Ek. 36

1“Bhezareri naOhoriabhi nomunhu weshe unoungwaru, mwaari Mambo Mwari wakaisa ungwaru nokuzwisisa kuzia njira yokushanda mishando yeshe yendau yakachena, vanozoshanda kudai ndizvo zveshe zvaakapanga Mambo Mwari.”

Vanhu Vanounza Zvipo Zvakawanda

2Mosi wakadaidza Bhezareri naOhoriabhi, nomunhu weshe unoungwaru, mwaari Mambo Mwari waakaisa ungwaru hwokukona kuita, munhu weshe wakasundwa ngomwoyo wake, kuuya kumushando nokuuita. 3Vakaashira kubva kunaMosi zvipo zveshe zvakaunzwa ngokuda ngevana vaIsuraeri zvokuita mushando wendau yakachena. Vakaangirira kuunza kwaari zvipo zvokupa ngokuda mangwanani eshe. 4Ndizvo vanhu veshe vakangwara vakashanda mushando weshe wendau yakachena, vakauya munhu weshe kubva kumushando wake waaiya echiita, 5navo vakati kunaMosi, “Vanhu vanounza zvakanyanya kuwanda kupinda zvinodikanwa kuita mushando, waakatipanga Mambo Mwari kuita.”

6Mosi wakapa mupango, navo vakauteketesa mumatende vechiti, “Mwamuna nokuti mukadzi asachaunza zvipo zvomushando wendau yakachena.” Ndizvo vanhu vakapingwa kuti vasachaunza; 7ngokuti zvipo zvevaiya vaanazvo zvaikwana mushando weshe kuuita nezvakanyanya kuwanda.

Kuaka Tende roKuwapo kwaMambo Mwari

(Ek. 26:1-37)

8Vanhu veshe vakangwara pakati pavo vaiita mushando vakaita thabhenakeri rine machira okusitira gumi orukangaza rwakanaka, rwakakoshwa, akasvipirika, akatsvukuruka, akatsvuka; wakaemesa ngemakherubhi, mushando wengwazi. 9Urebu hwejira rimwe ngarimwe hwaiya hwakaedzana, mamitha gumi namairi, noupamhu hwejira rimwe ngarimwe hwaiya mamitha mairi; machira okusitira eshe aiya nechipimo chimwecho.

10Naye wakasungira machira mashanu pamwepo rimwe pane rimweni, neamweni machira mashanu wakaasungira rimwe pane rimweni. 11Wakaita magangiro ezvakarukwa zvakasvipirika pamupendero wejira rimwe rokupedzisira reakasungirwa pamwepo okutanga; wakaitazve kudaro pamupendero wejira rokupedzisira kubanze reakasungirwa pamwepo echipiri. 12Wakaita magangiro makumi mashanu pajira rimwe, naye wakaita magangiro makumi mashanu pajira rokubanze reakasungirwa pamwepo echipiri; magangiro aiya akaringirana rimwe kune rimweni. 13Wakaita zvikoreko makumi mashanu zvomukore, akasunganidza machira rimwe pane rimweni ngezvikoreko; ndizvo thabhenakeri rakaita rimwero.

14Wakaita machira okusitira ngemavhiri embudzi, emutende padera pethabhenakeri; wakaita machira gumi narimwe. 15Urebu hwejira rimwe ngarimwe hwaiya hwakaedzana mamitha gumi namatatu, noupamhu hwejira rimwe ngarimwe hwaiya mamitha mairi; machira gumi narimwe aiya nechipimo chimwecho. 16Wakasungira machira mashanu ega, nemachira matanhatu ega. 17Wakaita magangiro makumi mashanu pamupendero wejira rokupedzisira reakasungirwa pamwepo okutanga, wakaitazve magangiro makumi mashanu pamupendero wejira rokupedzisira reakasungirwa pamwepo echipiri. 18Wakaita zvikoreko makumi mashanu zvethusi zvokusunganidza tende pamwepo, kuti riite chiro chimwe. 19Naye wakaita chifukidziro chetende ngematoo emagondohwe akatsvukiswa, nechifukidziro chematoo emadenhe ngepadera.

20Wakaita sika dzehlofunga dzokuemesa. 21Urebu hwesika imwe ngaimwe hwaiya mamitha marongomuna, noupamhu hwesika imwe ngaimwe hwaiya masendimitha makumi matanhatu namatanhatu. 22Sika imwe ngaimwe yaiya nemhanda mbiri, dzokurimbanidza ndidzo imwe pane imweni; wakaita izvi pasika dzeshe dzethabhenakeri. 23Wakaita sika dzethabhenakeri; sika makumi mairi orutii rwokubani; 24naye wakaita zvigadzikiro zvesirivha makumi marongomuna pashi pesika makumi mairi; zvigadzikiro zviiri pashi pesika imwe nemhanda dzayo mbiri, zvigadzikiro zviiri pashi pesika imweni nemhanda dzayo mbiri. 25Kurutii rwethabhenakeri, kurupande rwedera, wakaita sika makumi mairi, 26nezvigadzikiro zvadzo zvesirivha makumi marongomuna; zvigadzikiro zviri pashi pesika imwe, nezvigadzikiro zviiri pashi pesika imweni. 27Kurupande rwesure rwethabhenakeri ngokumabirirazuva wakaita sika nhanhatu. 28Wakaita sika mbiri dzepamakhona ethabhenakeri kurupande rwesure. 29Nawo aiya akaparadzana ngepashi, asi akabatana padera, pandandazi yokutanga; ngokudaro wakaita mairi awo emakhona mairi. 30Dzaiyapo sika sere, nezvigadzikiro zvadzo zvesirivha; zvaiyapo zvigadzikiro gumi nazvitanhatu; pashi pesika imwe ngaimwe paiya nezvigadzikiro zviiri.

31Wakaita marukasha mashanu omuhlofunga, mashanu esika dzorupande rumwe rwethabhenakeri, 32nemarukasha mashanu esika dzorupande rumweni rwethabhenakeri nemarukasha mashanu esika dzethabhenakeri dzorupande rwesure kumabirira-zuva. 33Wakaita rukasha#36:33 Rukasha:Ihasha. rwepakati kuti rupinde ngepakati pesika kubva pamagumo amwe kuguma pamagumo amweni kuenda pakati pesika. 34Wakaseta sika ngomukore, akaita ndandazi dzadzo ngomukore kuita panobata ndipo marukasha, akaseta marukasha ngomukore.

35Wakaita vheri ngemachira akasvipirika, akatsvukuruka, akatsvuka akarukwa, ngorukangaza rwakanaka rwakakoshwa; wakarinemesa ngemakherubhi, mushando wengwazi. 36Naye wakariitira sika murongomuna dzehlofunga, akadziseta ngomukore; nezvikoreko zvadzo zvaiya zvomukore; wakadziumbira zvigadzikiro zvirongomuna zvesirivha. 37Wakaita machira okusitira epamusiwo petende, ngemachira akasvipirika, akatsvukuruka, akatsvuka, akarukwa ngorukangaza rwakanaka rwakakoshwa, mushando womunemesi; 38nesika dzawo shanu nezvikoreko zvadzo. Wakaseta zvipanda zvadzo nezvinemeso zvadzo ngomukore; asi zvigadzikiro zvadzo zvishanu zvaiya zvethusi.

Currently Selected:

Ek. 36: Ndau

Highlight

Copy

Compare