaon naung bari. #2Mus 12:3-20 9Nunga husurathon tu hamu: Na so jadi saor hamu dohot angka parmainan. #Mat 18:17; 2Tes 3:14 10Ndang hudok sude parmainan na di portibi on ro di angka parangat dohot pandobo dohot sioloi ajiajian; aut i, ingkon ruar nama hamu sian portibi on. 11On do tahe hudok di surat i: Na so jadi saor hamu dohot halak na targoar dongan, hape parmainan do ibana, manang parangat, manang sioloi ajiajian, manang panginsahi, manang siparmabuk, manang pandobo pe; gari mangan rap dohot sisongon i, gari so jadi. #2Tes 3:6; Tit 3:10; 2Joh 1:10 12Ai marhua ma ahu manguhum angka na di ruar (ni huria; nda angka na di bagasan siuhumonmuna!) #Mrk 4:11 13Uhumon ni Debata do angka na di ruar. Pabali hamu ma siparjahat i sian tongatongamuna! #5Mus 13:6
Currently Selected:
1 KORINT Bindu 5: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.