Ek. 39
39
Kunasira zvoKusimira zveVapristi
(Ek. 28:1-14)
1Vakaita zvokusimira zvakanasa kunaka zvakaitwa ngezvakarukwa zvakasvipirika, zvakatsvukuruka, zvakatsvuka, zvokusimira zvaavo vaishanda mundau yakachena, vakaita zvokusimira zvakacheneswa zvaAroni, kudai ngezvaakapanga Mambo Mwari kunaMosi.
2Naye wakaita efodhi ngomukore, akasvipirika, akatsvukuruka, akatsvuka, neorukangaza rwakanaka, rwakakoshwa. 3Naavo vakapfura mukore kuita maruepepe, vakaachekera kuita tambo dzokutunga ndidzo akatsvukuruka, akatsvuka, neorukangaza rwakanaka, mushando wengwazi yokutunga. 4Vakaitira efodhi mabhande epamapfudzi aro, akarimbanidzwa periri pamakhona mairi. 5Nebhande rakarukwa ngoungwazi, padera paro, kurisunga ndiro, raiya rakanasirwa ngechiro chimwecho naro, romukore, nezvakarukwa zvakasvipirika, zvakatsvukuruka, zvakatsvuka, nezverukangaza rwakanaka rwakakoshwa, kudai ngezvaakapanga Mambo Mwari kunaMosi.
6Vakatsetsa mapuwe eonikisi, akanamwa muhata dzomukore, akanangurwa kudai ngokunangurwa kwendandazi, kudai ngokuteererana kwemazina evana vaIsuraeri. 7Wakaisa padera pemabhande epamapfudzi eefodhi, kuti mapuwe aite mukarakadziso wevana vaIsuraeri, kudai ngezvaakapanga Mambo Mwari kunaMosi.
Kunasira choKufukidza Diti
(Ek. 28:15-30)
8Wakaita chokungwarira diti, mushando wengwazi, kudai ngokuitwa kweefodhi; wakariita ngomukore, nezvakarukwa zvakasvipirika, zvakatsvukuruka, zvakatsvuka, nezvorukangaza rwakanaka rwakakoshwa. 9Marutii acho aiya akaedzana; vakaita chokungwarira diti chakapetwa; urebu hwacho hwaiya masendimitha makumi mairi namairi, chakapetwa. 10Vakaisa mukati mwacho misara mirongomuna yemapuwe. Musara wesardhiusi, topazi, nekhabhunikeri ndiwo waiya musara wokutanga; 11nomusara wechipiri waiya neemerodhi, safire, nedhaimondi; 12nomusara wechitatu waiya nejakinithi, agate, neametisti; 13nomusara wechirongomuna waiya nebheriri, onikisi, nejasipa; aiya akanamwa muhata dzomukore.
14Pakaiswa mapuwe gumi namairi nemazina awo akadai ngemazina evana vaIsuraeri, kudai ngokunangurwa kwendandazi, rimwe ngarimwe rakanangurwa zina raro, emadzinza gumi namairi. 15Navo vakaita padera pechokungwarira diti maketani akadai ngebote romukore wakaera. 16Vakaita zvinemeso zviiri zvomukore, nendandazi mbiri dzomukore, vakaisa ndandazi mbiri pamakhona mairi echokungwarira diti. 17Vakaisa mapote mairi akarukwa omukore mukati mwendandazi mbiri pamupendero wechokungwarira diti. 18Magumo mairi emapote mairi akarukwa aakabatanidza pamberi pamapfudzi eefodhi. 19Zvino vakaita ndandazi mbiri dzomukore, vakadziisa pamakhona mairi echokungwarira diti, parutii rwacho rwomukati, pasinde neefodhi. 20Vakaita ndandazi mbiri dzomukore, vakadzisungira mberi ngepashi pemapfudzi mairi eefodhi, pezvinosunganidzwa padera pebhande rakarukwa ngoungwazi reefodhi. 21Vakasunga chokungwarira diti ngendandazi dzacho kundandazi dzeefodhi, ngechitambo chakasvipirika, kuti chiwe padera pebhande rakarukwa ngoungwazi reefodhi, kuitira kuti chokungwarira diti chisazosunhurwa kubva kuefodhi, kudai ngezvaakapanga Mambo Mwari kunaMosi.
