Мудрост Соломонова 3
3
Блаженството на праведниците.
1А душите на праведниците се во Божја рака; до нив нема да се допре никаква мака.
2Во очите на нерзумните, тие се како умрени, а нивниот крај се сметаше за пропаст;
3и тоа што тие заминуваат од нас – како уништување, но тие живеат во мир.
4Зашто иако во очите на луѓето е да се накажуваат, надежта нивна полна е со бесмртност.
5Бидејќи малку казнети, тие ќе добијат големи блага, зашто Господ ги испитал и ги нашол достојни ѕа Себеси.
6Он ги проверил како злато во печка и ги примил како најсовршена жртва.
7Во времето на воскреснувањето, тие ќе светкаат како искри меѓу гранки.
8На племиња ќе им судат, над народи ќе владеат, а над нив Господ ќе царува довека.
9Оние што се надеваат на Него, ќе ја познаат вистината, а кои Му се верни во љубовта – ќе живеат во Него, зашто Он има милост и милосрдност ѕа Своите светии и промисла – за Своите избраници.
10А безбожниците ќе бидат казнети за своите мисли; затоа што ги презреа праведниците и што отстапија од Господа.
11Оти оние што ја презираат мудроста и поуката – несреќни се и надежта нивна е празна, и трудовите – бесплодни, а делата некорисни.
12Нивните жени се неразумни, а децата лоши; проколнат е нивниот дом.
13Блазе на неродилка, која не се осквернала, која не познала незаконска постела; таа ќе добие плод – кога светите души ќе бидат наградувани.
14Блазе на евнух, кој не направил беззаконие со рака и не помислил ништо лошо против Господа; за неговата вера ќе му биде дадена посебна благодат и најпријатен дел во храмот на Господа.
15Плодот на добрите трудови е славен, а коренот на мудроста е неподвижен.
16Децата на прељубниците ќе бидат несовршени, а плодот на беззаконата постела пропаѓа.
17Макар биле и договечни, за ништо нема да ги сметаат; нивната длабока старост ќе биде без почит.
18А ако умрат рано, нема надеж, ниту имаат утеха ѕа судниот ден;
19зашто страшен е крајот на грешниот род.
Currently Selected:
Мудрост Соломонова 3: MK1990
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© Библиско Здружение на Р. Македонија 1990, 2016
© Bible Society of the Republic of Macedonia 1990, 2016