1 KRONIKA Bindu 20
Bindu 20
Hatataban ni huta Rabba 1-3.
Angka hamusuon ni si Daud dompak halak Palistim 4-8.
(Ay. 20:1-3; patud. 2Sam 11:1, 12:26-31)
I. 1Jadi dung salpu sataon, jumpang muse tingki haboborhat ni angka raja, gabe diuluhon si Joab ma sude angka parangan jala disiaphon tano ni halak Amon; sahat ibana huhut tu huta Rabba laos ditungkum; alai tinggal di Jerusalem do anggo si Daud. Jadi dipapatu si Joab ma huta Rabba laos dipanepnep do. 2Dung i dibuat si Daud ma tumpal ni rajanasida i sian atas uluna, ia boratna didasing satalenta sere padohot angka mata intan. Dung i dibahen ma tumpal i tu ulu ni si Daud, diboan huhut mansai godang tabantaban sian huta i. 3Alai anggo jolma angka na di bagasan huta i diboan do tu balian jala dilobongi nasida marhite sian gargaji, angka hureta bosi pardegean dohot angka tangke. Suang songon i dibahen si Daud tu saluhut huta ni halak Amon. Dung i mulak ma si Daud dohot sandok parangan i tu Jerusalem.
(Ay. 20:4-8; patud. 2Sam 21:18-22)
II. 4Jadi dung salpu i tubu muse hamusuon di Gezer dompak halak Palistim. Uju i ma dibunu si Sebekkai, halak Husa i ma si Sipar, sada halak sian angka anak ni si Repaim gabe tarjepol nasida. #1Kron 11:29, 27:11 5Dung i tubu muse hamusuon dompak halak Palistim, gabe dibunu si Elhanan, anak ni si Jair ma si Lakmi, anggi ni si Goliat, halak Gat, ia suhul ni hujurna, na saumban do. #Jos 11:22; 1Sam 17:4 6Dung i tubu muse hamusuon di Gat; adong ma disi sada baoa na ganjang situtu, onom be jarijari ni tanganna dohot patna, gabe duapulu opat toropna; ibana pe tubu ni si Repaim do. 7Jadi dung niinsahanna halak Israel, gabe dibunu si Jonatan, anak ni si Simea, haha ni si Daud ma ibana. #1Sam 17:10; 1Kron 2:13 8Luhut nasida tubu ni si Repaim do di Gat, gabe rap mate nasida dibunu si Daud dohot angka naposona i.
Currently Selected:
1 KRONIKA Bindu 20: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.