Kunasirwa kweZvokusimira Zvimweni zveVapristi
(Ek. 28:31-43)
22Wakanasirawo gauni reefodhi ngezvakarukwa, zveshe zvakasvipirika. 23Neuri raiya pakati payo, raiya rakadai ngeuri riri pagauni rokurwa, rine mupendero kutendenedza uri raro, kuti risazobauka. 24Pamipendero yegauni vakarukira maphomegraniti akasvipirika, akatsvukuruka, akatsvuka neorukangaza rwakakoshwa. 25Vakanasira zvisimbi zvinoridzwa zvemukore zvakaeriswa, vakaisa zvinorira pakati pemaphomegraniti pamupendero wegauni kuritendenedza. 26Simbi yokuridza nephomegraniti, simbi yokuridza nephomegraniti, pamipendero yegauni kuritendenedza, rokusimira echiita mushando, kudai ngezvaakapanga Mambo Mwari kunaMosi.
27Vakaita mabhachi akarukwa orukangaza rwakanaka aAroni neevakororo vake, 28nechiqoko chorukangaza rwakanaka, nezviqoko zvakanaka zvorukangaza rwakanaka, nemaburuku orukangaza rwakanaka rwakakoshwa, 29nebhande rorukangaza rwakanaka rwakakoshwa, nezvakarukwa zvakasvipirika, zvakatsvukuruka, nezvakatsvuka, mushando womunemesi, kudai ngezvaakapanga Mambo Mwari kunaMosi.
30Vakaita rusamba rwedzungudza rwakacheneswa ngomukore wakaera, vakanyora padera parwo chinyoro, kudai ngokunangurwa kwendandazi, kuti, “RWAKACHENESWA KUNA MAMBO MWARI.” 31Vakasungira kweriri tambo yakarukwa ngezvakasvipirika, kuisungira pachiqoko ngepadera, kudai ngezvaakapanga Mambo Mwari kunaMosi.
Kupedziswa kwoMushando
(Ek. 35:10-19)
32Ndizvo wakapera mushando weshe wethabhenakeri retende romushongano; nevana vaIsuraeri vakaita kudai ndizvo zveshe zvaakapanga Mambo Mwari kunaMosi, ndizvo vakaita kudaro. 33Vakaunza thabhenakeri kunaMosi, tende, nezvidziyo zvaro zveshe, zvikoreko zvaro, mwamba yaro, marukasha aro, sika dzaro, nezvigadzikiro zvaro; 34nechifukidziro chematoo emagondohwe chakatsvukiswa, nechifukidziro chematoo emadenhe, nejira rokusitira; 35bhokisi rechitenderano, nemipingo yaro, nechigaro chenyasha; 36tafura, nezvidziyo zvaro zveshe, nechingwa chokuwapo kwaMambo Mwari; 37chigadzikiro chezvibani chomukore wakaera, nezvibani zvacho, nezvibani zvakanasirirwamwo, nezvidziyo zveshe zvacho, nemafuta ezvibani; 38nearita romukore, nemafuta okudzodza, nomutombo wokupisha unegwema rakanaka, nejira rokusitira repamusiwo petende; 39arita rethusi, nechakarukwa chethusi chokufukidza, nemipingo yaro, nezvidziyo zveshe zvaro, chokushambiramwo, nechigadzikiro chacho; 40machira okusitira oruwanze, sika dzarwo nezvigadzikiro zvadzo, nemachira epamusiwo weruwanze, mapote arwo nehoko dzarwo; nezvidziyo zveshe zvomushando wethabhenakeri, dzetende romushongano; 41zvokusimira zvakanasa kurukwa zvokushanda nazvo mundau yakachena, nezvokusimira zvakacheneswa zvaAroni mupristi, nezvokusimira zvevakororo vake, zvokushandisa mumushando woupristi. 42Kudai ndizvo zveshe zvaakapanga Mambo Mwari kunaMosi, ndizvo vana vaIsuraeri vakaita mushando weshe. 43NaMosi wakaringira mushando weshe, akaona kuti vaiya vauita kudai ngezvaakapanga Mambo Mwari, ndizvo vaiya vauita; Mosi wakavadakadzisa.
Currently Selected:
Ek. 39: Ndau
Highlight
Copy
Compare
Share
Want to have your highlights saved across all your devices? Sign up or sign in
